इब्रानी 7:18 - Garhwali

^18-19 अर परमेस्वर का रैबर्या मूसा का द्‍वारा जु नियम-कानून पिता परमेस्वर न पैलि दे छा, ऊंतैं वेन रद्‍द कैरी दिनी किलैकि जन वु चान्दु छौ वेका मुताबिक कुई भि मनखि वेकी नजर मा धरमी साबित नि ह्‍वे सैकी। मगर अब वेन हमतै एक नई आस दिईं च अर हमतै पूरु यकीन च की वींका द्‍वारा हम परमेस्वर का नजदीक जै सकद्‍यां।

गढवली नयो नियम

¹⁸ इन ही कै, पैली मूसा की व्यवस्था उन ही कैरी साकी जु कन चयणु छो; अर यांकि कुई कीमत नि छै इलै या बदली द्ये गै।

इब्रानी 7:18 Referans Kwoze

रोमियों 8:3

किलैकि पिता परमेस्वर न वु काम कैरिके दिखै दिनी, जु काम नियम-कानूनों न नि कैरी सैकी, अर सरील की इच्छा मा ऊंतैं पूरु करण बड़ु कठिन छौ। इलै वेन ये काम तैं पूरु करणु खुणि अपणा पुत्र तैं ईं दुनियां मा एक मनखि का रुप मा भेजि, ताकि एक पापि सरील तैं लेके उ पाप का दण्ड तैं अपणा मथि ले ल्यो, अर हमतै माफी मिली जौ।

गलातियों 4:9

पर अब जु तुमुन परमेस्वर तैं पछ्याणयालि, या हम इन बोलि सकद्‍यां कि तुम भि परमेस्वर का नौ से जणे जाणा छाँ, त फिर तुम किलै दुनियां की नास होण वळी ऊं बातों का जनै लौटण छाँ जु तुमतै बचै नि सकदिन? अर तुम फिर से किलै गुलामी का सेवक होण चन्द्‍यां? मेरा दगड़्यों, तुम बेकार की बातों पर अपणु मन किलै लगौन्द्‍यां?

1 तीमुथियुस 4:8

किलैकि सरील की कसरत कैरिके कुछ फैदा त होन्दु च, पर परमेस्वर की भक्‍ति करण से सब बातों मा फैदा ही फैदा होन्दु। अर जु मनखि परमेस्वर की भक्‍ति करदु, वेतैं ये जीवन मा अर सदनि का जीवन मा भि फैदा होलु, जु की बाद मा मिलण वळु च अर वेको करार परमेस्वर को कर्युं च।

इब्रानी 13:9

अर ध्यान द्‍या, कखि तुम बन्‍नि-बन्‍नि किसम की शिक्षा से भरमै नि जा, किलैकि परमेस्वर खाणु-खाण से ना, बल्किन मा अपणी महान किरपा से हमरा बिस्वास तैं मजबूत करदु, किलैकि खाणु-खाण का रीति-रिवाजों तैं मनण से कुई फैदा नि होन्दु।

गलातियों 3:17

दगड़्यों मेरु बोन्‍न को मतलब इन च कि जै करार तैं पिता परमेस्वर न अब्राहम का दगड़ा मा कैरी, वेका चार सौ तीस साल बाद नियम-कानून दिये गैनी। इलै अब यू नियम-कानून वे करार तैं बदलि नि सकदिन अर ना ही रद्‍द कैरी सकदिन।

गलातियों 4:21

हे मेरा भै-बैंणो तुम लोग जु नियम-कानूनों का अधीन रौण चन्द्‍यां, तुम मितैं एक बात बता क्या तुम लोग न नियम-कानूनों तैं ढंगल नि सुणी?

गलातियों 3:15

हे मेरा भै-बैंणो, मि तुमतै एक उदारण देके बिंगाण चाणु छौं, जब कै मनखि का द्‍वारा कुई करार किये जान्दु, त कुई भि वे करार तैं टाळि नि सकदु, अर ना ही वे करार मा कुई बात जोड़ी सकदु अर ना ही कम कैरी सकदु।

रोमियों 3:31

अब तुम सुचणा ह्‍वेल्या, कि जु कुछ भि हम बोन्‍ना छां वांको मतलब क्या च? त हम तुमतै बतै देन्द्‍यां कि जब हम इन बुल्द्‍यां की बिस्वास करण से ही हमतै छुटकारा मिलदु, त यां को मतलब यू नि च कि हम नियम-कानूनों तैं रद्‍द कना छां, बल्किन मा हम पिता परमेस्वर की बातों तैं पूरु करणा छां।

गलातियों 3:21

अर तुम क्या सोचद्‍यां कि नियम-कानून परमेस्वर का करारों को विरोध करदिन? ना इन बिल्कुल भि नि च, किलैकि अगर इन्द्रयो नियम-कानून दियूं होन्दु, जु हमतै सदनि को जीवन देन्दु, त नियम-कानून को पालन करण से ही हम लोग धरमी ठैरैये जान्दा।