इब्रानी 9:9 - Garhwali

⁹ इलै आज का दिन पर ईं बात को मतलब इन च कि हम लोग अपणा दान-बलिदान चड़ै के परमेस्वर की नजर मा अपणा जमीर तैं शुद्ध नि कैरी सकद्‍यां।

गढवली नयो नियम

⁹ यु सभि चीज बसयूं बातों तैं बतौंदी जु कि अब मसीह का कारण पूरी हूंणी च; किलैकि उ सभि भेंट अर बलिदान जु ऊं लुखुं का द्वारा पिता परमेश्वर तैं चढै जांदी छै जु वेकी आराधना करदा छा अर भक्त छा, उ लुखुं का मनों अर दिलों तैं शुद्ध कना का लैक नि छै।

इब्रानी 9:9 Referans Kwoze

1 पतरस 3:21

अर जै पाणि से वु आठ लोग बचयै गैनी वेको मतलब बपतिस्मा से च, जु कि तुमतै बचौन्दु। अर बपतिस्मा को मतलब यू नि च, कि वां से सरील की गन्दगी दूर ह्‍वे जौ, असल मा वांको मतलब इन च कि तुम लोग जमीर मा शुद्ध ह्‍वेके पिता परमेस्वर का अधीन ह्‍वे जा। अर यू सब यीशु मसीह का मुरदो मा बटि ज्यून्द होण से च।

इब्रानी 5:1

अर हम जणदा ही छां, कि यहूदी लोगु मा एक महा पुरोहित तैं मनखियों का बीच मा बटि ही चुणै जान्दु, ताकि उ मनखियों का खातिर पिता परमेस्वर की सेवा कैरो, अर लोगु का कियां पाप खुणि अरपण मा चड़ईं भेंट अर बलिदान तैं पिता परमेस्वर का समणि चड़ै सैको।

रोमियों 5:14

मगर फिर भि पितर आदम बटि लेके मूसा रैबर्या तक मौत न सब लोगु पर राज कैरी, इख तक कि जौं लोगु न पिता परमेस्वर का खिलाप मा आदम का जन अपराध नि कैरी ऊं लोगु तैं भि मुरण पोड़ि। अर पितर आदम वे मनखि खुणि एक चिन्‍न बणि, जु कि औण वळा बगत मा ईं दुनियां मा औण वळु छौ अर उ यीशु मसीह च।

इब्रानी 11:19

अर अब्राहम न इन इलै कैरी किलैकि वु या बात समझि गै छौ, कि परमेस्वर लोगु तैं मुरदो मा बटि ज्यून्द कैरी सकदु च, अर जब उ अपणा नौना तैं बलिदान करण वळु छौ त परमेस्वर न वेतैं रोकी दिनी, तब अब्राहम तैं अपणु नौनु इन वापिस मिली गै, जन की वु मुरदो मा बटि ज्यून्द ह्‍वे गै हो।

इब्रानी 10:11

हरेक पुरोहित हरेक दिन अपणु-अपणु काम पूरु करदिन, अर इन बलि चडौन्दिन जु कि मनखियों का पापों तैं कभि ऊं से दूर नि कैरी सकदिन।

इब्रानी 9:24

इलै यीशु मसीह मनखियों का द्‍वारा बणयां मन्दिर की पवित्र जगा मा नि गै, जु कि असली चीजों को एक नमूना च, मगर उ वेका बदला स्वर्ग मा गै जख उ हमरि खातिर पिता परमेस्वर का समणि हाजिर रौन्दु।

इब्रानी 7:11

अर अगर मूसा रैबर्या का दियां नियम-कानूनों का मुताबिक पुरोहित लोग केवल लेवी का वंशज अर पितर हारुन की पीढ़ी का ही होला, त या योजना कै भि मनखि तैं सिद्ध नि कैरी सकदी। अर अगर इन जि ह्‍वे जान्दु त पुरोहित अपणा काम तैं लगातार कना रौन्दा, मगर पिता परमेस्वर न त अपणी सेवा करण खुणि एक अलग ही पुरोहित तैं चुणी जु कि पितर लेवी का वंश मदि नि छौ। इलै मलिकिसिदक की तरौं सदनि को पुरोहित होणु खुणि एक नयू आदिम चुणै गै।

गलातियों 3:21

अर तुम क्या सोचद्‍यां कि नियम-कानून परमेस्वर का करारों को विरोध करदिन? ना इन बिल्कुल भि नि च, किलैकि अगर इन्द्रयो नियम-कानून दियूं होन्दु, जु हमतै सदनि को जीवन देन्दु, त नियम-कानून को पालन करण से ही हम लोग धरमी ठैरैये जान्दा।

इब्रानी 8:4

अगर जु यीशु मसीह ईं धरती पर होन्दु, त उ पुरोहित का पद पर कभि भि काम नि कैरी सकदु छौ, किलैकि इख त पैलि ही दुसरा पुरोहित मौजूद छा जु की मूसा का दियां नियम-कानून का मुताबिक पिता परमेस्वर खुणि भेंट चडौन्दिन।