इब्रानी 9:23 - Garhwali

²³ हे मेरा दगड़्यों, इख जु चीज छिन वु स्वर्ग की चीजों को एक नमूना च। अर यों चीजों तैं जानबरों का ल्वे से शुद्ध करण पोड़ि, मगर यू ल्वे स्वर्ग की चीजों तैं पवित्र नि बणै सकदु किलैकि यां खुणि और भि अच्छा बलिदान की जरुरत छै।

गढवली नयो नियम

²³ इलै यु जरूरी छो कि मिलाप वला तम्बू अर वेमा की सभि चीजों तैं विधि का अनुसार शुद्ध कनु कु पशुबलि दिए जौं अर यु स्वर्ग की चीजों की नकल च; पर स्वर्ग मा कि ऊं चीजों तैं विधि अनुसार साफ कनु कु, जानवरों का ल्वे बट्टी जादा बढ़िया बलिदान की जरूरत छै।

इब्रानी 9:23 Referans Kwoze

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।

इब्रानी 9:24

इलै यीशु मसीह मनखियों का द्‍वारा बणयां मन्दिर की पवित्र जगा मा नि गै, जु कि असली चीजों को एक नमूना च, मगर उ वेका बदला स्वर्ग मा गै जख उ हमरि खातिर पिता परमेस्वर का समणि हाजिर रौन्दु।

इब्रानी 8:5

अर असली पवित्र जगा स्वर्ग मा च अर ईं धरती का पुरोहित जख सेवा करदिन वु सिरफ वेको एक नमूना च। इलै जब मूसा रैबर्या ईं धरती पर पवित्र तम्बू तैं बणौण वळु छौ, त तम्बू बणौण से पैलि ही पिता परमेस्वर न वेतैं चितै दिनी कि, “ईं बात को ध्यान रखी कि जु नमूना त्वेतै सीनै पाड़ पर दिखये गै तू तम्बू तैं वेका मुताबिक ही बणै।”

दिब्य दरस 5:9

अर ऊ एक नयू गीत गाण लगि गैनी ऊंन बोलि कि, “हे हमरा मालिक हे हमरा प्रभु पिता, दस्तावेज तैं लेण का लगीं मोरों तैं खुलण का काबिल छाँ तुम यीशु बलिदान सिरफ तुम होयां। तुमुन ही हरेक गोत्र का, जाति हरेक भाषा का, देस-देस का लोगु तैं, ल्वे से अपणा खरीदी च, तुमुन ही ऊं लोगु तैं बणै एक पुरोहित च, पिता परमेस्वर खुणि राज्य एक बणयूं च राज करला वु सभि, औण वळी धरती मा।”

कुलुसी 2:17

अर यू सब नियम त केवल औण वळा बगत खुणि केवल छैल का जन च, मगर सच्‍चै यीशु मसीह ही च।

लूका 24:46

अर वेन ऊंकू बोलि, “इन लिख्यूं च कि मसीह दुख उठालु अर तिसरा दिन मुरयां लोगु मा बटि ज्यून्दु ह्‍वे जालु।

लूका 24:26

क्या यू जरुरी नि छौ कि मसीह ये दुख तैं उठौ अर अपणा आदर-सम्मान तैं पौ?”

इब्रानी 10:1

दगड़्यों, जु नियम-कानून परमेस्वर का रैबर्या मूसा का द्‍वारा दिये गैनी वु त औण वळा बगत मा भली चीजों को एक नमूना छौ। अर छैल वळी चीज खुद भली नि ह्‍वे सकदिन, किलैकि यहूदी लोगु द्‍वारा हरेक साल बलिदान चड़ये जनदिन, त फिर जु लोग पिता परमेस्वर का पास औन्दिन ऊ कनकै शुद्ध ह्‍वे सकदिन।

यूहन्ना 14:3

अर जब मि जैके तुम खुणि जगा तयार कैरी द्‍यूलु, त फिर ऐके तुमतै भि अपणा इख लि जौलु ताकि जख मि रौ उख तुम भि रा।

खास चेलों 23:15

इलै तुम अर न्याय समिति का लोग इन कैरा, कि पलटण का सेनापति तैं समझा, ताकि वु लोग पौलुस तैं तुमरा पास इख लेके आ, अर इन लगण चयेणु कि तुम वेका बारा मा और अच्छी तरौं से जाँच-पड़ताल करण चन्द्‍यां। अर जब उ इख औण वळु होलु, त वेका औण से पैलि ही हम वेतैं जान से मरणु खुणि तयार रौला।”