इब्रानी 7:11 - Garhwali

¹¹ अर अगर मूसा रैबर्या का दियां नियम-कानूनों का मुताबिक पुरोहित लोग केवल लेवी का वंशज अर पितर हारुन की पीढ़ी का ही होला, त या योजना कै भि मनखि तैं सिद्ध नि कैरी सकदी। अर अगर इन जि ह्‍वे जान्दु त पुरोहित अपणा काम तैं लगातार कना रौन्दा, मगर पिता परमेस्वर न त अपणी सेवा करण खुणि एक अलग ही पुरोहित तैं चुणी जु कि पितर लेवी का वंश मदि नि छौ। इलै मलिकिसिदक की तरौं सदनि को पुरोहित होणु खुणि एक नयू आदिम चुणै गै।

गढवली नयो नियम

¹¹ लुखुं तैं याजकों की रीति का आधार पर ही मूसा की व्यवस्था दीं छै जब लेवी गोत्र का हारुन बट्टी ए छै, पर ऊं तैं उ ही रीति का द्वारा सिद्ध नि बणये गयै छो; इलै एक और याजक का आंणै की जरूरत छै, एक इन याजक जु हारुन का जन न बल्कि मलिकिसिदक याजक का जन हो।

इब्रानी 7:11 Referans Kwoze

इब्रानी 8:7

अर अगर जु पैला करार मा कुई कमी नि होन्दी, त फिर दुसरा करार की भि कुई जरुरत नि छै।

गलातियों 2:21

मि परमेस्वर की किरपा तैं नकरणु नि छौं, किलैकि अगर मूसा का दियां नियम-कानूनों का द्‍वारा धरमी बणयै जान्दु, त यीशु मसीह को मुरण बेकार ह्‍वे जान्दु।

इब्रानी 7:21

किलैकि जब दुसरा लोग पुरोहित का काम खुणि ठैरैये गैनी त परमेस्वर न ऊंका दगड़ा मा कुई करार नि कैरी छौ, मगर जब वेन यीशु तैं ठैरै तब वेन वेका बारा मा करार कैरी छौ। जन की पवित्रशास्‍त्र मा भि लिख्यूं च कि, “प्रभु न कसम खै, कि तू सदनि खुणि एक पुरोहित छैई, अर मिन अपणा मन तैं नि बदळण।”

इब्रानी 7:15

अर इनकै या बात और भि जादा साफ ह्‍वे जान्दी, कि एक इन्द्रयो पुरोहित परगट ह्‍वे गै जु कि मलिकिसिदक की ही तरौं सदनि खुणि एक पुरोहित का रुप मा चुणै गै।

इब्रानी 5:6

अर पवित्रशास्‍त्र की दुसरि जगा मा परमेस्वर इन बुल्दु कि, “मलिकिसिदक की तरौं तू भि सदनि खुणि पुरोहित रैलि।”

गलातियों 4:9

पर अब जु तुमुन परमेस्वर तैं पछ्याणयालि, या हम इन बोलि सकद्‍यां कि तुम भि परमेस्वर का नौ से जणे जाणा छाँ, त फिर तुम किलै दुनियां की नास होण वळी ऊं बातों का जनै लौटण छाँ जु तुमतै बचै नि सकदिन? अर तुम फिर से किलै गुलामी का सेवक होण चन्द्‍यां? मेरा दगड़्यों, तुम बेकार की बातों पर अपणु मन किलै लगौन्द्‍यां?

इब्रानी 6:20

अर हमरु यीशु मसीह उख पैलि ही पौंछी गै, अर पिता परमेस्वर न वेतैं मलिकिसिदक की तरौं सदनि खुणि महा पुरोहित ठैरैयालि।

इब्रानी 5:10

किलैकि पिता परमेस्वर न यीशु मसीह तैं मलिकिसिदक की तरौं सदनि खुणि महा पुरोहित बणैयालि।

गलातियों 4:3

अर ठिक उन्‍नि यीशु मसीह का औण से पैलि हम भि बच्‍चों का जन ही छा, अर ईं दुनियां का नियम-कानूनों का गुलामी मा अपणु जीवन जीणा छा।

इब्रानी 7:12

अर जब पुरोहित का चुणै जाण का नियम ही बदलि जनदिन, त या बात भि साफ ह्‍वे जान्दी की अब नियम-कानूनों मा बदळौ होण चयेणा।

इब्रानी 7:13

अर हम जणदा छां कि हमरु प्रभु यीशु यहूदा का गोत्र मा पैदा ह्‍वे, अर मूसा रैबर्या न इन कभि नि बोलि कि उ पुरोहित यहूदा का गोत्र बटि आलु। अर यीशु का बारा मा पवित्रशास्‍त्र इन बतौन्दु कि उ एक अलग ही गोत्र को च, जैन कभि परमेस्वर की वेदी का समणि वेकी सेवा को काम नि कैरी। अर यीशु मसीह का गोत्र मा कैन कभि भि पुरोहित होण को काम नि कैरी, अर यां से इन साबित होन्दु कि पुरणा नियम-कानून सच्‍चि मा बदलि गैनी।

इब्रानी 9:6

अर जब पुरोहित हरेक दिन पवित्र तम्बू का पैला वळा हिस्सा मा अपणा काम तैं पूरु करणु खुणि जान्दा छा त वे बगत मा सब कुछ इन्‍नि छौ।