इब्रानी 4:3 - Garhwali

³ अर जब पिता परमेस्वर न आराम कैरी, त वीं ही जगा मा औणु खुणि वेन हमतै भि न्यूत्युं च हम जु की वे पर बिस्वास करद्‍यां, ताकि हम भि वीं जगा मा दाखिल ह्‍वे सैका। अर या बात इनकै सच्‍चि साबित होन्दी, किलैकि एक बार पिता परमेस्वर न मनखियों तैं देखि के बोलि कि, “मिन गुस्सा मा ऐके इन कसम खै की, ‘यू लोग मेरा आराम की जगा मा कभि भि दाखिल नि होला।’”

गढवली नयो नियम

³ अर इलै हम लोग जु वीं बातों पर विश्वास करदां जु पिता परमेश्वर ल बोलि, विश्राम की जगह मा प्रवेश करुला; अर दूसरों का बारा मा, पिता परमेश्वर ल बोलि, “मिल अपड़ा गुस्सा मा सौं खै, कि उ मेरा विश्राम की जगह मा प्रवेश नि कैरी सकला।” फिर भि हम जंणदा छा कि य विश्राम की जगह जु अब उख च, उ दुनिया की रचना का बगत बट्टी ही छो।

इब्रानी 4:3 Referans Kwoze

1 पतरस 1:20

अर दुनियां का बणण से पैलि ही पिता परमेस्वर न यीशु मसीह तैं चुण्यालि छौ, ताकि उ दुनियां का लोगु तैं ऊंका पापों से माफी द्‍यो। अर पिता परमेस्वर न यीशु मसीह तैं ये जमना का आखिरी का दिनों मा ईं धरती पर परगट कैरी।

इब्रानी 9:26

अर अगर ज्वा इन बात ही रौन्दी, त यीशु तैं दुनियां की शुरुवात से अभि तक बार-बार दुख उठौण पोड़दु, मगर वेन खुद तैं आखिरी का दिनों मा एक ही बार सदनि खुणि परगट कैरियाली, ताकि अपणा बलिदान का द्‍वारा उ पाप तैं मिटै सैको।

इफिसुस 1:4

अर दुनियां का बणण से भि पैलि पिता परमेस्वर न अपणी योजना का मुताबिक हम से प्यार कैरी, अर हमतै मसीह खुणि चुणी दिनी, ताकि हम वेका दिखण मा पवित्र अर बेदाग ठैरि सैका।

इब्रानी 3:11

तब मिन गुस्सा मा ऐके इन कसम खै कि, ‘यू लोग मेरा आराम की जगा मा कभि भि दाखिल नि होला।’”

मत्ती 13:35

अर इन वु इलै करदु छौ, ताकि वा बात पूरि ह्‍वे जौ जु की परमेस्वर का रैबर्या का द्‍वारा बुले गै छै। अर वा बात इन च कि, “मि उदारण देके बात करलु, अर जब बटि दुनियां बणि तब बटि जु बात छिपी छै, ऊं बातों तैं परगट करलु।”

इब्रानी 3:14

हे मेरा दगड़्यों, हम सभ्या का सभि यीशु मसीह का दगड़ा मा हिस्सेदार छां, इलै हमतै आखिरी तक अपणा बिस्वास तैं मजबूत बणै के रखण चयेणु, ठिक उन्‍नि जन हमुन शुरुवात मा रखी छौ।

मत्ती 25:34

तब राजा अपणा दैंणी तरफा वळो कू बोललु, ‘मेरा पिता बटि आसीस पौण वळो, आ, अर वे राज्य का अधिकारी ह्‍वे जा, जु दुनियां की शुरुवात बटि तुम खुणि तयार कैरिके रख्युं च।