याकूब 1:12 - Garhwali

¹² जु मनखि अजमैसों मा भि टिक्यूं रौन्दु उ धन्य च, किलैकि जब उ अजमैसों मा सफल ह्‍वे जान्दु, तब वेतैं जीवन को मुकुट मिललु। किलैकि जु मनखि परमेस्वर से प्यार करदु, वेतैं यू मुकुट देण को करार परमेस्वर न कर्युं च।

गढवली नयो नियम

¹² धन्य च उ आदिम, जु अजमैश का बगत भि मजबूत रौंदो; किलैकि जब उ अजमैश तैं पार कैरी दींदो तब पिता परमेश्वर वे तैं अनन्त जीवन को मुकुट दयालो, ज्यांको वादा पिता परमेश्वर ल अपड़ा प्रेम रखण वलो दगड़ी करयूं च।

याकूब 1:12 Referans Kwoze

1 पतरस 5:10

इलै अब जु दुख-तकलीफ तुम कुछ देर खुणि सौणा छाँ, वे कष्‍ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्‍कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्‍वारा मिलण वळा आदर-सम्मान मा अपणा पास बुलयूं च, जु कि सदनि को च।

दिब्य दरस 2:10

अर सुणा, जु दुख-तकलीफ तुम पर औणिन ऊं बातों से नि डौऽरा, किलैकि शैतान तुम मा बटि कुछ लोगु तैं जेलखाना मा डलवै द्‍यालु, ताकि तुम पूरि तरौं से परखै जा। अर दस दिनों तक तुमतै भौत पीड़ा दिये जालि, मगर अपणी आखिरी सांस तक तुम भरोसेमन्द बणयां रयां, अर मि तुमतै जीवन को मुकुट द्‍यूलु।

याकूब 5:11

देखा, जु लोग दुख का बगत मा भि सबर रखदिन, ऊंकू हम धन्य बुल्द्‍यां। अर तुमुन अय्यूब का सबर रखण का बारा मा त सुणी ही च, अर आखिरी मा प्रभु न वेतैं क्या कुछ देई वेका बारा मा भि तुम जणदा ही छाँ। अर येसे तुमतै पता चलदु, कि प्रभु कथगा दया करण वळु अर कथगा मयळु च।

रोमियों 8:28

अर हम जणदा छां कि जु लोग परमेस्वर से प्यार करदिन, ऊं खुणि सब बात मिलै के भलै ही पैदा करदिन, हाँ, ऊं लोगु खुणि जौं तैं पिता परमेस्वर न अपणी इच्छा का मुताबिक बुलयूं च।

मत्ती 10:22

अर वु तुम से इलै नफरत करला, किलैकि तुम मेरा नौ पर बिस्वास करद्‍यां, पर जु मनखि आखिरी तक सबर रखलु वेतैं ही बचयै जालु।

1 कुरिन्थि 9:25

अर हरेक उ मनखि जु दौड़ मा सामिल होण चान्दु, पैलि उ भौत मेनत करदु अर अपणी हरेक इच्छा तैं मरदु अर यू सब कुछ त उ जीतणु खुणि करदु, ताकि उ जीत का इनाम तैं पै सैको जैन एक दिन नास ह्‍वे जाण। मगर मि तुमतै बतै देन्दु कि हम बिस्वासी लोग सब कुछ पिता परमेस्वर खुणि करद्‍यां अर हमतै इन्द्रयो इनाम मिलण जैको नास कभि नि होण।

1 पतरस 3:14

अर अगर जु तुम अच्छा काम करण का बदला मा दुख सौन्द्‍यां, त तुम धन्य छाँ। अर जु लोग तुमतै डऽरौन्दा या धमकौन्दा छिन ऊं से नि डऽरयां अर ना ही घबरयां।

2 तीमुथियुस 4:8

अर अब जीत को इनाम मि खुणि रख्युं च, अर वु इनाम परमेस्वर की नजर मा धरमी जीवन जीण वळो तैं मिलदु, जु कि स्वर्ग मा च। अर जब हमरु धरमी प्रभु न्याय करणु खुणि आलु, त उ मितैं इनाम का तौर पर जीत को मुकुट द्‍यालु अर सिरफ मितैं ही ना, बल्किन मा ऊं लोगु तैं भि द्‍यालु जु वेका इंतजार बड़ी आस लगै के कना छिन।

याकूब 2:5

हे मेरा प्यारा भै-बैंणो, सुणा, दुनियां का लोगु की नजर मा जु गरीब छिन, ऊंतैं परमेस्वर न चुणी। ताकि ऊ बिस्वास मा भरपूर ह्‍वे जा, अर परमेस्वर बटि प्यार करण वळो तैं जै राज को हकदार होणो को करार वेन कैरी, वेका हकदार वु बणि जा।

1 पतरस 5:4

अर जब परधान चरवाह यीशु परगट होलु, त तुमतै वु मुकुट मिललु जैकी सान कभि खतम नि होलि।

1 कुरिन्थि 2:9

मगर जन कि पवित्रशास्‍त्र मा भि लिख्यूं च कि, “जु बात आंख्यों न नि दिखिनी अर ना ही कन्दूड़ो न सुणिनी, अर जु बात मनखियों का ख्याल मा भि नि ऐनी, ऊं सानदार बातों तैं परमेस्वर न ऊं खुणि तयार कैरिके रख्युं च, जु वेसे प्यार करदिन।”

दिब्य दरस 3:21

“जु जीत हासिल करलु, वेतैं मि अफ दगड़ा राजगद्‍दी पर बिठौलु, ठिक जन मिन जीत हासिल कैरी अर मेरा पिता न मितैं अपणी राजगद्‍दी पर बैठे।

1 पतरस 4:13

बल्किन मा खुश ह्‍वा, किलैकि जु सतौ तुम पर होणु च वेका द्‍वारा तुम यीशु मसीह का दुख मा हिस्सेदार होणा छाँ। अर जब यीशु मसीह अपणा पूरा आदर-सम्मान का दगड़ा मा आलु, त तुमतै बड़ु आनन्द मिललु।

1 कुरिन्थि 8:3

पर अगर कुई मनखि पिता परमेस्वर से प्यार करदु, त यां को मतलब यू च कि वे मनखि को पिता का दगड़ा मा भौत अच्छा से जाण-पछ्याण होईं च।

दिब्य दरस 3:19

“जौं लोगु से मि प्यार करदु ऊं सभ्यों तैं मि डांटदु अर अनुसासन मा लेके औन्दु, इलै पस्ताप कैरा अर बिस्वास मा गरम ह्‍वे जा।

इब्रानी 10:32

हे मेरा भै-बैंणो, अपणा पुरणा दिनों तैं याद कैरा, जब तुमुन परमेस्वर का उज्याळा तैं अपणा जीवन मा पै छौ अर वे बगत मा ईं दुनियां का द्‍वारा जु कुछ भि तुमुन सै वेका बदला मा तुमुन हार नि माणी, बल्किन मा बिस्वास मा बणयां रयां।

इब्रानी 6:15

अर भौत इंतजार करण का बाद पितर अब्राहम तैं वु मिली जैको करार वेका दगड़ा मा परमेस्वर न कैरी छौ।

मत्ती 25:34

तब राजा अपणा दैंणी तरफा वळो कू बोललु, ‘मेरा पिता बटि आसीस पौण वळो, आ, अर वे राज्य का अधिकारी ह्‍वे जा, जु दुनियां की शुरुवात बटि तुम खुणि तयार कैरिके रख्युं च।

इब्रानी 11:17

अर बिस्वास का द्‍वारा ही पितर अब्राहम की अजमैस का बगत मा उ अपणा नौना इसहाक तैं परमेस्वर खुणि बलि चड़ौणु खुणि तयार छौ। अर भले ही पिता परमेस्वर न पितर अब्राहम बटि करार कैरी छौ कि, “मि इसहाक का द्‍वारा ही तेरु वंश अगनै बढौलु।”

1 यूहन्ना 4:19

अर हम लोग इलै प्यार करद्‍यां, किलैकि पैलि परमेस्वर न हम से प्यार कैरी।

इब्रानी 12:5

अर तुम हौसला देण वळा ये उपदेस तैं बिसरी ग्यां, ज्यां मा परमेस्वर तुमतै एक नौना का रुप मा बुल्दु कि, “हे मेरा नौना, प्रभु का अनुसासन को तिरिस्कार नि कैर, अर जब उ त्वेतै झिडकु त निरास नि हो।

लूका 6:22

धन्य छाँ तुम किलैकि जब मनखि का पुत्र का बाना लोग तुम बटि नफरत करला, अर अपणा बीच मा बटि तुमरो तिरिस्कार करला। इख तक की ऊ तुमतै बदनाम करला, अर तुमरो नौ खराब कैरिके तुमतै दूर करला।

रोमियों 5:4

अर सबर रखण से हमरु चाल-चलन खरु होन्दु। अर खरु चाल-चलन होण से हमरा जीवन मा पिता परमेस्वर पर आस रखण की इच्छा पैदा होन्दी।

2 तीमुथियुस 2:15

अर तू भौत मेनत कैर, ताकि तेरी मेनत देखि के परमेस्वर त्वेतै सेवा करण का लैख समझु। अर तू अच्छा काम करण वळु, अर परमेस्वर का सच्‍चा वचन तैं अच्छा से सिखौण वळु बण, ताकि वेका द्‍वारा कुई त्वेतै छुटो नि समझु।

1 पतरस 4:14

अर अगर जु तुमतै यीशु मसीह का नौ का खातिर बदनाम किये जाणु च त तुम धन्य छाँ, किलैकि परमेस्वर को पवित्र आत्मा अर वेकी ताकत तुमरा दगड़ा मा च।