इब्रानी 5:13 - Garhwali

¹³ अर जु कुई अभि भि दूद ही पीण चाणु च त उ इन जाणि ल्या कि वेन बच्‍चा ही रौण, अर वेतैं सही अर गळत को कुई अता-पता नि च।

गढवली नयो नियम

¹³ किलैकि दूध पींण वलो तैं त पिता परमेश्वर का वचन की पहचाण नि हूंदी, किलैकि उ त छुटा बच्चा छिन।

इब्रानी 5:13 Referans Kwoze

1 पतरस 2:2

अर अब तुम जाणि ग्यां कि पिता परमेस्वर भलु च, इलै जन पैदा होयुं एक बच्‍चा तैं दूद पीण की इच्छा होन्दी, ठिक उन्‍नि तुम लोगु तैं भि पिता परमेस्वर का वचन तैं हरेक दिन स्वीकार करण की इच्छा रखण चयेणी, ताकि तुम लोग बचि जा अर वेमा बढदी जा।

1 कुरिन्थि 14:20

हे मेरा भै-बैंणो, तुम अपणी सोच तैं छुटा बच्‍चों की तरौं नि बणा, बल्किन मा समझदार बणा। अर अगर जु तुम बच्‍चों की तरौं ही बणण चन्द्‍यां, त बुरै खुणि बणा। अर या बात मि इलै बोन्‍नु छौं, किलैकि बच्‍चा कै की बुरै का बारा मा नि सोचदिन। अर जख तक पिता परमेस्वर की खासियत का बारा मा बात च, त तुम लोग स्यांणा लोगु की तरौं सोच रखा।

2 तीमुथियुस 3:16

अर पवित्रशास्‍त्र की सब बात परमेस्वर न अपणा लोगु का द्‍वारा लिख्वे। इलै पवित्रशास्‍त्र लोगु तैं अच्छी शिक्षा देणु खुणि, अर ऊंका बुरा काम दिखाणु खुणि, जीवन मा सुधार करणु खुणि अर एक धरमी जीवन जीणु खुणि यू मददगार च।

इफिसुस 4:14

अर औण वळा बगत मा हम बच्‍चों का जन नि रा, जु कि झूठ्‍ठा गुरु लोगु की चालाकी अर धोखा देण वळी बातों तैं सच्‍च समझदिन, अर अपणा जीवन मा स्वीकार कैरिके वेका मुताबिक चलदिन। मेरा दगड़्यों, इन्द्रया लोगु को बिस्वास समुन्दर की लैरों का जन च, जु कि इनै-उनै होणी रौनदिन।

1 कुरिन्थि 3:1

हे मेरा भै-बैंणो, जब मि तुमरा इख छौ, त मिन तुमतै यीशु मसीह की सच्‍चि शिक्षा का बारा मा वे तरीके से नि बतै जन मि ऊंतैं बतौन्दु, जु लोग बिस्वास मा मजबूत छिन अर जौं का पास पवित्र आत्मा को दान च। मगर मिन देखि कि तुम लोग अभि भि दुनियां की बातों पर ही चलद्‍यां, इलै मि तुमतै बच्‍चों का जन बिंगौन्दु।

2 कुरिन्थि 3:9

अर अगर दोषी ठैराण वळु कानून इथगा चमकदार ह्‍वे सकदु, त फिर वे करार का द्‍वारा मनखि का जीवन मा कथगा चमक ह्‍वेलि, जु कि मनखि तैं पिता परमेस्वर की नजर मा धरमी ठैरान्दु।

1 कुरिन्थि 13:11

हे मेरा भै-बैंणो, जब मि बच्‍चा छौ, त बच्‍चों की तरौं बात करदु छौ अर मेरी समझ भि बच्‍चों का ही जन छै, पर अब मि स्याणु ह्‍वे ग्यों, इलै मिन अपणु बचपना छोड़याली।

मरकुस 10:15

अर मि तुम बटि सच्‍चि बोन्‍नु छौं, कि परमेस्वर का राज मा वे ही मनखि न जै सकण, जु परमेस्वर का राज तैं एक छुटा बच्‍चा की तरौं स्वीकार करलु।”

मत्ती 11:25

अर वे ही बगत यीशु न पिता परमेस्वर बटि प्रार्थना कैरिके बोलि, “हे मेरा पिता, स्वर्ग अर धरती का प्रभु, मि तुमरो धन्यवाद करदु, कि यू सब बात तुमुन समझदारों अर अकलमन्दो बटि छिपै, अर ऊं लोगु पर परगट कैरी जु बच्‍चों का जन छिन।

रोमियों 2:20

अर मूरख लोगु तैं सिखौण वळा, अर बच्‍चों तैं उपदेस देण वळा गुरु छाँ, अर तुम इन समझद्‍यां की तुम ज्ञान अर सच्‍चै खुणि एक खरु उदारण छाँ, तुम इन भि समझद्‍यां की नियम-कानून मा जु कुछ च, वु सब कुछ तुमतै ही मिल्यूं च।

2 यूहन्ना 1:11

किलैकि जु कुई इन्द्रया मनखि कू सलाम बुल्दु, वु वेका बुरा कामों मा साझेदार ह्‍वे जान्दु।