इब्रानी 6:8 - Garhwali

⁸ अर कुछ वे पुंगड़ा का जन होनदिन जु कि बरखा होण का बगत मा पाणि त खूब पी जनदिन, मगर जब बगत औन्दु त वेमा केवल झाड़-झंकाड़ ही पैदा होनदिन। अर अगर जु मनखि को जीवन भि इन्‍नि होलु फिर त पिता परमेस्वर जल्द ही दण्ड द्‍यालु अर फूकी के नास कैरी द्‍यालु।

गढवली नयो नियम

⁸ पर दुसरा लोग वीं धरती का जन छिनी जु कांडों अर झिबलांण तैं पैदा करदींनि अर कै काम का नि छिनी; यु लोग पिता परमेश्वर का द्वारा श्रापित हूंणा का खतरा मा छिनी अर यु मा पैदा हूंण वली बेकार चीजों तैं आग मा फूंकी दयालो।

इब्रानी 6:8 Referans Kwoze

यूहन्ना 15:6

अर जु कुई मि मा बणयूं नि रालु, त वेतैं फौंकि की तरौं काटी के फुंन ढुळै जालु। तब उ सूखि जान्दु, अर लोग वेतैं बटोळि के आग मा डालि देन्दिन अर ऊ फुके जनदिन।

इब्रानी 12:17

तुम जणदा ही छाँ कि वेका बाद मा जब वेन विरासत की वीं आसीस तैं पौण चै, त फिर वु वीं आसीस का लैख नि रै। हालांकि वेन रुवे-रुवे के अपणा बुबा इसहाक का फैसला तैं बदलण की पूरि कोसिस कैरी, मगर इन नि ह्‍वे सैकी।

इब्रानी 10:27

फिर त सिरफ एक ही बात रै जान्दी न्याय को होण अर खतरनाक आग मा जाण को दण्ड अर यू ऊ छिन जु कि पिता परमेस्वर का दुसमनों को नास कैरी देन्दिन।

दिब्य दरस 20:15

अर जै-जै को नौ जीवन की किताब मा लिख्यूं नि मिली, ऊ भि वीं आग का कुण्ड मा डळै गैनी।

मरकुस 11:21

अर पतरस तैं वा बात याद ऐ तब वेन यीशु कू बोलि, “गुरुजी, ये डाळा कू तुमुन बोलि छौ कि त्वे पर लग्यां फल फिर कभि कुई नि खौऽ, इख देखा, तिमला को यू डाळु सूखि गै।”

मरकुस 11:14

तब वेन वे डाळा कू बोलि, “आज का बाद तेरा फल कुई नि खै सकलु।” अर वेका चेला या बात सुनणा छा।

मत्ती 7:19

पर मि तुमतै बतै देन्दु, कि जै-जै डाळा पर अच्छा फल नि लगदिन, वेतैं काटी के आग मा डळै जान्दु।

मत्ती 3:10

अर अब कुल्हाडु डाळों की जड़ पर रख्युं च, इलै जै डाळा पर अच्छा फल नि लगदिन, वेतैं काटी के आग मा ढुळै जान्दु।

मत्ती 25:41

“तब राजा अपणा बैं तरफा वळो कू बोललु, ‘हे असगार लग्यां लोगु, मेरा समणि बटि दूर ह्‍वे जा, अर सदनि की वीं आग मा नास होणु कू चलि जा, ज्वा शैतान अर वेका दूतों खुणि तयार कैरिके रखी च।