याकूब 2:5 - Garhwali

⁵ हे मेरा प्यारा भै-बैंणो, सुणा, दुनियां का लोगु की नजर मा जु गरीब छिन, ऊंतैं परमेस्वर न चुणी। ताकि ऊ बिस्वास मा भरपूर ह्‍वे जा, अर परमेस्वर बटि प्यार करण वळो तैं जै राज को हकदार होणो को करार वेन कैरी, वेका हकदार वु बणि जा।

गढवली नयो नियम

⁵ हे मेरा प्रिय विश्वासी भयों, ध्यान द्या। क्य पिता परमेश्वर ल दुनिया का गरीबों तैं नि चुणि? कि उ विश्वास मा अमीर अर वे राज्य का वारिस बणा, ज्यांको वादा पिता परमेश्वर ल ऊं बट्टी कैरी, जु ऊं बट्टी प्रेम रखदींनि,

याकूब 2:5 Referans Kwoze

मत्ती 5:3

“धन्य छिन ऊ, जु मन का दीन छिन, किलैकि परमेस्वर को राज ऊंको ही च।

लूका 6:20

तब वेन अपणा पिछनै चलण वळो का जनै देखि के बोलि, “धन्य छाँ तुम जु दीन छाँ, किलैकि परमेस्वर को राज तुमरो ही च।”

दिब्य दरस 2:9

“मि तुमरा कष्‍ट अर कंगाली का बारा मा जणदु छौं (पर मेरी नजर मा तुम सेठ छाँ), अर जु लोग खुद तैं यहूदी मणदिन (पर ऊ छैई नि छिन, ऊ त शैतान की पूजा करदिन), ऊ तुमरि बदनामी करदिन यू भि मि जणदु छौं।

2 कुरिन्थि 8:9

अर तुम हमरा प्रभु यीशु मसीह की महान किरपा का बारा मा जणदा ही छाँ, कि स्वर्ग मा वेका पास सब कुछ छौ मगर हम मनखियों तैं फैदा पौछाण का खातिर उ गरीब बणि गै, ताकि हम वेका द्‍वारा हर बात मा सेठ बणि जा।

लूका 12:21

तब यीशु न ऊंतैं बतै कि, “इन्‍नि वु मनखि भि च जु अफु खुणि इकट्‍ठा करदु, पर वु मनखि परमेस्वर की नजर मा सेठ नि च।”

1 पतरस 1:4

ज्वा कि एक विरासत का रुप मा हम खुणि स्वर्ग मा रखी च, अर वा विरासत कभि नि मिटण वळी च, ज्वा कि सदनि तक रौण वळी अर शुद्ध च।

याकूब 1:12

जु मनखि अजमैसों मा भि टिक्यूं रौन्दु उ धन्य च, किलैकि जब उ अजमैसों मा सफल ह्‍वे जान्दु, तब वेतैं जीवन को मुकुट मिललु। किलैकि जु मनखि परमेस्वर से प्यार करदु, वेतैं यू मुकुट देण को करार परमेस्वर न कर्युं च।

इब्रानी 11:26

किलैकि पितर मूसा न ईं बात तैं स्वीकार कैरियाली छौ, कि अगर जु मसीह का खातिर वेकी बेजती भि ह्‍वे जालि तभि भि वा बेजती मिस्र देस की धन-दौलत से भौत जादा बढी के च। अर इन किलैकि मूसा को ध्यान वे इनाम की तरफा छौ, जु कि आखिरी मा परमेस्वर वेतैं देण वळु छौ।

लूका 12:32

अर यीशु न ऊंकू बोलि, “हे मेरा छुटा दल, नि डौऽर किलैकि तुमरा पिता तैं यू ही अच्छु लगि कि वु तुमतै स्वर्ग को राज द्‍यो।

1 कुरिन्थि 2:9

मगर जन कि पवित्रशास्‍त्र मा भि लिख्यूं च कि, “जु बात आंख्यों न नि दिखिनी अर ना ही कन्दूड़ो न सुणिनी, अर जु बात मनखियों का ख्याल मा भि नि ऐनी, ऊं सानदार बातों तैं परमेस्वर न ऊं खुणि तयार कैरिके रख्युं च, जु वेसे प्यार करदिन।”

मत्ती 25:34

तब राजा अपणा दैंणी तरफा वळो कू बोललु, ‘मेरा पिता बटि आसीस पौण वळो, आ, अर वे राज्य का अधिकारी ह्‍वे जा, जु दुनियां की शुरुवात बटि तुम खुणि तयार कैरिके रख्युं च।

दिब्य दरस 21:7

अर जु जीत हासिल करलु वेतैं विरासत मिलेली, अर मि वेको परमेस्वर होलु अर उ मेरु पुत्र होलु।

याकूब 1:9

अगर कुई बिस्वासी जन दीन सभौ को च, त उ अपणा हाल पर बड़ु मोन कैरो। किलैकि परमेस्वर न वेतैं आदर-सम्मान दियूं च।

2 तीमुथियुस 4:8

अर अब जीत को इनाम मि खुणि रख्युं च, अर वु इनाम परमेस्वर की नजर मा धरमी जीवन जीण वळो तैं मिलदु, जु कि स्वर्ग मा च। अर जब हमरु धरमी प्रभु न्याय करणु खुणि आलु, त उ मितैं इनाम का तौर पर जीत को मुकुट द्‍यालु अर सिरफ मितैं ही ना, बल्किन मा ऊं लोगु तैं भि द्‍यालु जु वेका इंतजार बड़ी आस लगै के कना छिन।

2 कुरिन्थि 6:10

अर हमरा जीवनों मा जादातर दुख ही रौन्दु, मगर हम हमेसा खुश रौन्द्‍यां। अर भले ही हम गरीब छां, मगर आत्मिक रुप से हमुन भौत सा लोगु तैं सेठ बणैयालि। अर लोगु की नजर मा भले ही हमरि कुई औकात नि च, मगर परमेस्वर का होण का नाता हमरा पास सब कुछ च।

दिब्य दरस 3:18

इलै मि तुमतै इन सला देन्दु कि तुम मि बटि वु सोना खरीदी ल्या जैतैं आग मा तपै के शुद्ध कर्युं च, ताकि तुम सेठ बणि जा अर सफेद कपड़ा भि ले ल्या, ताकि वेतैं पैरि के तुम नंगि नि दिख्या अर तुमतै सरम नि अऽ। अर अपणी आंख्यों मा लगौणु खुणि सुरमा ले ल्या, ताकि तुम दिखण लगि जा।

लूका 16:25

पर अब्राहम न बोलि, ‘बेटा, याद कैर तिन अपणा जीवन मा वु सब कुछ पै ज्यां की त्वेतै जरुरत छै, जब की लाजर न खैरि खै मगर अब वेतैं इख सुख-शान्ति मिलणी च, अर त्वेतै उख खैरि।

मत्ती 11:5

‘अन्धा दिखणा छिन, अर लूला-लंगड़ा चलणा-फिरणा छिन, अर कोड़ियों तैं शुद्ध किये जाणु च, बैरा सुनणा छिन अर मुरदो तैं ज्यून्द किये जाणु च, अर गरीबों तैं शुभ समाचार सुणये जाणु च।

2 पतरस 1:11

अर इन कैरिके तुम हमरा पिता परमेस्वर अर बचौण वळा यीशु मसीह का राज्य मा जै सकिल्या जु कि सदनि को च, अर यां को तुमतै पूरु अधिकार दिये जालु।

2 तीमुथियुस 4:18

अर अब प्रभु मितैं हर बुरै से दूर करलु, अर अपणा स्वर्ग का राज्य मा हिफाजत से लि जालु वेको आदर-सम्मान सदनि तक होणु रौ। आमीन।

2 थिस्सलुनीकी 1:5

अर मि तुमतै बतै देन्दु कि परमेस्वर का राज तैं पौण का खातिर जौं दुखों तैं तुम अभि झिलणा छाँ, ऊंका द्‍वारा परमेस्वर भि तुमतै अपणा लैख बणाणु च। अर यू देखि के लोग जाणि जाला कि परमेस्वर न्याय करण मा सच्‍चु च।

इफिसुस 3:8

अर पिता परमेस्वर का सब पवित्र लोगु मा बटि मि सबसे छुटा छौं, मगर फिर भि वेन मि पर अपणी किरपा कैरिके मितैं यू दान दिनी, कि जु लोग यहूदी जाति का नि छिन मि ऊंका बीच मा जैके यीशु मसीह का द्‍वारा मिलण वळी बेशुमार आसिसों को बखान कैरी सैकु।

रोमियों 8:17

अर अगर जु हम पिता परमेस्वर की औलाद छां, त यां को मतलब यू च कि हम वेका वारिस भि छां। अर स्वर्ग मा जन यीशु मसीह पिता परमेस्वर को वारिस च, ठिक उन्‍नि स्वर्ग मा हमतै भि वेसे वारिस होण को अधिकार मिलण, अर यू अधिकार मिलण की वजै से हम भि यीशु मसीह का दगड़ा मा साझी ह्‍वे जौला। इलै हे मेरा भै-बैंणो, या बात सच्‍च च कि अगर हम यीशु मसीह की तरौं दुख-तकलीफ सौन्द्‍यां, त स्वर्ग मा पिता परमेस्वर हमतै भि जरुर आदर-सम्मान द्‍यालु।

लूका 16:22

“अर इन ह्‍वे, कि एक दिन लाजर मोरि गै, अर स्वर्गदूतों न ऐके वेतैं अब्राहम का पास पौंछे दिनी। अर ठिक उन्‍नि कुछ दिनों बाद सेठ मनखि भि मोरि गै, अर ऊंतैं दफनये गै।

याकूब 1:16

हे मेरा प्यारा भै-बैंणो, तुम कै भि बात मा धोखा नि खा।

इफिसुस 1:18

अर मि इन प्रार्थना करदु कि पिता परमेस्वर तुमरा मनों का आंख्यों तैं खोली द्‍यो, ताकि तुम जाणि सैका कि वा आस क्या च, ज्यां खुणि पिता परमेस्वर न तुमतै बुलै। अर वा बेशुमार दौलत क्या च, ज्वा वेन बिस्वासी लोगु तैं विरासत मा देण खुणि रखी च।

2 कुरिन्थि 4:15

अर यू सब कुछ तुम खुणि ही होणु च ताकि जै तरीके से पिता परमेस्वर कि किरपा जादा से जादा लोगु पर होणी च, ठिक उन्‍नि पिता परमेस्वर की तारीफ अर धन्यवाद खुणि लोगु की गिनती और भि बढदी जौ।

यूहन्ना 7:48

अर क्या हमरा मुख्यों या फरीसियों मा बटि कैन भि वे पर बिस्वास कैरी?

लूका 22:29

अर जन मेरा पिता न मितैं एक राज्य दियूं, तन्‍नि मि भि तुमतै एक राज्य देन्दु छौं,

मरकुस 7:14

तब यीशु न भीड़ का लोगु तैं फिर से अपणा पास बुलै अर ऊंकू बोलि, “तुम सब मेरी बात तैं सुणा अर वींतैं बिंगण की कोसिस कैरा।

खास चेलों 7:2

अर स्तिफनुस न जबाब दिनी, “हे मेरा भैयों अर दाना-स्यांणा लोगु, मेरी बातों तैं ध्यान से सुणा, जब हमरु पितर अब्राहम हारान नगर मा रौणु कू गै छौ, वेसे पैलि उ मेसोपोटामिया का मुलक मा छौ। अर उख हमरा महान परमेस्वर न वेतैं अपणु दरसन दिनी।

याकूब 1:19

हे मेरा प्यारा भै-बैंणो, तुम ईं बात तैं समझि ल्या, कि हरेक मनखि बात सुनणु कू तयार रौ, अर सोची समझि के बुलण वळु अर गुस्सा करण मा कम हो।