इब्रानी 8:8 - Garhwali

⁸ अर वे बगत का लोगु तैं पिता परमेस्वर न अपणी नजर मा दोषी पैके इन बोलि कि, “प्रभु इन बुल्दु कि वु दिन औण वळा छिन, जब मि इस्राएल का कुटुम्ब का दगड़ा मा अर यहूदा का कुटुम्ब का दगड़ा मा नयू करार करलु।

गढवली नयो नियम

⁸ पर पिता परमेश्वर लुखुं पर भंगार लगै के बुल्द, “प्रभु बुल्द, देखा उ दिन औंदींनि, कि मि इस्राएल का लुखुं का दगड़ी, अर यहूदा का लुखुं का दगड़ी, मि एक नई प्रतिज्ञा बन्धुलु

इब्रानी 8:8 Referans Kwoze

इब्रानी 12:24

अर अब तुम यीशु का पास अयां छाँ, जु कि परमेस्वर अर लोगु का बीच नयू करार को बिचलु च, अर वेका बलिदान मा बुगयां ल्वे से मनखियों तैं पापों से माफी मिलदी, जब कि हाबिल की हत्या मा बुगयूं ल्वे दण्ड की मांग करदु।

इब्रानी 9:15

अर लोगु तैं पाप से छुड़ौण का खातिर यीशु मसीह मरे गै। अर ईं मौत का द्‍वारा वेन पुरणा करार तैं रद्‍द कैरी दिनी, ताकि उ अपणा चुण्यां लोगु तैं पिता परमेस्वर का द्‍वारा मिलण वळी सदनि की आसिसों तैं द्‍यो, अर वेका दगड़ा-दगड़ि एक नयू करार भि द्‍यो जु की सदनि को जीवन च।

2 कुरिन्थि 3:6

अर या बात सच्‍च च कि परमेस्वर न हमतै ये काबिल बणै, कि हम नया कानून का सेवक बणा। अर नयू कानून कै लिख्यां कानून का रुप मा ना, बल्किन मा पवित्र आत्मा का द्‍वारा पूरु होन्दु। किलैकि लिख्यां कानून का द्‍वारा मौत की सजा औन्दी, मगर पवित्र आत्मा का द्‍वारा हमतै सदनि को जीवन मिलदु।

1 कुरिन्थि 11:25

अर खाणुक खाण का बाद वेन कटोरा उठे अर बोलि, “यू कटोरा मेरा ल्वे द्‍वारा बणयूं नयू करार को चिन्‍न च, जब भि तुम येतैं पील्या त मेरी याद मा तुम इन्‍नि कना रयां।”

लूका 22:20

अर जब ऊंन खै दिनी। तब वेन उन्‍नि कटोरा उठे अर बोलि, “यू कटोरा मेरा ल्वे द्‍वारा बणयूं नयू करार च, जु तुम लोगु खुणि बुगये जान्दु।

मरकुस 14:24

अर वेन ऊंकू बोलि, “यू अंगूरों को रस मेरु ल्वे च जु भौत सा लोगु खुणि बुगये जान्दु। अर येका द्‍वारा पिता परमेस्वर लोगु का बीच मा एक नयू करार बणौन्दु।

लूका 17:22

तब वेन चेलों कू बोलि कि, “वु बगत आलु, जब तुम मनखि का पुत्र का दिनों मा बटि एक दिन तैं दिखणु कू तरसिल्या पर देखि नि सकिल्या।

मत्ती 26:28

अर यू अंगूरों को रस मेरु ल्वे च, जैका द्‍वारा पिता परमेस्वर लोगु का बीच मा एक नयू करार बणौन्दु। अर भौत सा लोगु का पापों तैं माफ करणु खुणि मेरु ल्वे बुगये जान्दु।

इब्रानी 7:22

अर पिता परमेस्वर न कसम खै के एक नयू करार कैरी अर ये करार को जमानती यीशु मसीह च, इलै यू मूसा रैबर्या का दगड़ा मा कियां करार से जादा अच्छु च।

इब्रानी 8:6

पर हमरा महा पुरोहित यीशु तैं सेवा को जु काम दिये गै वु दुनियां का दुसरा पुरोहितों से जादा बढी के च, किलैकि यीशु वु च जु कि पुरणा करार का मुताबिक परमेस्वर का दगड़ा मा मनखियों खुणि एक अच्छा बिचलु होण को काम करदु। अर यां से इन पता चलदु कि नयू करार पुरणा से जादा अच्छु च।

इब्रानी 8:13

अर इनकै एक नया करार तैं ठैरै के परमेस्वर न पैला वळा करार तैं पुरणु ठैरै दिनी। किलैकि जु चीज पुरणि अर कमजोर ह्‍वे जनदिन ऊ रद्‍द ह्‍वे जनदिन अर इनकै ऊंको नास ह्‍वे जान्दु।

लूका 5:38

इलै नयू अंगूरों को रस नया चमड़ा का थैलों मा भोरण चयेणु।