इब्रानी 6:19 - Garhwali19 अर जन पाणि का जाज तैं एक जगा मा टिकाणु खुणि समुन्दर मा लंगर डळै जान्दु, ठिक उन्नि पिता परमेस्वर का द्वारा दिईं आस हमतै मजबूत अर वेकी हिफाजत मा रखदी। अर यां से इन पता चलदु की हम खुद वे परदा तैं पार कैरिके परमेस्वर का समणि खड़ा ह्वे ग्यां। Gade chapit laगढवली नयो नियम19 जन एक बड़ी कील बट्टी बंधयूं ज्यूड़ो नाव तैं स्थिर अर मजबूत रखद, उन ही के य आस हमारा आत्मा तैं स्थिर अर मजबूत बणै कै रखद; ज्यांमा हमारी आस च कि उ यीशु ही च; जु स्वर्ग मा पवित्र तम्बू का पिछनै महापवित्र जगह मा पिता परमेश्वर का संमणी ग्यूं च। Gade chapit la |
अर वेका बाद तम्बू का दुसरा हिस्सा मा एक परदा लग्यूं छौ, अर जैकी वजै से उ एक कमरा लगदु छौ। वीं जगा मा धुप जगौणु खुणि सोना की एक वेदी बणि छै, अर उख सोनो को एक बक्सा छौ जैकू करार को बक्सा बुले जान्दु, अर वेमा सोनो को एक कटोरा छौ जैमा “मन्ना” नौ को खाणुक रखै गै छौ। वे बक्सा मा पितर हारुन को वु जांठु भि छौ जै पर मौळयार ऐ गै छै। अर जौं पठौलो पर परमेस्वर की आज्ञा लिखीं छै, वु दुई पठाळ भि उखि छै अर वीं जगा कू महा पवित्र जगा बुले जान्दु।
तभि भि जु लोग परमेस्वर पर बिस्वास करदिन, वु परमेस्वर का द्वारा बणयां घौर की मजबूत बुनियाद का जन छिन। अर ऊंका बिस्वास को नास कभि नि होलु, बल्किन मा वु घौर की मजबूत बुनियाद का जन सदनि टिक्यां राला। इलै परमेस्वर का वचन मा इन लिख्यूं च कि, “जु प्रभु का लोग छिन, ऊंतैं उ पछ्याणदु च,” अर जु इन बुल्दा छिन कि, “हम त परमेस्वर का छां, वु लोग बुरै बटि दूर रा।”
इलै ही परमेस्वर का द्वारा जु करार किये गै वु मनखि का बिस्वास पर टिक्यूं च, ताकि करार को दान पितर अब्राहम का वंश का सब लोगु तैं पिता परमेस्वर की महान किरपा से मुफत मा मिली सैको। अर केवल यहूदी लोगु खुणि ही ना जु की नियम-कानूनों को पालन करदिन, बल्किन मा हम सभ्यों खुणि भि जु की पितर अब्राहम की तरौं बिस्वास करदिन। इलै ही पितर अब्राहम बिस्वास मा सब लोगु को आत्मिक बुबा च।