इब्रानी 3:14 - Garhwali

¹⁴ हे मेरा दगड़्यों, हम सभ्या का सभि यीशु मसीह का दगड़ा मा हिस्सेदार छां, इलै हमतै आखिरी तक अपणा बिस्वास तैं मजबूत बणै के रखण चयेणु, ठिक उन्‍नि जन हमुन शुरुवात मा रखी छौ।

गढवली नयो नियम

¹⁴ जु हम अपड़ा पैला विश्वास तैं आखिर तक सम्भालि कै रखा, त हम मसीह का दगड़ी बणयां रौन्दियां।

इब्रानी 3:14 Referans Kwoze

इब्रानी 3:6

मगर यीशु मसीह पिता परमेस्वर को पुत्र होण का नाता भरोसा का लैख च। अर हम लोग जु कि यीशु मसीह पर बिस्वास करद्‍यां, अगर जु हम अपणी आस अर भरोसा वे पर बणै के रखद्‍यां, त हम पिता परमेस्वर का घौर का छां।

इब्रानी 6:11

पर हमरि या ही मनसा च कि तुम मा बटि हरेक मनखि आखिरी तक पूरि कोसिस कनु रौ, ताकि जौं बातों की तुमुन आस रखी ऊ पूरि ह्‍वे जौ।

1 पतरस 4:13

बल्किन मा खुश ह्‍वा, किलैकि जु सतौ तुम पर होणु च वेका द्‍वारा तुम यीशु मसीह का दुख मा हिस्सेदार होणा छाँ। अर जब यीशु मसीह अपणा पूरा आदर-सम्मान का दगड़ा मा आलु, त तुमतै बड़ु आनन्द मिललु।

इब्रानी 12:10

किलैकि ईं दुनियां का ब्वे-बाब कुछ बगत खुणि ही अपणी समझ का मुताबिक अनुसासन सिखौन्दिन, मगर परमेस्वर हमरि भलै खुणि ही हमतै अनुसासन मा रौण सिखौन्दु, ताकि हम वेका जन पवित्र ह्‍वे जां।

इब्रानी 6:4

अर जथगा भि लोग एक बार पिता परमेस्वर का उज्याळा मा ऐ गैनी, वेन ऊंतैं बयना का रुप मा पवित्र आत्मा अर वेका दगड़ा-दगड़ि दान-बरदान भि दिनी, अर जु लोग शुभ समाचार अर औण वळा बगत मा नई दुनियां का बारा मा जणदिन, अगर इन्द्रया लोग बिस्वास करण से दूर ह्‍वे जा, त इन्द्रया लोगु तैं फिर से बिस्वास मा वापस लौण बड़ु कठिन च। अर तुम ईं बात तैं भि जाणि ल्या कि इन्द्रया लोग परमेस्वर का पुत्र यीशु तैं फिर से क्रूस पर चडौन्दिन, अर सभ्यों का समणि वे पर कलंक लगौन्दिन।

इफिसुस 3:6

अर या को मतलब यू च कि, शुभ समाचार का द्‍वारा यहूदी लोग अर वु लोग भि जु यहूदी जाति का नि छिन, वीं विरासत का हकदार ह्‍वे जा। अर यीशु मसीह का सरील मा सभ्या का सभि एक बदन ह्‍वेके कियां करार का साझी बणा।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।

रोमियों 11:17

अर जन जैतून डाळा से कुछ फौंका तोड़ि के अलग किये जनदिन, ठिक उन्‍नि कुछ इस्राएली लोग भि छिन जौन यीशु मसीह पर बिस्वास नि कैरी अर इन कैरिके वु पिता परमेस्वर का लोगु से अलग ह्‍वे गैनी। अर जन लोग कै दुसरा डाळा पर कलम लगौन्दिन ठिक उन्‍नि पिता परमेस्वर न तुम लोगु तैं अपणा इस्राएली लोगु का दगड़ा मा मिलै, ताकि तुम लोगु तैं भि वु आसीस मिली सैको जैको करार वेन इस्राएली लोगु का पितरों का दगड़ा मा कैरी छौ।

1 कुरिन्थि 10:17

जब कि बिस्वास मा त हम भौत सा लोग छां, मगर फिर भि हमरि रुट्‍टी एक ही च, अर वु यीशु मसीह च। अर अलग-अलग होण का बाद भि हम मसीह मा एक छां।

1 यूहन्ना 1:3

अर जैका बारा मा हम तुमतै बतौणा छां उ यीशु मसीह च जैतैं हमुन देखि अर सुणी च, ताकि तुम लोग भि हमरा दगड़ा मा साझेदार बणि जा। अर हमरि या साझेदारी पिता परमेस्वर का दगड़ा मा अर वेका पुत्र प्रभु यीशु मसीह का दगड़ा मा च।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

1 पतरस 5:1

मि एक अध्यक्ष छौं अर जौं दुख-तकलीफो तैं यीशु मसीह न सै, ऊं सब बातों को मि भि एक गवा छौं, अर प्रभु का औण वळा वे आदर-सम्मान मा मि भि साझेदार छौं। इलै मि तुमरा बीच मा जु अध्यक्ष लोग छिन, ऊं से बिन्ती करदु कि,

1 तीमुथियुस 6:2

अर जौं गुलामों का मालिक बिस्वासी लोग छिन, त ऊ अपणा मालिकों तैं एक बिस्वासी भै समझि के ऊंतैं कम आदर-सम्मान नि द्‍यो, पर ऊ जादा से जादा वेको काम कैरो। किलैकि ऊंका कामों का द्‍वारा जौं मालिकों को फैदा होणु च, उ परमेस्वर पर बिस्वास करण वळा अर परमेस्वर खुणि प्रिय छिन। अर यों सब बातों तैं दुसरो तैं भि समझौण रौ, अर पालन करण खुणि ऊंतैं हिम्मत भि दे।

1 कुरिन्थि 9:23

अर यू सब कुछ मि शुभ समाचार की वजै से करदु, ताकि मि शुभ समाचार तैं दुसरो लोगु मा बांटि सैकु।

रोमियों 11:22

अर यां से इन पता चलदु कि परमेस्वर कथगा निठुर अर कथगा दया करण वळु च। अर जु लोग वेकी आज्ञा को पालन नि करदिन ऊंतैं वु निठुर सजा देन्दु, मगर जथगा भि लोग वेकी आज्ञा को पालन करदिन ऊंकी भलै करणु खुणि उ सदनि अगनै रौन्दु। इलै अगर जु तुम लोग वेकी आज्ञा को पालन नि करिल्या, त तुमरि हालत भि जैतून का ऊं फौंकों का जन ह्‍वे जाण जौं तैं तोड़ि के अलग किये गै।

इब्रानी 11:1

हे मेरा भै-बैंणो, सुणा, अब मि तुमतै बतै देन्दु की बिस्वास क्या च, बिस्वास ऊं बातों पर पक्‍कु यकीन च जौं बातों की आस हम रखदा छां, मगर वु दिखेन्दी नि छिन।