इब्रानी 9:11 - Garhwali

¹¹ हे मेरा भै-बैंणो, अब जब यीशु मसीह ईं दुनियां मा एक महा पुरोहित बणि के ऐ, त उ हम खुणि भली से भली आसीस लेके ऐ, जु कि आज हमतै मिलणी छिन। अर जख यीशु मसीह न सेवा कैरी उ बड़ु भलु च किलैकि उ पवित्र तम्बू मनखियों का हाथोंळ नि बणि अर ना ही उ ईं दुनियां को च।

गढवली नयो नियम

¹¹ पर जब मसीह महायाजक हवे के ऐ, जु नई वाचा की सभि अच्छी-अच्छी चीजों तैं दींद, जु पैली बट्टी ही छै, त वेल और भि जादा महान अर मिलाप वला तम्बू मा प्रवेश कैरी; यु मनिख्युं द्वारा नि बणै गै अर ई दुनिया बट्टी जुड़ियूं नि च।

इब्रानी 9:11 Referans Kwoze

2 कुरिन्थि 5:1

हम जणदा छां कि ईं दुनियां मा हमरु सरील एक तम्बू की तरौं च, जैको कुई ठौ-ठिकाणु नि च अर एक दिन येको नास ह्‍वे जाण। मगर स्वर्ग मा हमरा पास पिता परमेस्वर की तरफा बटि मिलण वळु एक इन्द्रयो सरील होलु जैन सदनि तक रौण। अर यू सरील एक इन्द्रया तम्बू की तरौं च, जु कि मनखि का द्‍वारा ना पर पिता परमेस्वर का द्‍वारा बणयूं च।

इब्रानी 10:1

दगड़्यों, जु नियम-कानून परमेस्वर का रैबर्या मूसा का द्‍वारा दिये गैनी वु त औण वळा बगत मा भली चीजों को एक नमूना छौ। अर छैल वळी चीज खुद भली नि ह्‍वे सकदिन, किलैकि यहूदी लोगु द्‍वारा हरेक साल बलिदान चड़ये जनदिन, त फिर जु लोग पिता परमेस्वर का पास औन्दिन ऊ कनकै शुद्ध ह्‍वे सकदिन।

मरकुस 14:58

“हम लोगु न येतैं इन बुल्द सुणी कि, ‘मि हाथ का बणयां ये मन्दिर तैं ढोळि द्‍यूलु, अर तीन दिन मा दुसरो बणै द्‍यूलु, जु कि हाथों को बणयूं नि होलु।’”

1 यूहन्ना 5:20

अर हमतै पता च कि परमेस्वर को पुत्र ईं दुनियां मा ऐ, अर वेन हमतै सच्‍चा परमेस्वर तैं पछ्यणनै की समझ दिनी। अर अब हम सच्‍चा परमेस्वर का दगड़ा मा रौन्द्‍यां, किलैकि हम वेका पुत्र यीशु मसीह मा बणयां रौन्द्‍यां। अर उई सच्‍चु परमेस्वर अर सदनि को जीवन च।

इब्रानी 2:17

इलै या बात भि भौत जरुरी छै, कि यीशु मसीह सब बातों मा अपणा भै-बैंणो का जन बणि जौ। अर वेन खुद दुख उठे, अर शैतान का द्‍वारा भकलै भि गै मगर फिर भि उ खरु निकळि अर इन इलै ह्‍वे, ताकि उ लोगु पर दया करण वळु हो अर ऊं खुणि एक वफादार महा पुरोहित बणि जौ। अर एक बगत औण पर वेन खुद तैं बलिदान का रुप मा चड़ै दिनी, ताकि वेका द्‍वारा पिता परमेस्वर लोगु का पापों तैं माफ कैरी सैको। इलै हे मेरा दगड़्यों, ईं बात तैं याद रखा कि यीशु ऊं लोगु की मदद जरुर करलु, जौं तैं शैतान का द्‍वारा भकलयै जान्दु।

खास चेलों 7:48

पर क्या इन ह्‍वे सकदु च कि सबसे महान परमेस्वर मनखि द्‍वारा बणईं जगा मा रौ, ना, इन नि ह्‍वे सकदु किलैकि परमेस्वर न अपणा रैबर्या का द्‍वारा बोलि छौ कि,

2 यूहन्ना 1:7

किलैकि ईं दुनियां मा भौत सा धोखा देण वळा लोग निकळि के ऐ गैनी। अर वु ईं बात तैं स्वीकार नि करदिन, कि यीशु मसीह एक मनखि का रुप मा ईं दुनियां मा ऐ। अर यू उई च जु कि धोखा देण वळु, अर यीशु मसीह को दुसमन च।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।

यूहन्ना 4:25

तब जनानि न वेकू बोलि, “श्रीमान, मि जणदी छौं कि मसीह, जैकू ख्रीष्‍ट बुल्दिन, औण वळु च। जब उ आलु त हमतै सब कुछ बतै द्‍यालु।”

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

इब्रानी 7:1

हे मेरा भै-बैंणो, अब मि तुमतै मलिकिसिदक पुरोहित का बारा मा बतौन्दु कि वु कु च। मलिकिसिदक नौ को एक मनखि शालेम नगर को राजा अर सबसे महान परमेस्वर को पुरोहित छौ। अर वेका नौ को मतलब इन च कि, “एक इन्द्रयो राजा जु की परमेस्वर की नजर मा धरमी च” अर शालेम को मतलब, “शान्ति” से च, इलै वेकू शालेम को राजा भि बुले जान्दु। अर वेका ब्वे-बाब, अर वेका पितरों को कुई अता-पता नि च, अर ना ही वेका जनम अर मौत को कुई अता-पता। अर पुरणा जमना मा जब पितर अब्राहम राजाओं तैं हरै के वापिस औणु छौ, त वे बगत मा वेकी मुलाकात मलिकिसिदक से ह्‍वे अर वेन पितर अब्राहम तैं आसीस दिनी। तब पितर अब्राहम न राजाओं पर जीत हासिल करण से जु कुछ भि पै छौ वेन ऊं चीजों को दसुं हिस्सा वेतैं दिनी। अर जन परमेस्वर को पुत्र च ठिक उन्‍नि उ भि सदनि खुणि पुरोहित का रुप मा रौण वळु च।

इब्रानी 4:15

किलैकि हमरु महा पुरोहित इन्द्रयो नि च जु कि हमरि कमजोरियों का हमरा दगड़ा मा दुखी नि होन्दु हो, मगर उ त इन्द्रयो च जैतैं हमरि ही तरौं कई बार शैतान का द्‍वारा भकलयै गै, मगर फिर भि वेन कुई पाप नि कैरी।

कुलुसी 2:11

अर तुमरा सरील मा खतना को रिवाज तैं यीशु मसीह का द्‍वारा पूरु किये गै, जु कि हाथोंळ नि ह्‍वे, बल्किन मा पवित्र आत्मा का द्‍वारा ह्‍वे। अर यू इन्द्रयो खतना च जु कि यीशु मसीह का द्‍वारा ही किये जान्दु, अर मनखि का सरील बटि पाप का सभौ तैं भैर निकळे जान्दु।

मत्ती 11:3

“क्या तुम उई मसीह छाँ जु औण वळु छौ, या हम कै दुसरो को इंतजार कैरा?”

मत्ती 2:6

“हे यहूदिया मुलक का बैतलहम गौं, तू जु सबसे छुटो छैई, पर सुण, यहूदिया मुलक का सब नगरों मा बटि तू सबसे खास छैई। किलैकि त्वेमा बटि एक बड़ु सासक निकळळु, जु की मेरी परजा इस्राएल का लोगु की देख-रेख करलु।”

2 कुरिन्थि 4:18

इलै हमरि नजर दिखैण वळी चीजों पर नि लगि छिन, बल्किन मा हमरि नजर त ऊं चीजों पर लगीं छिन जु कि दिखैणी नि छिन, किलैकि जु चीज दिखेन्दी छिन वु कुछ देर खुणि ही छिन, मगर जु चीज दिखेन्दी नि छिन ऊ सदनि खुणि बणि रौनदिन।

इब्रानी 12:27

यां को मतलब इन च कि पूरि दुनियां तैं हिल्ये जालु अर सब कुछ इनै-उनै ह्‍वे जालु अर बस वु चीज ही रै जालि जु कभि हिल्ये नि जै सकदी।

इब्रानी 13:14

किलैकि ईं दुनियां मा इन्द्रयो कुई भि नगर नि च जु सदनि तक रालु, बल्किन मा हम वे नगर को इंतजार कना छां, जु स्वर्ग मा च अर सदनि तक रालु।