इब्रानी 9:8 - Garhwali

⁸ मगर पवित्र आत्मा हमतै इन बतौन्दु कि जब तक तम्बू अर वेका मुताबिक चलौण वळा रीति-रिवाज बणयां छा, तब तक ऊं रिवाजों का द्‍वारा सब लोग महा पवित्र वळी जगा मा दाखिल नि ह्‍वे सकदु छा।

गढवली नयो नियम

⁸ यूं रीतियों का द्वारा जु पिता परमेश्वर चांदो छो कि याजक कैरा, पवित्र आत्मा हम तैं कुछ बतांद; मतलब यु कि स्वर्ग मा पिता परमेश्वर की वास्तविक परम पवित्र यरूशलेम शहर कु मन्दिर तब तक लुखुं कु खुली नि च जब तक ईं धरती पर मिलाप वला तम्बू अर ऊंकी विधियों तैं मणदींनि, अर यांको दीं पूरी व्यवस्था जब तक की पूरी न किये जौं।

इब्रानी 9:8 Referans Kwoze

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

इब्रानी 3:7

इलै हे मेरा भै-बैंणो, जन कि पवित्रशास्‍त्र मा परमेस्वर बुल्दु कि, “अगर जु तुम आज मेरी आवाज तैं सुणिल्या,

इफिसुस 2:18

अर यीशु मसीह का द्‍वारा ही हम दुई दल का लोग, एक ही पवित्र आत्मा का द्‍वारा पिता का समणि जै सकद्‍यां।

2 पतरस 1:21

किलैकि कुई भि भविष्यबाणी मनखि की मनसा का मुताबिक कभि भि नि होन्दी, बल्किन मा परमेस्वर का लोग पवित्र आत्मा का द्‍वारा परमेस्वर का वचनों तैं बुल्दिन।

इब्रानी 9:3

अर वेका बाद तम्बू का दुसरा हिस्सा मा एक परदा लग्यूं छौ, अर जैकी वजै से उ एक कमरा लगदु छौ। वीं जगा मा धुप जगौणु खुणि सोना की एक वेदी बणि छै, अर उख सोनो को एक बक्सा छौ जैकू करार को बक्सा बुले जान्दु, अर वेमा सोनो को एक कटोरा छौ जैमा “मन्‍ना” नौ को खाणुक रखै गै छौ। वे बक्सा मा पितर हारुन को वु जांठु भि छौ जै पर मौळयार ऐ गै छै। अर जौं पठौलो पर परमेस्वर की आज्ञा लिखीं छै, वु दुई पठाळ भि उखि छै अर वीं जगा कू महा पवित्र जगा बुले जान्दु।

गलातियों 3:8

अर परमेस्वर न पवित्रशास्‍त्र का द्‍वारा हमतै पैलि ही इन बतै दिनी, कि जु लोग यहूदी जाति का नि छिन ऊं लोगु तैं पिता परमेस्वर बिस्वास का द्‍वारा धरमी ठैरालु। अर वे बगत मा परमेस्वर न हमरा पितर अब्राहम तैं इन शुभ समाचार दिनी कि, “अब्राहम, तेरा द्‍वारा धरती का सब लोग आसीस पाला।”

यूहन्ना 10:9

द्‍वार मि ही छौं अर जु कुई मेरा द्‍वारा भितर परवेस करदु, उ बचयै जालु। अर उ भैर-भितर औणु-जाणु रालु अर वेतैं चारो मिललु।

खास चेलों 28:25

अर जब वु लोग आपस मा एकमत नि ह्‍वेनि, अर जाण लगि गैनी, तब पौलुस न ऊंकू बोलि, “जान्द-जान्द मेरी बात तैं सुणिल्या, यशायाह रैबर्या का द्‍वारा पवित्र आत्मा न तुमरा पितरों बटि ठिक ही बोलि छौ कि,

यूहन्ना 10:7

इलै यीशु न ऊंकू फिर से बोलि, “मि तुम बटि सच्‍चि ही बोन्‍नु छौं, कि भेड़ों खुणि द्‍वार मि ही छौं।

इब्रानी 10:15

अर पवित्रशास्‍त्र मा पवित्र आत्मा भि ईं बात की गवै देन्दु। अर उ पैलि इस्राएली लोगु का बारा मा बुल्दु अर वेन इन बोलि कि,

लूका 1:80

अर उ नौनु बड़ु होणु रै, अर आत्मा मा मजबूत होणु रै, अर इस्राएली लोगु का बीच मा सेवकाई को काम शुरु करण से पैलि उ निर्जन जगों मा रै।