इब्रानी 9:12 - Garhwali12-13 अर ईं दुनियां वळा तम्बू मा जब महा पुरोहित सालभर मा एक बार भितर जान्दु छौ, त उ बलिदान मा चड़यां बखरों अर बोड़ो का ल्वे तैं दगड़ा मा लि जान्दु छौ, ताकि लोगु तैं ऊं पर लग्यां पापों का इळजाम से माफी मिली जौ। अर मूसा का दियां नियम-कानूनों का मुताबिक जब लोग परमेस्वर की नजर मा अशुद्ध ह्वे जान्दा छा, त वु वेकी भक्ति का काबिल नि रौन्दा छा। अर जब तक ऊं लोगु पर बलिदान मा चड़यां बखरों अर सांड़ो को ल्वे, अर बछरों की राख छिड़के नि जौ तब तक ऊ लोग शुद्ध नि मणै जान्दा छा। मगर हमरा यीशु मसीह न इन नि कैरी, बल्किन मा वु खुद अपणु ल्वे देके वीं पवित्र जगा मा एक ही बार गै, अर इन कैरिके वेन सदनि खुणि हमतै पापों से छुटकारु दे दिनी। Gade chapit laगढवली नयो नियम12 अर मसीह ल परम पवित्र जगह मा भस एक बार अर हमेशा कु प्रवेश कैरी; उ अफ दगड़ी बखरों अर बछड़ों कु ल्वे ले के नि गै; वेको बलिदान वेका अपड़ा ल्वे कु छो, अर यांका द्वारा वेल हम तैं पापों बट्टी हमेशा कु छुड़ै। Gade chapit la |
इलै हे मेरा भै-बैंणो, अब हमरा पास पिता परमेस्वर का घौर मा एक बड़ु महा पुरोहित याने की यीशु मसीह च। हाँ, यीशु जैन हमरा खातिर अपणु जीवन देई अर अपणा ल्वे की ताकत से वेन मन्दिर का वे परदा तैं हटै दिनी जख आम लोगु नि जै सकदा छा। अर इनकै यीशु मसीह न एक नयू बाटु दिखै जु कि हमतै नया जीवन की तरफा लेके जान्दु। इलै अब एक यीशु मसीह ही च जु कि हमतै हिम्मत देन्दु की हम महा पवित्र जगा मा दाखिल ह्वे सैका।
अर परमेस्वर को पुत्र अपणा पिता की अदभुत महानता तैं परगट करदु, अर उ हमतै ठिक उन्नि दिखेन्दु जन कि परमेस्वर खुद च। अर परमेस्वर को पुत्र सब चीजों तैं अपणा वचन की ताकत से समळ्दु। अर लोगु तैं ऊंका पापों से शुद्ध करण की बात तैं परमेस्वर का पुत्र न पूरु कैरी, अर वेका बाद उ बड़ा आदर-सम्मान से सबसे महान परमेस्वर का दैंणा हाथ की तरफा जैके बैठि गै।
अर ऊ एक नयू गीत गाण लगि गैनी ऊंन बोलि कि, “हे हमरा मालिक हे हमरा प्रभु पिता, दस्तावेज तैं लेण का लगीं मोरों तैं खुलण का काबिल छाँ तुम यीशु बलिदान सिरफ तुम होयां। तुमुन ही हरेक गोत्र का, जाति हरेक भाषा का, देस-देस का लोगु तैं, ल्वे से अपणा खरीदी च, तुमुन ही ऊं लोगु तैं बणै एक पुरोहित च, पिता परमेस्वर खुणि राज्य एक बणयूं च राज करला वु सभि, औण वळी धरती मा।”
किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।