इब्रानी 5:7 - Garhwali

⁷ अर जब यीशु मसीह ईं धरती पर छौ त वे बगत वेन ऊँची आवाज मा परमेस्वर तैं बुलै अर रुवे-रुवे के वेसे बिन्ती कैरी जु की वेतैं मौत से बचै सकदु छौ। अर पिता परमेस्वर न वेकी प्रार्थना तैं सुणी, किलैकि यीशु न वे पर अपणी पूरि सरदा रखी के खुद तैं वेका सुपुर्द कैरी दिनी।

गढवली नयो नियम

⁷ यीशु ल ईं धरती पर का जीवनकाल मा जु वे तैं मौत बट्टी बचै सकद छो, ऊँचा आवाज मा पुकारी कै अर रौवे के, पिता परमेश्वर बट्टी प्रार्थना अर बिनती कैरी अर बड़ा आदर का दगड़ी अपड़ा आप तैं परमेश्वर तैं सौंपणा का कारण पिता परमेश्वर ल यीशु की सूंणि।

इब्रानी 5:7 Referans Kwoze

यूहन्ना 17:1

अर यू सब बोन्‍ना का बाद यीशु न स्वर्ग जनै देखि के प्रार्थना कैरी, “हे पिता, अब वा घड़ी ऐ गै। तुमरो पुत्र कथगा महान च, यू दिखै द्‍या, ताकि पुत्र का द्‍वारा भि यू दिखै जौ, कि तुम कथगा महान छाँ।

मत्ती 27:46

अर तीन बजी का करीब यीशु न ऊँची आवाज मा चिल्‍लै के बोलि, “एली, एली, लमा शबक्‍तनी?” ज्यां को मतलब इन च कि, “हे मेरा परमेस्वर, हे मेरा परमेस्वर, तुमुन मितैं किलै छोड़याली?”

मरकुस 15:34

अर तीन बजी यीशु न ऊँची आवाज मा चिल्‍लै के बोलि, “इलोई, इलोई, लमा शबक्‍तनी?” ज्यां को मतलब इन च कि, “हे मेरा परमेस्वर, हे मेरा परमेस्वर, तुमुन मितैं किलै छोड़याली?”

इब्रानी 12:28

इलै अब जब हम इन्द्रया राज तैं पौण वळा छां, जु कभि भि हिली नि सकदु, त आ, हम परमेस्वर को धन्यवाद कैरा अर वेकी बातों तैं माणा अर वेको आदर-सम्मान कैरा, अर परमेस्वर की इन सेवा कैरा ज्यां से वु खुश ह्‍वे जौ।

यूहन्ना 11:35

अर यीशु रुंण लगि गै।

मत्ती 27:50

अर यीशु एक बार फिर ऊँची आवाज मा चिल्‍लै, अर वेन अपणा पराण छोड़ि दिनी।

मरकुस 15:37

पर यीशु ऊँची आवाज मा चिल्‍लै, अर वेन अपणा पराण छोड़ि दिनी।

इब्रानी 2:14

अर लोग अभि भि बच्‍चों का जन छिन, इलै यीशु मसीह ईं दुनियां मा सरील को रुप लेके ऐ। अर इन इलै ह्‍वे, ताकि वेकी मौत का द्‍वारा यीशु मसीह शैतान को नास कैरी सैको जैका पास मौत तैं लेके औण की ताकत च।

लूका 23:46

अर यीशु न ऊँची आवाज मा बोलि, “मेरा पिता, मि अपणी आत्मा तुमरा हाथ मा सौंपणु छौं।” अर इन बोलि के यीशु न पराण छोड़ दिनी।

इब्रानी 13:20

हे मेरा भै-बैंणो, प्रभु यीशु हम खुणि एक चरवाह का जन च, अर उ हम खुणि बलिदान ह्‍वे गै, मगर परमेस्वर न वेतैं मुरदो मा बटि ज्यून्द कैरी अर इन कैरिके वेका ल्वे का द्‍वारा वु करार पूरु कैरी जु कि सदनि तक रौण वळु च। अर मि इन प्रार्थना करदु कि पिता परमेस्वर अपणी शान्ति तुमतै द्‍यो, अर तुमरि हरेक जरुरत तैं पूरु कैरो। अर मि इन भि प्रार्थना करदु कि तुम पिता परमेस्वर की इच्छा तैं जाणि जा, अर यीशु मसीह तुमरा जीवनों मा वु काम कैरो ज्यां से कि परमेस्वर खुश होन्दु, हमरा प्रभु परमेस्वर की बडै सदनि तक होणी रौ। आमीन।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

2 यूहन्ना 1:7

किलैकि ईं दुनियां मा भौत सा धोखा देण वळा लोग निकळि के ऐ गैनी। अर वु ईं बात तैं स्वीकार नि करदिन, कि यीशु मसीह एक मनखि का रुप मा ईं दुनियां मा ऐ। अर यू उई च जु कि धोखा देण वळु, अर यीशु मसीह को दुसमन च।

1 यूहन्ना 4:3

मगर जु आत्मा यीशु तैं नि मणदु, त ईं बात तैं जाणि ल्या कि इन्द्रयो आत्मा पिता परमेस्वर की तरफा बटि नि च। अर इन्द्रयो मनखि वे आत्मा का कब्जा मा च, जैका बारा मा तुमुन सुणी छौ कि उ औण वळु च, बल्किन मा उ त ईं दुनियां मा च। हे मेरा दगड़्यों, यू उई च जु कि यीशु मसीह को दुसमन च।

गलातियों 4:4

पर जब परमेस्वर को ठैर्युं बगत ऐ, त वेन अपणा पुत्र यीशु मसीह तैं ईं दुनियां मा भेजि, अर वेको जनम एक मनखि का रुप मा एक जनानि बटि ह्‍वे। अर वेको ईं दुनियां मा औण यहूदी नियम-कानूनों का अधीन मा ह्‍वे।

यूहन्ना 11:42

अर मि जणदु छौं, कि तुम सदनि मेरी सुणद्‍यां। फिर भि जु लोग इख चौतरफि खड़ा छिन, ऊंका बानो मिन इन बोलि। ताकि यू बिस्वास कैरा, कि तुमुन ही मितैं भेजि च।”

रोमियों 8:3

किलैकि पिता परमेस्वर न वु काम कैरिके दिखै दिनी, जु काम नियम-कानूनों न नि कैरी सैकी, अर सरील की इच्छा मा ऊंतैं पूरु करण बड़ु कठिन छौ। इलै वेन ये काम तैं पूरु करणु खुणि अपणा पुत्र तैं ईं दुनियां मा एक मनखि का रुप मा भेजि, ताकि एक पापि सरील तैं लेके उ पाप का दण्ड तैं अपणा मथि ले ल्यो, अर हमतै माफी मिली जौ।

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

इब्रानी 10:5

इलै जब यीशु मसीह ईं दुनियां मा औण वळु छौ, त वेन अपणा बारा मा इन बोलि जन कि पवित्रशास्‍त्र मा भि लिख्यूं च कि, “हे मेरा परमेस्वर, तुमुन बलिदान अर भेंट नि चै, पर तुमुन मि खुणि एक सरील तयार कैरी।

इब्रानी 10:10

अर परमेस्वर की मनसा का मुताबिक यीशु मसीह का सरील तैं एक ही बार हमेसा खुणि बलि चड़ये गै अर इन होण से वेन हमतै पवित्र कैरियाली।

इब्रानी 11:7

अर बिस्वास से ही पितर नूह न परमेस्वर की तरफा से वे पाणि की विपदा का बार मा जाणि जैतैं वेन देखि नि छौ, अर वेन परमेस्वर की बात सुणी अर परमेस्वर की आज्ञा माणी के अपणा परिवार तैं बचौणु खुणि पाणि को एक बड़ु जाज बणै। अर इन्द्रया बिस्वास का बानो परमेस्वर न नूह तैं अपणी नजर मा धरमी पै, मगर वे बगत का लोगु न बिस्वास नि कैरी, इलै परमेस्वर न ऊंतैं दण्ड दिनी।