याकूब 1:10 - Garhwali

¹⁰ अर ठिक उन्‍नि कै बिस्वासी सेठ मनखि तैं अगर परमेस्वर न दीन बणै, त उ अपणा हाल पर बड़ु मोन कैरो। किलैकि सेठ मनखि घास का फूल की तरौं नास ह्‍वे जालु।

गढवली नयो नियम

¹⁰ अर जु धनवान च ऊं तैं भि खुश हूंण चयणु च की पिता परमेश्वर नम्र बणै; किलैकि वेकी अमीरी जंगल की घास का फूलों का जन सूखि जाली।

याकूब 1:10 Referans Kwoze

1 पतरस 1:24

अर जन कि पवित्रशास्‍त्र मा भि लिख्यूं च कि, “सब मनखि घास की तरौं छिन, अर ऊंकी सुन्दरता घास का फूल का जन च। घास सूखि जान्दु, अर फूल झेड़ी जनदिन।

1 यूहन्ना 2:17

दुनियां अर वेकी बुरी इच्छा को नास ह्‍वे जाण, पर जु कुई परमेस्वर की इच्छा का मुताबिक चलदु वेको नास कभि नि होण।

1 तीमुथियुस 6:17

हे तीमुथियुस, ईं दुनियां का बिस्वासी सेठों तैं आज्ञा देके समझौ, कि जादा बड़ु मोन कैरिके नि रखा। पर भलै का काम कैरा, हाँ भलै का कामों तैं कैरिके सेठ बणा अर दुसरो की मदद कैरा, अर खुला मन से दान द्‍या। अर जै धनळ जल्दी खतम ह्‍वे जाण वे पर अपणी आस लगै के नि रखा, पर परमेस्वर पर ही अपणी आस बणै के रखा, जु की हमरि खुशी का खातिर सब कुछ भरपूरी से देन्दु। अर यों तैं इन भि बतौ, कि इन कैरिके ऊ अफ खुणि स्वर्ग मा एक खजाना जमा करला, जु की भविष्य मा स्वर्ग मा ऊं खुणि एक खास बुनियाद को काम करलु। अर वेका द्‍वारा ऊंतैं सच्‍चु जीवन मिललु।

मत्ती 5:3

“धन्य छिन ऊ, जु मन का दीन छिन, किलैकि परमेस्वर को राज ऊंको ही च।

1 कुरिन्थि 7:31

अर जु कुई ईं दुनियां मा अपणु जीवन बसर करणु च वेतैं अपणु पूरु ध्यान दुनियां की चीजों की तरफा ना, बल्किन मा परमेस्वर की सेवा की तरफा लगौण चयेणु, किलैकि ईं दुनियां को नास होण वळु च।

याकूब 4:14

पर तुम त इन भि नि जणद्‍यां, कि भोळ तुमरा दगड़ा मा क्या होण वळु च। तुम त भाप की तरौं छाँ, जु थुड़ी देर तक दिखेन्दु अर फिर गैब ह्‍वे जान्दी।

मत्ती 6:30

ठिक उन्‍नि जब परमेस्वर तपड़ की घास तैं ज्वा आज च अर भोळ वींन आग मा फुकै जाण, इथगा अच्छे से सजान्दु, त हे कम बिस्वास रखण वळा लोगु, त उ तुमतै नि पैरालु?

फिलिप्पी 3:8

अर इथगा ही ना बल्किन मा मि त प्रभु यीशु तैं पछ्याणदु छौं, अर या बात ही मि खुणि सबसे जादा फैदा की च, अर वेतैं पछ्यणन को जु ज्ञान मितैं मिली वेकी वजै से मि यों सब बातों तैं कूड़ा समझदु, अर इन मि इलै समझदु ताकि मि यीशु मसीह तैं पै सैकु अर वेका दगड़ा मा एक ह्‍वे जौ।