याकूब 2:25 - Garhwali

²⁵ उन्‍नि राहाब नौ की वेश्या न भि पितर यहोशू का द्‍वारा भेज्यां जासूसों तैं बचौणु खुणि ऊंतैं अपणा घौर मा छिपै छौ, अर फिर दुसरा बाटा बटि ऊंतैं भेजि दिनी। अर इन काम करण का द्‍वारा वा परमेस्वर की नजर मा धरमी ठैरै गै।

गढवली नयो नियम

²⁵ उन ही राहाब वेश्या भि, जब वीं ल भेद लींण वला दूत तैं अपड़ा घौर मा रौंणु कु जगह द्ये, अर वीं ल ऊंका दुश्मनों बट्टी बचौणु कु दुसरा रस्ता बट्टी ऊं तैं भेजि दींनि, त उ अच्छा कामों का कारण व धर्मी बंणि।

याकूब 2:25 Referans Kwoze

इब्रानी 11:31

अर बिस्वास का द्‍वारा ही राहाब नौ की जनानि ज्वा कि पैलि वेश्या छै नास होण से बचि गै, किलैकि वींन इस्राएली जासूसों तैं अपणा घौर मा छिपै के रखी छौ, मगर यरीहो नगर का दुसरा लोग जु कि परमेस्वर तैं नि मणदा छा, वु सब नास ह्‍वे गैनी।

मत्ती 21:31

यों दुईयों मा बटि कैन अपणा बुबा की इच्छा तैं पूरि कैरी?” ऊं लोगु न बोलि, “गुरुजी, बड़ा नौन न।” यीशु न ऊंकू बोलि, “मि तुम बटि सच्‍च बोन्‍नु छौं, कि चुंगी लेण वळा लोग अर वेश्याओं का जन दुसरा पापि लोग तुम से पैलि परमेस्वर का राज मा जाणा छिन।

मत्ती 1:5

अर सलमोन बटि बोअज को जनम ह्‍वे, अर बोअज की माँ को नौ राहाब छौ, अर बोअज न रूत बटि ब्यौ कैरी, अर ऊंका नौना को नौ ओबेद छौ, अर ओबेद बटि यिशै को जनम ह्‍वे।

याकूब 2:22

अर तुमुन देखियाली, कि अब्राहम का बिस्वास न वेका कामों का दगड़ा मा मिली के इन कैरी, कि वेका ऊं कामों का द्‍वारा वेको बिस्वास पूरु ह्‍वे गै।

याकूब 2:18

पर इन ह्‍वे सकदु च कि, “एक मनखि बोलो कि मि बिस्वास करदु, अर दुसरो बोलो कि मि त भलै का काम करदु।” त इन्द्रया लोगु खुणि मि इन बुल्दु कि, “तू बिना काम कियां अपणु बिस्वास दिखौ, अर दुसरो अपणु बिस्वास भलै का काम कैरिके दिखालु।”

खास चेलों 17:7

अर ये यासोन न ऊंतैं अपणा घौर मा रखी। अर यू सभ्या का सभि महाराजा का आदेस को विरोध करदिन अर एक और राजा च जैको नौ यीशु च इन भि बुल्दिन।”

याकूब 2:24

अब तुमुन देखियाली की मनखि केवल बिस्वास से ही ना, बल्किन कामों का द्‍वारा भि परमेस्वर की नजर मा धरमी ठैरै जान्दु।