इब्रानी 4:12 - Garhwali

¹² किलैकि परमेस्वर का वचन मा काम करण अर जीवन देण की ताकत च। अर यू वचन एक इन्दरि तलवार का जन च ज्वा कि दुई तरफा बटि पैनी च। अर जन तलवार सरील का मांस तैं हड़गौं से अलग कैरी देन्दी, ठिक उन्‍नि पवित्रशास्‍त्र मा लिखी बात भि हमरा विचार अर मन मा छिप्यां सब राजों तैं परगट कैरी देन्दु।

गढवली नयो नियम

¹² किलैकि पिता परमेश्वर कु वचन जीवन, सशक्त अर कै भि द्वी धार वली तलवार बट्टी भि जादा तेज च। व प्राण अर आत्मा तैं, मतलब की ग्रंथियों अर मज्जा का विच्छेद तक पहुचद अर हमारा मन का विचारों तैं परखद।

इब्रानी 4:12 Referans Kwoze

इफिसुस 6:17

अर छुटकारा तैं स्वीकार कैरा, अर यू हैलमेट पैनण का जन च, अर पवित्र आत्मा की तलवार तैं ले ल्या जु की परमेस्वर को वचन च।

1 पतरस 1:23

किलैकि तुमतै एक नयू जीवन दिये गै, जु कि वे बीज का जन च जु कि कभि खतम नि ह्‍वे सकदु, बल्किन मा यू त पिता परमेस्वर का वचन द्‍वारा दियूं च, जु कि ज्यून्द अर सदनि तक रौण वळु च।

दिब्य दरस 1:16

वेका दैंणा हाथ मा सात गैंणा छा, अर वेका गिच्‍चा बटि पैनी तलवार निकळणी छै ज्वा की दुई तरफा बटि भौत तेज छै। अर वेकू मुख इन चमकणु छौ जन की सूरज बटि निकळण वळु घाम।

1 थिस्सलुनीकी 2:13

अर जब हम तुमरा पास अयां, त तुमुन परमेस्वर का वचन तैं स्वीकार कैरी। अर वे वचन तैं मनखि को वचन नि समझि, बल्किन मा परमेस्वर को वचन समझि के अपणा जीवन मा स्वीकार कैरी। इलै ईं बात का खातिर हम लगातार परमेस्वर को धन्यवाद करद्‍यां। अर या बात सच्‍च च, किलैकि यू वचन सच्‍चि मा परमेस्वर को ही वचन च जु की तुम बिस्वासी लोगु का बीच मा काम कनु च।

रोमियों 1:16

अर मि शुभ समाचार को परचार करण मा नि सरमान्दु, किलैकि ये परचार मा परमेस्वर की ताकत च अर पैलि यू शुभ समाचार केवल यहूदी जाति का लोगु खुणि छौ, मगर अब यू परचार ऊं लोगु खुणि भि ह्‍वे गै जु यहूदी जाति का नि छिन। अर हरेक वु मनखि जु कि बिस्वास करलु वेतैं छुटकारा मिललु।

दिब्य दरस 19:15

अर वेका गिच्‍चा बटि एक पैनी तलवार निकळणी छै, ताकि उ देस-देस का बुरा लोगु को नास वीं तलवार से कैरो। अर वु लोखरो जांठु लेके बड़ी सख्‍तै से सासन करलु, अर सर्वसक्‍तिमान परमेस्वर का परकोप का द्‍वारा वे रसकुण्ड मा ऊंतैं एक रस की तरौं पितेड़ द्‍यालु।

इफिसुस 5:13

पर जब उज्याळु चमकदु तब सब कुछ दिखैण लगि जान्दु अर अन्धेरा का काम परगट ह्‍वे जनदिन।

लूका 8:11

अर यीशु न ऊंकू बोलि, “ये उदारण को मतलब च, कि बीज त परमेस्वर को वचन च।

यूहन्ना 6:51

अर जीवन की रुट्‍टी ज्वा स्वर्ग बटि अईं च, वा मि छौं। अर जु कुई ईं रुट्‍टी मा बटि खालु, उ सदनि खुणि ज्यून्दु रालु। अर ज्वा रुट्‍टी मि दुनियां का लोगु तैं जीवन देणु खुणि देन्दु छौं, उ मेरु बदन च।”

दिब्य दरस 19:21

अर सफेद घोड़ा पर सवार का गिच्‍चा बटि ज्वा तलवार निकळणी छै वींका द्‍वारा पलटण का लोग मरे गैनी। अर सब पंछियों न पुटगु भोरी के ऊंकी सिकार खै।

दिब्य दरस 2:16

इलै मन से पस्ताप कैरा, अर अगर जु तुम इन नि करिल्या, त मि भौत जल्द तुमरा पास ऐके, अपणा मुख से निकळण वळी तलवार से ऊं लोगु का दगड़ा मा युद्ध करलु।

इब्रानी 13:7

अर जौन तुमतै परमेस्वर को वचन सुणै, तुम ऊं शिक्षा देण वळो तैं याद रखा। अर तुम ऊंका अच्छा चाल-चलन पर ध्यान द्‍या अर वेका मुताबिक ऊंका बिस्वास तैं देखि के तुम ऊंका जन जीवन भि ज्या।

खास चेलों 4:31

अर जब ऊंन इन प्रार्थना कैरी दिनी, त जख ऊ सब लोग इकट्‍ठा होयुं छा वा जगा हिली गै, अर वु सब पवित्र आत्मा से भरपूर ह्‍वे गैनी। अर येका बाद वु सब लोग फिर से परमेस्वर का वचन तैं बड़ी हिम्मतळ सुनौण लगि गैनी।

खास चेलों 2:37

अर जब ऊं लोगु न यों बातों तैं सुणी, त या बात ऊंका दिलों मा लगि गै। तब ऊंन पतरस अर दुसरा खास चेलों से पूछी, “हे भैयों अब हमतै इन बता कि हम क्या जि कैरा?”

दिब्य दरस 2:23

मि वींका बच्‍चों तैं महामारी भेजि के मरलु, ज्यां से कि बिस्वासी समुदाय का सब लोग जाणि जाला कि मि उई छौं जु कि मनखियों का मन अर दिल की बातों तैं जणदु च, अर मि हरेक तैं वेका कामों का हिसाब से द्‍यूलु।

दिब्य दरस 20:4

तब मिन राजगद्‍दी देखि अर ऊं लोग की आत्माओं तैं भि देखि जु कि राजगद्‍दी पर बैठयां छा, जौं का मुण्ड़ यीशु की गवै देण अर परमेस्वर का वचन तैं बतौण की वजै से कटै गै छौ। अर यू वु आत्मा छिन जौं तैं परमेस्वर न न्याय करण को अधिकार दिनी। अर यों न नऽ त दैंत की, अर ना ही वेकी मूरत की पूजा कैरी, अर ना ही अपणा माथा या हाथ पर वेकी मोर लगवै, वु सब ज्यून्दा ह्‍वे गैनी, अर ऊंन राजा बणि के मसीह का दगड़ा मा एक हजार साल तक राज कैरी।

1 थिस्सलुनीकी 5:23

हम तुम खुणि प्रार्थना करद्‍यां, कि तुमरि आत्मा, पराण, अर तुमरो सरील हमरा प्रभु यीशु मसीह का औण का दिन तक पूरु निरदोष अर हरेक बुरी बात से बचि के रौ। अर शान्ति देण वळु परमेस्वर तुमतै पूरि तरौं से पवित्र कैरो।

2 कुरिन्थि 4:2

अर हमुन इन ठाणियालि कि हम इन्द्रयो कुछ भि नि करुला ज्यां से कि हमतै सरम अऽ। अर हमुन कभि भि चालाकी चलि के तुमतै धोखा देण की कोसिस नि कैरी, जन कि कुछ लोग करदिन। अर ना ही हम परमेस्वर का वचन मा मिलावट करद्‍यां, बल्किन मा हम त सच्‍चै से सिखौन्द्‍यां अर उ भि इन जाणि के कि परमेस्वर हमतै दिखणु च। अर यू सब हम इलै करद्‍यां, ताकि हम सब लोगु खुणि एक उदारण बणि जां।

याकूब 1:18

अर वेन अपणी इच्छा का मुताबिक सच्‍चा वचन का द्‍वारा हमतै नयू जनम देई, ताकि जु कुछ भि वेन बणै ऊं सभ्यों मा बटि हम पैलु इनाम बणि जा।

2 कुरिन्थि 2:17

अर हम ऊं ठगों की तरौं नि छां जु कि अपणा फैदा खुणि परचार को काम करदिन, पर हम त शुभ समाचार तैं बड़ी इमानदारी से सुणौन्द्‍यां, अर यीशु मसीह का द्‍वारा दियां अधिकार से परमेस्वर का वचन को परचार करद्‍यां। अर यू सब हम इन जाणि के करद्‍यां कि पिता परमेस्वर हमतै दिखणु च।

1 कुरिन्थि 1:24

पर जौं लोगु तैं पिता परमेस्वर न बुलै, अब चै वु यहूदी जाति का हो या दुसरि का जाति का सब खुणि यीशु मसीह ही परमेस्वर की ताकत अर परमेस्वर को ज्ञान च।

खास चेलों 5:33

अर या बात सुणी के ऊंका जिकुड़ियों मा आग लगि गै, अर ऊंन खास चेलों तैं जान से मरण चै।

यूहन्ना 12:48

अर जु कुई मितैं सुद्‍दी समझदु अर मेरी बातों तैं नि मणदु, वे पर दोष लगौण वळु त एक च। मतलब जौं बातों तैं मिन बोलि, उई आखिरी का दिन मा वेतैं दोषी ठैराली।

खास चेलों 7:38

अर यू उई मूसा छौ जु की निर्जन जगा मा इस्राएली लोगु का दगड़ा मा छौ, अर जैन बिचलु को काम कैरी छौ। अर सीनै पाड़ पर उ वे स्वर्गदूत का दगड़ा मा छौ जैन वेका दगड़ा मा बात कैरी छै, अर उ हमरा पितरों का दगड़ा मा छौ। अर वेन ही यू वचन हमतै देणु खुणि ज्यून्दा पिता परमेस्वर बटि पै।

इफिसुस 5:26

अर जन पाणि का द्‍वारा साफ किये जान्दु, ठिक उन्‍नि वु हमतै अपणा वचन का द्‍वारा शुद्ध करदु।