इब्रानी 9:10 - Garhwali

¹⁰ अर यू रीति-रिवाज केवल मनखि तैं बन्‍नि-बन्‍नि कार्यक्रमों खुणि खुद तैं धुण अर खाण-पीण का बारा मा ही बतौन्दिन। अर ईं दुनियां मा रीति-रिवाज तब तक ही रौन्दिन जब तक कि ऊंतैं और भि जादा सुधार करण को बगत नि ऐ जौ।

गढवली नयो नियम

¹⁰ किलैकि व पुरणी व्यवस्था भस यूं बातों पर जुड़ीं छै मतलब य कि एक आदिम तैं क्य खांण-पीण चयणु च अर दुसरा शुद्धिकरण का बारा मा; या विधि जैको कै भि आदिम बट्टी कुछ भि लींण-दींण नि च; यु तैं तब तक अभ्यास मा रखै गयै जब तक कि एक बढ़िया व्यवस्था नि बंणि जौं।

इब्रानी 9:10 Referans Kwoze

कुलुसी 2:16

इलै हे मेरा भै-बैंणो, कुई तुमरा खाणुक खाण-पीण का मामला मा तुमरो न्याय नि कैरो, अर ना ही कुई इन नियम निकाळो कि बार-त्योवार पर, या नया चाँद का दिन पर, या सब्त का दिन पर क्या-क्या कन चयेणु अर क्या नि करण चयेणु।

इब्रानी 7:16

अर वेतैं वेका पितरों की वजै से नि ठैरैये गै, मगर इलै ठैरैये गै किलैकि उ पिता परमेस्वर की ताकत की वजै से सदनि तक ज्यून्द रौण वळु च।

इब्रानी 10:22

इलै आ, अब हम सच्‍चा मन अर पूरा बिस्वास का दगड़ा मा पिता परमेस्वर का नजदीक ऐ जा, किलैकि हमतै पवित्र करण का खातिर हमरा दोषी जमीर पर यीशु मसीह का ल्वे तैं छिड़के गै, ताकि हम पर लग्यूं इळजाम दूर हो अर हम मन से पवित्र अर अपणा सरील तैं बपतिस्मा का पाणिळ ध्वेके शुद्ध ह्‍वे जा।

इब्रानी 9:1

हे मेरा दगड़्यों, पिता परमेस्वर न पैला करार मा भक्‍ति करण का नियम-कानून दिनी, अर एक पवित्र तम्बू बणौणु कू बोलि।

इब्रानी 2:5

हे मेरा भै-बैंणो, पिता परमेस्वर न स्वर्गदूतों तैं नि चुणी कि वु औण वळी नयी दुनियां का अधिकारी ह्‍वा, जैकी चर्चा हम लोग करदी औणा छां।

इब्रानी 13:9

अर ध्यान द्‍या, कखि तुम बन्‍नि-बन्‍नि किसम की शिक्षा से भरमै नि जा, किलैकि परमेस्वर खाणु-खाण से ना, बल्किन मा अपणी महान किरपा से हमरा बिस्वास तैं मजबूत करदु, किलैकि खाणु-खाण का रीति-रिवाजों तैं मनण से कुई फैदा नि होन्दु।

इब्रानी 6:2

अर ना ही अब तुमतै ईं बात का बारा मा शिक्षा देण कि जरुरत च। जन कि, पाणि मा डुबकी लेके बपतिस्मा लेण का बारा मा, हाथ रखी के प्रार्थना करण का बारा मा या मुरदो मा बटि ज्यून्द होण का बारा मा, या फिर औण वळा बगत मा न्याय का बारा मा।

इफिसुस 1:10

अर जब ईं योजना तैं पूरु करण को बगत आलु, तब पिता परमेस्वर स्वर्ग अर धरती की सब चीजों तैं यीशु मसीह का सुपुर्द कैरी द्‍यालु, अर फिर यीशु सब चीजों को मुखिया होलु।

गलातियों 4:9

पर अब जु तुमुन परमेस्वर तैं पछ्याणयालि, या हम इन बोलि सकद्‍यां कि तुम भि परमेस्वर का नौ से जणे जाणा छाँ, त फिर तुम किलै दुनियां की नास होण वळी ऊं बातों का जनै लौटण छाँ जु तुमतै बचै नि सकदिन? अर तुम फिर से किलै गुलामी का सेवक होण चन्द्‍यां? मेरा दगड़्यों, तुम बेकार की बातों पर अपणु मन किलै लगौन्द्‍यां?

मरकुस 7:4

जन कि, जबरि तक वु बजार बटि वापिस ऐके रीति-रिवाज का मुताबिक नहे नि जनदिन, तबरि तक वु खाणुक नि खै सकदिन, अर इन्‍नि और भि भौत सि बात छिन, जौं को पालन वु करदा छिन जन कि, कटोरों अर मगो तैं अर तांबो का भाँडो तैं धोण अर ऊंतैं मंजौण)।

इब्रानी 7:12

अर जब पुरोहित का चुणै जाण का नियम ही बदलि जनदिन, त या बात भि साफ ह्‍वे जान्दी की अब नियम-कानूनों मा बदळौ होण चयेणा।