इब्रानी 7:27 - Garhwali

²⁷ अर जन दुसरा महा पुरोहित पैलि अपणा पापों खुणि, अर फिर परजा का लोगु खुणि हरेक दिन परमेस्वर का समणि बलिदान चडौन्दिन, यीशु मसीह तैं इन करण की जरुरत नि च किलैकि वेन एक बार मा ही सब मनखियों का खातिर पिता परमेस्वर का समणि एक बलिदान का रुप मा खुद तैं दे दिनी।

गढवली नयो नियम

²⁷ अर उ महायाजक जु हारुन का वंशज छा, ऊं जन यीशु तैं जरूरत नि च कि रोज पैली अपड़ा पापों अर फिर लुखुं का पापों का बलिदान चढ़ौण; किलैकि यीशु ल एक ही बार मा सभि लुखुं का पापों कु अपड़ा आप तैं बलि चढ़ै दींनि।

इब्रानी 7:27 Referans Kwoze

इब्रानी 9:28

ठिक उन्‍नि यीशु मसीह भि भौत सा लोगु का पापों तैं उठौणु खुणि एक ही बार बलिदान ह्‍वे। पर जब उ फिर से वापस आलु त उ मनखि का पापों तैं माफ करणु खुणि ना, बल्किन मा ऊंतैं छुटकारा देणु खुणि आलु जु कि वेको इंतजार कना छिन।

इब्रानी 9:12

अर ईं दुनियां वळा तम्बू मा जब महा पुरोहित सालभर मा एक बार भितर जान्दु छौ, त उ बलिदान मा चड़यां बखरों अर बोड़ो का ल्वे तैं दगड़ा मा लि जान्दु छौ, ताकि लोगु तैं ऊं पर लग्यां पापों का इळजाम से माफी मिली जौ। अर मूसा का दियां नियम-कानूनों का मुताबिक जब लोग परमेस्वर की नजर मा अशुद्ध ह्‍वे जान्दा छा, त वु वेकी भक्‍ति का काबिल नि रौन्दा छा। अर जब तक ऊं लोगु पर बलिदान मा चड़यां बखरों अर सांड़ो को ल्वे, अर बछरों की राख छिड़के नि जौ तब तक ऊ लोग शुद्ध नि मणै जान्दा छा। मगर हमरा यीशु मसीह न इन नि कैरी, बल्किन मा वु खुद अपणु ल्वे देके वीं पवित्र जगा मा एक ही बार गै, अर इन कैरिके वेन सदनि खुणि हमतै पापों से छुटकारु दे दिनी।

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

इब्रानी 5:3

इलै उ खुद खुणि अर दुसरा लोगु खुणि बलिदान चड़ौन्दु, ताकि ऊंतैं पापों से माफी मिली जौ।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

रोमियों 6:10

अर जब मसीह मोरि त वु इलै ही मोरि, ताकि उ पाप की ताकत तैं खतम कैरी द्‍यो, पर अब जब कि वु मुरदो मा बटि ज्यून्द च, त केवल पिता परमेस्वर की बडै खुणि ही ज्यून्द च।

इब्रानी 9:25

अर महा पुरोहित साल मा एक बार लोगु का पापों का खातिर जानबर का ल्वे तैं अफ दगड़ा मा लेके पवित्र जगा मा जान्दु। मगर यीशु मसीह तैं इन करण की कुई जरुरत नि पोड़ि कि वु हरेक साल मा इन कैरो।

इब्रानी 9:7

मगर दुसरा हिस्सा मा केवल महा पुरोहित ही जान्दु छौ, अर हरेक बार उ अपणा पापों खुणि अर दुसरा लोगु का द्‍वारा किये जाण वळा हरेक किसम का पापों खुणि पिता परमेस्वर का समणि बलिदान मा चड़यां ल्वे तैं लेके जान्दु छौ, अर उ भि सालभर मा सिरफ एक बार।

इब्रानी 5:1

अर हम जणदा ही छां, कि यहूदी लोगु मा एक महा पुरोहित तैं मनखियों का बीच मा बटि ही चुणै जान्दु, ताकि उ मनखियों का खातिर पिता परमेस्वर की सेवा कैरो, अर लोगु का कियां पाप खुणि अरपण मा चड़ईं भेंट अर बलिदान तैं पिता परमेस्वर का समणि चड़ै सैको।

इफिसुस 2:22

अर अब तुम लोग भि यीशु मसीह का द्‍वारा हम यहूदी लोगु का दगड़ा मा मिली के एक इन मन्दिर बणौणा छाँ, जैमा पिता परमेस्वर अपणी पवित्र आत्मा का द्‍वारा रौन्दु।

इब्रानी 8:4

अगर जु यीशु मसीह ईं धरती पर होन्दु, त उ पुरोहित का पद पर कभि भि काम नि कैरी सकदु छौ, किलैकि इख त पैलि ही दुसरा पुरोहित मौजूद छा जु की मूसा का दियां नियम-कानून का मुताबिक पिता परमेस्वर खुणि भेंट चडौन्दिन।

इब्रानी 9:26

अर अगर ज्वा इन बात ही रौन्दी, त यीशु तैं दुनियां की शुरुवात से अभि तक बार-बार दुख उठौण पोड़दु, मगर वेन खुद तैं आखिरी का दिनों मा एक ही बार सदनि खुणि परगट कैरियाली, ताकि अपणा बलिदान का द्‍वारा उ पाप तैं मिटै सैको।