अर ईं दुनियां वळा तम्बू मा जब महा पुरोहित सालभर मा एक बार भितर जान्दु छौ, त उ बलिदान मा चड़यां बखरों अर बोड़ो का ल्वे तैं दगड़ा मा लि जान्दु छौ, ताकि लोगु तैं ऊं पर लग्यां पापों का इळजाम से माफी मिली जौ। अर मूसा का दियां नियम-कानूनों का मुताबिक जब लोग परमेस्वर की नजर मा अशुद्ध ह्वे जान्दा छा, त वु वेकी भक्ति का काबिल नि रौन्दा छा। अर जब तक ऊं लोगु पर बलिदान मा चड़यां बखरों अर सांड़ो को ल्वे, अर बछरों की राख छिड़के नि जौ तब तक ऊ लोग शुद्ध नि मणै जान्दा छा। मगर हमरा यीशु मसीह न इन नि कैरी, बल्किन मा वु खुद अपणु ल्वे देके वीं पवित्र जगा मा एक ही बार गै, अर इन कैरिके वेन सदनि खुणि हमतै पापों से छुटकारु दे दिनी।
इब्रानी 9:25 - Garhwali25 अर महा पुरोहित साल मा एक बार लोगु का पापों का खातिर जानबर का ल्वे तैं अफ दगड़ा मा लेके पवित्र जगा मा जान्दु। मगर यीशु मसीह तैं इन करण की कुई जरुरत नि पोड़ि कि वु हरेक साल मा इन कैरो। Gade chapit laगढवली नयो नियम25-26 महायाजक हर साल एक जानवर कु ल्वे का दगड़ी परम पवित्र जगह मा जांद छो; पर मसीह अपड़ा आप तैं बार-बार बलिदान चढ़ौणु कु नि गै। जु वे तैं इन कन पुड़दो त फिर वे तैं दुनिया की रचना का बगत बट्टी कई बार दुःख उठांण पुड़दो; पर अब ई आखरी दुनिया मा, मसीह हम कु अपड़ा बलिदान की मौत का द्वारा पाप की शक्ति तैं हमेशा कु मिटाणु कु एक बार सभियूं कु प्रकट हवे। Gade chapit la |
इब्रानी 9:25
9 Referans Kwoze
किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।
इलै हे मेरा भै-बैंणो, अब हमरा पास पिता परमेस्वर का घौर मा एक बड़ु महा पुरोहित याने की यीशु मसीह च। हाँ, यीशु जैन हमरा खातिर अपणु जीवन देई अर अपणा ल्वे की ताकत से वेन मन्दिर का वे परदा तैं हटै दिनी जख आम लोगु नि जै सकदा छा। अर इनकै यीशु मसीह न एक नयू बाटु दिखै जु कि हमतै नया जीवन की तरफा लेके जान्दु। इलै अब एक यीशु मसीह ही च जु कि हमतै हिम्मत देन्दु की हम महा पवित्र जगा मा दाखिल ह्वे सैका।
Piblisite