याकूब 2:14 - Garhwali

¹⁴ हे मेरा भै-बैंणो, अगर कुई बुल्दु कि, “मि बिस्वास करदु छौं,” पर वेका मुताबिक वु काम नि करदु, त क्या फैदा ह्‍वे? क्या इन्द्रयो बिस्वास वेतैं कभि छुटकारु दे सकदु च?

गढवली नयो नियम

¹⁴ हे मेरा विश्वासी भयों, जु कुई बोलु कि, मि तैं प्रभु यीशु मसीह पर विश्वास च पर उ दूसरों कु अच्छो कामों तैं नि कैरो, त यां बट्टी क्य फैदा? क्य इन विश्वास वेको उद्धार या बचाव कैरी सकद?

याकूब 2:14 Referans Kwoze

लूका 6:49

पर जु कुई मेरा वचनों तैं सुणी के ऊंतैं नि मणदु, उ वे मनखि का जन च जैन जमीन पर बिना बुनियाद को घौर बणै। अर जब गदेरु को पाणि ऐ, अर वे घौर पर टकरै, तब उ तुरन्त पोड़ि गै अर वेको छत्यनास ह्‍वे गै।”

तीतुस 1:16

अर यू लोग इन बुल्दिन कि, हम परमेस्वर तैं जणदा छां, पर ऊंका कामों का द्‍वारा इन पता चलि जान्दु कि ऊ परमेस्वर तैं नि जणदिन, किलैकि वु दुष्‍ट सभौ का, अर आज्ञा नि मनण वळा, अर कुई भि अच्छा काम करण का लैख नि छिन।

2 पतरस 1:5

इलै सुणा, कि तुम यों सब बातों मा बढण की पूरि कोसिस कैरा। याने कि तुम अपणा बिस्वास मा मजबूत, अर अपणा चाल-चलन मा अच्छा होन्दी जा, अर वेका दगड़ा-दगड़ि ज्ञान भि रखा,

याकूब 2:26

इलै जन सरील आत्मा का बिना मुरयूं च, उन्‍नि बिस्वास भि कामों का बिना मुरयूं च।

इब्रानी 11:17

अर बिस्वास का द्‍वारा ही पितर अब्राहम की अजमैस का बगत मा उ अपणा नौना इसहाक तैं परमेस्वर खुणि बलि चड़ौणु खुणि तयार छौ। अर भले ही पिता परमेस्वर न पितर अब्राहम बटि करार कैरी छौ कि, “मि इसहाक का द्‍वारा ही तेरु वंश अगनै बढौलु।”

इब्रानी 13:9

अर ध्यान द्‍या, कखि तुम बन्‍नि-बन्‍नि किसम की शिक्षा से भरमै नि जा, किलैकि परमेस्वर खाणु-खाण से ना, बल्किन मा अपणी महान किरपा से हमरा बिस्वास तैं मजबूत करदु, किलैकि खाणु-खाण का रीति-रिवाजों तैं मनण से कुई फैदा नि होन्दु।

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

याकूब 2:18

पर इन ह्‍वे सकदु च कि, “एक मनखि बोलो कि मि बिस्वास करदु, अर दुसरो बोलो कि मि त भलै का काम करदु।” त इन्द्रया लोगु खुणि मि इन बुल्दु कि, “तू बिना काम कियां अपणु बिस्वास दिखौ, अर दुसरो अपणु बिस्वास भलै का काम कैरिके दिखालु।”

खास चेलों 8:21

अरे, ईं सेवा मा नऽ त तेरु कुई सम्बन्ध अर ना ही तेरु कुई हिस्सा, किलैकि परमेस्वर की नजर मा तेरु मन खरु नि च।

मत्ती 5:20

अर मि तुमतै बतै देन्दु, कि अगर जु तुम परमेस्वर की नजर मा धरमी जीवन जीण को काम, शास्‍त्री अर फरीसी दल का लोगु से जादा नि करिल्या, त तुम परमेस्वर का राज मा नि जै सकद्‍यां।’”

तीतुस 3:8

अर यू सब बात सच्‍चि छिन, अर मि चान्दु छौं कि तू यों सब बातों का बारा मा जोर देके बतौ, ताकि जौं लोगु न परमेस्वर पर बिस्वास कैरी, ऊ भलै का कामों तैं करण मा लग्यां रा। अर यू बात खूब अर सब लोगु का फैदे की छिन।

1 तीमुथियुस 1:5

अर आदेस देके समझाणो को कारण यू च, कि हरेक बिस्वासी मनखि आपस मा प्यार से रौ। अर यू प्यार सच्‍चा मन, शुद्ध दिल अर सच्‍चा बिस्वास से होण चयेणु।

1 थिस्सलुनीकी 1:3

किलैकि पिता परमेस्वर पर बिस्वास रखी के जु-जु काम तुमुन करिनी, वु सब हम अपणी प्रार्थनाओं मा याद रखद्‍यां। अर जै प्यार का दगड़ा मा तुमुन मेनत कैरी, अर सबर रखी के तुमुन प्रभु यीशु मसीह पर अपणी ज्वा आस रखी च, वु सब भि हम याद करद्‍यां।

गलातियों 5:13

हे मेरा भै-बैंणो, तुमतै आजादी को जीवन जीणु खुणि बुलये गै। अर ईं आजादी को इस्तेमाल तुम अपणा सरील की इच्छा तैं पूरि करणु खुणि नि लगा, बल्किन मा ईं आजादी को इस्तेमाल प्यार से एक-दुसरे की सेवा करण मा लगा।

1 कुरिन्थि 15:2

अर जु वचन तुमतै दिये गैनी ऊं वचनों तैं याद रखा। अर अगर जु तुम वामा मजबूत नि बणयां रैल्या, त फिर तुमतै कनकै बचयै जालु। अर अगर जु तुम इन नि करिल्या फिर त इन समझा कि तुमरो बिस्वास कन भि बेकार च।

खास चेलों 15:9

अर इन कैरिके वेन हम यहूदी लोगु का अर ऊं लोगु का बीच मा कुई भि भेदभाव नि कैरी जु यहूदी जाति का नि छिन। अर यीशु पर बिस्वास करण से ही वेन ऊंका मनों तैं शुद्ध कैरियाली,

याकूब 2:16

अर तुम मा बटि कुई ऊंकू बोललु कि, “निस फिकर ह्‍वेके जा अर अच्छा कपड़ा पैरा, अर अच्छु खाणु खा,” पर जु चीज ऊंका सरील खुणि जरुरी छिन वु सब ऊंतैं नि देई त क्या फैदा ह्‍वे?

1 तीमुथियुस 4:8

किलैकि सरील की कसरत कैरिके कुछ फैदा त होन्दु च, पर परमेस्वर की भक्‍ति करण से सब बातों मा फैदा ही फैदा होन्दु। अर जु मनखि परमेस्वर की भक्‍ति करदु, वेतैं ये जीवन मा अर सदनि का जीवन मा भि फैदा होलु, जु की बाद मा मिलण वळु च अर वेको करार परमेस्वर को कर्युं च।

खास चेलों 8:13

इख तक की जादूगर शमौन न भि खुद बिस्वास कैरी अर बपतिस्मा ले, अर वेका बाद उ फिलिप्पुस का दगड़ा मा लगातार रौण लगि गै। अर फिलिप्पुस का द्‍वारा जु अदभुत काम अर चमत्कारिक चिन्‍न किये जान्दा छा, ऊंतैं देखि के उ हकदक ह्‍वे जान्दु छौ।

1 कुरिन्थि 16:22

अगर कुई प्रभु से प्यार नि करदु, त वे पर असगार लगु। हे हमरा प्रभु अऽ।

रोमियों 2:25

अगर जु तुम यहूदी लोग नियम-कानून का मुताबिक चलद्‍यां, त खतना का रिवाज तैं पूरु करौण को फैदा च, पर अगर जु तुम नियम-कानून का मुताबिक नि चलद्‍यां त तुमरो खतना करौण को कुई फैदा नि च।

लूका 3:11

तब वेन ऊंतैं जबाब देई, “अगर कै मनखि का पास दुई कुरता हो, त उ एक वेतैं दे द्‍यो जैमा नि च। अर ठिक उन्‍नि जैमा खाणु च, उ भि इन्‍नि कैरो।”

याकूब 1:16

हे मेरा प्यारा भै-बैंणो, तुम कै भि बात मा धोखा नि खा।