इब्रानी 8:10 - Garhwali

¹⁰ मगर प्रभु इन भि बुल्दु कि, ऊं दिनों का बाद मि इस्राएल का घौर बटि जु करार करलु, उ यू च कि मि अपणा नियम-कानूनों तैं ऊंका जमीर मा डललु, अर ऊंका दिलों मा ऊंतैं लिखी द्‍यूलु, अर मि ऊंको परमेस्वर होलु अर ऊ मेरा लोग होला।

गढवली नयो नियम

¹⁰ फिर प्रभु बुल्द, कि जु नई प्रतिज्ञा आंण वला दिनों मा इस्राएल देश का लुखुं का दगड़ी मि करुलु, व या च, कि मि ऊं तैं मेरी व्यवस्था का बारा मा सुचण दयुलु, अर उ वे तैं अपड़ा मनों मा रखला, अर मि ऊंको पिता परमेश्वर बणलु उ मेरी आराधना करला, अर उ मेरा लोग होला।

इब्रानी 8:10 Referans Kwoze

2 कुरिन्थि 3:3

अर या बात सच्‍च च कि तुम लोगु का जीवन बदलि गैनी, इलै अब से तुम लोग यीशु मसीह की एक चिठ्‍ठी की तरौं छाँ जौं तैं हमरा द्‍वारा बंटे गै। अर तुमतै कै कलम या स्याई का द्‍वारा ढुंगो की पाटि पर नि लिखे गै, बल्किन मा तुमतै त पवित्र आत्मा का द्‍वारा लिखे गै जु कि तुमरा दिलों मा च।

1 पतरस 2:9

पर तुम लोग परमेस्वर का द्‍वारा चुण्यां वंशज छाँ, अर राजा खुणि खास पवित्र पुरोहितों को समाज, जौं पर पिता परमेस्वर को अधिकार च। अर पिता परमेस्वर न ही तुमतै अन्धेरा मा बटि निकळि के अपणा महान उज्याळा मा बुलै, इलै अब तुम वेका कामों का बारा मा वेकी तारीफ कैरा।

रोमियों 11:27

अर तब ऊंका दगड़ा मा मेरु जु करार च उ पूरु होलु, अर वु इन च कि मि ऊंका पापों तैं ऊं से दूर कैरी द्‍यूलु।”

याकूब 1:21

इलै सब बुरी आदतों तैं अर सब बुरा कामों तैं छोड़ा, अर परमेस्वर को जु वचन तुमतै सुणये गै, वेतैं तुम दीन सभौ को बणि के स्वीकार कैरा। किलैकि यू ही वचन तुमतै छुटकारु दे सकदु।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

1 पतरस 1:23

किलैकि तुमतै एक नयू जीवन दिये गै, जु कि वे बीज का जन च जु कि कभि खतम नि ह्‍वे सकदु, बल्किन मा यू त पिता परमेस्वर का वचन द्‍वारा दियूं च, जु कि ज्यून्द अर सदनि तक रौण वळु च।

याकूब 1:18

अर वेन अपणी इच्छा का मुताबिक सच्‍चा वचन का द्‍वारा हमतै नयू जनम देई, ताकि जु कुछ भि वेन बणै ऊं सभ्यों मा बटि हम पैलु इनाम बणि जा।

मत्ती 22:32

“परमेस्वर इन बुल्दु कि, ‘मि अब्राहम को परमेस्वर, इसहाक को परमेस्वर अर याकूब को परमेस्वर छौं?’ अर परमेस्वर मुरदो को ना, पर ज्यून्दो को परमेस्वर च।”

इब्रानी 11:16

मगर अब वु एक इन जगा पौण की आस रखदिन, जैको नातु स्वर्ग से च इलै परमेस्वर भि ऊंको परमेस्वर होण मा सरम मैसूस नि करदु, किलैकि वेन ऊं खुणि एक नगर तयार कैरिके रख्युं च, अर उ नगर स्वर्ग मा च।

1 कुरिन्थि 6:16

अर क्या तुम यू भि नि जणद्‍यां, कि जब एक मनखि कै वेश्या का दगड़ा मा सिन्दु, त वु दुईया का दुई एक बदन ह्‍वे जनदिन? किलैकि परमेस्वर इन बुल्दु कि, “वु दुईया का दुई एक सरील होला।”