इब्रानी 5:5 - Garhwali

⁵ अर ठिक इन्‍नि यीशु मसीह न भि महा पुरोहित का पद तैं पौणु खुणि खुद तैं अफि नि चुणी, मगर यू आदर-सम्मान त वेतैं पिता परमेस्वर न दिनी। अर पवित्रशास्‍त्र की एक जगा मा परमेस्वर वेका बारा मा इन बुल्दु कि, “तू मेरु पुत्र छैई, अर आज से मि तेरु पिता छौं।”

गढवली नयो नियम

⁵ उन ही के, मसीह ल भि अफ तैं महायाजक बनण कु नियुक्त कैरी के अपड़ो अफी सम्मान नि कैरी; बल्कि, पिता परमेश्वर ल मसीह बट्टी यु बोलि के नियुक्त कैरी जु वेल कै दुसरा याजक बट्टी कभी नि बोलि, जु कि परमेश्वर का वचन मा भजनकार लिखद, “तू मेरू नौंनो छै, आज मि यु बुल्दो कि मि तेरु बुबा छों।”

इब्रानी 5:5 Referans Kwoze

यूहन्ना 8:54

तब यीशु न जबाब देई, “अगर मि अपणी बडै अफि कैरुं, त मेरी बडै को कुई मतलब नि च। पर मेरी बडै करण वळु त मेरु पिता च, जैतैं तुम अपणु परमेस्वर मणद्‍यां।

इब्रानी 1:5

हे मेरा भै-बैंणो, पिता परमेस्वर न कभि भि कै स्वर्गदूत कू वा बात नि बोलि, ज्वा कि वेन अपणा पुत्र का बारा मा बोलि। वेन इन बोलि कि, “तू मेरु पुत्र छैई, अर आज से मि तेरु पिता छौं।” अर फिर इन बोलि कि, “मि वेको पिता, अर उ मेरु पुत्र होलु।”

यूहन्ना 7:18

अर जु कुई अपणी तरफा बटि बुल्दु, उ त केवल अपणु ही आदर-सम्मान चान्दु, पर जु अपणा भेजण वळा को आदर-सम्मान चान्दु, त वेमा कुई कपट नि च।

खास चेलों 13:33

अर परमेस्वर न यीशु मसीह तैं मुरदो मा बटि ज्यून्दु कैरिके वे करार तैं हम खुणि पूरु कैरी, हम जु की वेकी औलाद छां। अर जन कि राजा दाऊद न अपणा भजन संहिता का दुसरा हिस्सा मा बोलि कि, “‘तू मेरु पुत्र छैई, अर आज से मि तेरु पिता छौं।’

रोमियों 8:3

किलैकि पिता परमेस्वर न वु काम कैरिके दिखै दिनी, जु काम नियम-कानूनों न नि कैरी सैकी, अर सरील की इच्छा मा ऊंतैं पूरु करण बड़ु कठिन छौ। इलै वेन ये काम तैं पूरु करणु खुणि अपणा पुत्र तैं ईं दुनियां मा एक मनखि का रुप मा भेजि, ताकि एक पापि सरील तैं लेके उ पाप का दण्ड तैं अपणा मथि ले ल्यो, अर हमतै माफी मिली जौ।

इब्रानी 1:1

हे मेरा दगड़्यों, जन कि तुम जणदा ही छाँ, कि पुरणा जमना मा पिता परमेस्वर न हमरा पितरों का दगड़ा मा रैबर्यों का द्‍वारा कई बार अलग-अलग तरीका से बात कैरी।

यूहन्ना 3:16

किलैकि परमेस्वर न दुनियां बटि इथगा प्यार कैरी, कि वेन अपणु इकलौतु पुत्र दे दिनी ताकि जु कुई वे पर बिस्वास कैरो, उ नास ना हो बल्किन मा सदनि को जीवन पौ।

इब्रानी 2:17

इलै या बात भि भौत जरुरी छै, कि यीशु मसीह सब बातों मा अपणा भै-बैंणो का जन बणि जौ। अर वेन खुद दुख उठे, अर शैतान का द्‍वारा भकलै भि गै मगर फिर भि उ खरु निकळि अर इन इलै ह्‍वे, ताकि उ लोगु पर दया करण वळु हो अर ऊं खुणि एक वफादार महा पुरोहित बणि जौ। अर एक बगत औण पर वेन खुद तैं बलिदान का रुप मा चड़ै दिनी, ताकि वेका द्‍वारा पिता परमेस्वर लोगु का पापों तैं माफ कैरी सैको। इलै हे मेरा दगड़्यों, ईं बात तैं याद रखा कि यीशु ऊं लोगु की मदद जरुर करलु, जौं तैं शैतान का द्‍वारा भकलयै जान्दु।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।

इब्रानी 5:10

किलैकि पिता परमेस्वर न यीशु मसीह तैं मलिकिसिदक की तरौं सदनि खुणि महा पुरोहित बणैयालि।