याकूब 2:21 - Garhwali

²¹ जब हमरु पितर अब्राहम अपणा नौना इसहाक तैं वेदी पर बलि चड़ौणु कू तयार छौ, तब उ अपणा कामों का द्‍वारा परमेस्वर की नजर मा धरमी ठैरै गै।

गढवली नयो नियम

²¹ जब हमारा पूर्वज अब्राहम ल अपड़ा नौंना इसहाक तैं वेदी पर चढ़ै, त वेल जु अच्छो काम कैरी वेका द्वारा ही उ पिता परमेश्वर का संमणी धर्मी ठैरे गै।

याकूब 2:21 Referans Kwoze

यूहन्ना 8:39

तब ऊंन यीशु कू बोलि, “हमरु बुबा त अब्राहम च।” पर यीशु न ऊंकू बोलि, “अगर जु तुम अब्राहम का नौना होन्दा, त वेका जन काम भि करदा।

रोमियों 4:16

इलै ही परमेस्वर का द्‍वारा जु करार किये गै वु मनखि का बिस्वास पर टिक्यूं च, ताकि करार को दान पितर अब्राहम का वंश का सब लोगु तैं पिता परमेस्वर की महान किरपा से मुफत मा मिली सैको। अर केवल यहूदी लोगु खुणि ही ना जु की नियम-कानूनों को पालन करदिन, बल्किन मा हम सभ्यों खुणि भि जु की पितर अब्राहम की तरौं बिस्वास करदिन। इलै ही पितर अब्राहम बिस्वास मा सब लोगु को आत्मिक बुबा च।

मत्ती 12:37

किलैकि तू अपणी ही बातों की वजै से निरदोष ठैरैये जैली, अर अपणी ही बातों की वजै से तू दोषी ठैरीलि।”

याकूब 2:24

अब तुमुन देखियाली की मनखि केवल बिस्वास से ही ना, बल्किन कामों का द्‍वारा भि परमेस्वर की नजर मा धरमी ठैरै जान्दु।

याकूब 2:18

पर इन ह्‍वे सकदु च कि, “एक मनखि बोलो कि मि बिस्वास करदु, अर दुसरो बोलो कि मि त भलै का काम करदु।” त इन्द्रया लोगु खुणि मि इन बुल्दु कि, “तू बिना काम कियां अपणु बिस्वास दिखौ, अर दुसरो अपणु बिस्वास भलै का काम कैरिके दिखालु।”

रोमियों 4:12

अर येका दगड़ा-दगड़ि जब पिता परमेस्वर न पितर अब्राहम तैं खतना करण को चिन्‍न दिनी, त इन करण की वजै से उ हमरु पितर बणि गै, अर हम लोग वेका वंशज। अर हम लोग भि ठिक उन्‍नि बिस्वास का बाटा पर चलद्‍यां, जन हमरु पितर अब्राहम चलि छौ जब वेको खतना भि नि होयुं छौ।

रोमियों 4:1

अर अगर इन च, त हम पितर अब्राहम का बारा मा क्या बोला, जु कि सरील का रिश्ता का मुताबिक हमरु पितर च अर हम वेका वंशज छां।

रोमियों 3:20

किलैकि मूसा का नियम-कानूनों का आधार पर कुई भि मनखि परमेस्वर का समणि धरमी नि ठैरैये जालु, इलै परमेस्वर का नियम-कानूनों की वजै से हमतै इन ज्ञान मिलदु कि हम सब लोग पापि छां।

खास चेलों 7:2

अर स्तिफनुस न जबाब दिनी, “हे मेरा भैयों अर दाना-स्यांणा लोगु, मेरी बातों तैं ध्यान से सुणा, जब हमरु पितर अब्राहम हारान नगर मा रौणु कू गै छौ, वेसे पैलि उ मेसोपोटामिया का मुलक मा छौ। अर उख हमरा महान परमेस्वर न वेतैं अपणु दरसन दिनी।

यूहन्ना 8:53

हमरु बुबा अब्राहम त मोरि गै। क्या तू वेसे भि महान छैई? अर उन्‍नि परमेस्वर का रैबर्या भि मोरि गैनी। त तू खुद तैं क्या समझदी?”

लूका 16:30

अर वेन अब्राहम कू बोलि, ‘नऽ ना पिता, अगर कुई मुरयां लोगु मा बटि ऊंका पास जालु, त वु जरुर पस्ताप करला।’

लूका 16:24

तब वेन धै लगै के अब्राहम कू बोलि, ‘हे पिता, मि पर दया कैरा अर लाजर तैं मेरा पास भेजि द्‍या, ताकि उ अपणा अंगुळा तैं पाणि मा भिगै के मेरी जीब पर लगौ अर वा ठण्डी ह्‍वे जौ, किलैकि मि नरकलोक की आग मा तड़पणु छौं।’

मत्ती 3:9

अर अपणा-अपणा मनों मा इन नि समझा कि, ‘हम अब्राहम का वंश मदि छां, इलै हमतै परमेस्वर दण्ड नि द्‍यालु।’ पर सुणा, मि तुमतै बतै देन्दु कि परमेस्वर यों ढुंगो मा बटि भि अब्राहम खुणि औलाद पैदा कैरी सकदु च।

इब्रानी 11:17

अर बिस्वास का द्‍वारा ही पितर अब्राहम की अजमैस का बगत मा उ अपणा नौना इसहाक तैं परमेस्वर खुणि बलि चड़ौणु खुणि तयार छौ। अर भले ही पिता परमेस्वर न पितर अब्राहम बटि करार कैरी छौ कि, “मि इसहाक का द्‍वारा ही तेरु वंश अगनै बढौलु।”