अर परमेस्वर न हमतै इलै नि बचै, कि हमुन भौत अच्छा काम करिनी। पर वेन त हम पर अपणी दया कैरिके अपणी मनसा तैं पूरि करणु खुणि हमतै बुलै। किलैकि परमेस्वर न दुनियां की शुरुवात से ही पैलि अपणी दया यीशु मसीह का द्वारा हम पर दिखै, अर हमतै बचौण की योजना बणै। अर वेन हमतै इलै बचै, ताकि हम एक पवित्र जीवन जी सैका।
इब्रानी 3:1 - Garhwali1 इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्यां कि हम वे पर बिस्वास करद्यां। Gade chapit laगढवली नयो नियम1 इलै हे विश्वासी भयों, जु पिता परमेश्वर बट्टी जुड़यांं प्रेरित छा, तुम जु स्वर्ग मा पिता परमेश्वर का दगड़ी कठ्ठा हूंणु कु बुलै ग्यां, मसीह यीशु पर ध्यान द्या, जु हम कु पिता परमेश्वर कु शुभ संदेश कु दूत अर महायाजक च। Gade chapit la |
इब्रानी 3:1
63 Referans Kwoze
इलै या बात भि भौत जरुरी छै, कि यीशु मसीह सब बातों मा अपणा भै-बैंणो का जन बणि जौ। अर वेन खुद दुख उठे, अर शैतान का द्वारा भकलै भि गै मगर फिर भि उ खरु निकळि अर इन इलै ह्वे, ताकि उ लोगु पर दया करण वळु हो अर ऊं खुणि एक वफादार महा पुरोहित बणि जौ। अर एक बगत औण पर वेन खुद तैं बलिदान का रुप मा चड़ै दिनी, ताकि वेका द्वारा पिता परमेस्वर लोगु का पापों तैं माफ कैरी सैको। इलै हे मेरा दगड़्यों, ईं बात तैं याद रखा कि यीशु ऊं लोगु की मदद जरुर करलु, जौं तैं शैतान का द्वारा भकलयै जान्दु।
अर जौं गुलामों का मालिक बिस्वासी लोग छिन, त ऊ अपणा मालिकों तैं एक बिस्वासी भै समझि के ऊंतैं कम आदर-सम्मान नि द्यो, पर ऊ जादा से जादा वेको काम कैरो। किलैकि ऊंका कामों का द्वारा जौं मालिकों को फैदा होणु च, उ परमेस्वर पर बिस्वास करण वळा अर परमेस्वर खुणि प्रिय छिन। अर यों सब बातों तैं दुसरो तैं भि समझौण रौ, अर पालन करण खुणि ऊंतैं हिम्मत भि दे।
इलै हम तुम खुणि हमेसा इन प्रार्थना करद्यां, कि परमेस्वर न तुमतै जै मकसद खुणि बुलै, वे जीवन तैं जीणु खुणि परमेस्वर तुमतै लैख बणौ। अर हम इन भि प्रार्थना करद्यां, कि यीशु मसीह पर बिस्वास कैरिके जु सब भलै का काम तुम करण चाणा छाँ, ऊंतैं तुम पूरु कैरी सैका। अर इन करण मा उ तुमतै अपणी सामर्थ देके तुमरि मदद कैरो।
अर ये काम तैं करणु खुणि ऊ लोग भौत खुश छिन किलैकि ऊ यहूदी लोगु का करजदार छिन। अर पिता परमेस्वर न जु कुछ भि यहूदी लोगु तैं सिखै, अर जु आसीस वेन ऊंतैं दिनी ऊंका द्वारा ही वु सब कुछ ऊं लोग तक पौंछी जु यहूदी जाति का नि छिन। इलै तुमरो यू फरज बणदु कि अब तुम लोग यहूदी लोगु की जरुरतों तैं पूरु करणु खुणि मदद कैरा।
अर जन जैतून डाळा से कुछ फौंका तोड़ि के अलग किये जनदिन, ठिक उन्नि कुछ इस्राएली लोग भि छिन जौन यीशु मसीह पर बिस्वास नि कैरी अर इन कैरिके वु पिता परमेस्वर का लोगु से अलग ह्वे गैनी। अर जन लोग कै दुसरा डाळा पर कलम लगौन्दिन ठिक उन्नि पिता परमेस्वर न तुम लोगु तैं अपणा इस्राएली लोगु का दगड़ा मा मिलै, ताकि तुम लोगु तैं भि वु आसीस मिली सैको जैको करार वेन इस्राएली लोगु का पितरों का दगड़ा मा कैरी छौ।
इलै अब जु दुख-तकलीफ तुम कुछ देर खुणि सौणा छाँ, वे कष्ट बटि पिता परमेस्वर तुमतै भैर निकळळु, अर तुमरा बिस्वास की बुनियाद तैं और भि जादा मजबूत अर पक्कु करलु, किलैकि पिता परमेस्वर ही च, जु कि अपणी पूरि किरपा करदु अर वेन ही तुमतै यीशु मसीह का द्वारा मिलण वळा आदर-सम्मान मा अपणा पास बुलयूं च, जु कि सदनि को च।
अर कुछ दिनों का बाद इन ह्वे कि, पतरस लगभग एक सौ बीस बिस्वासी लोगु का बीच मा खड़ु ह्वेके बोन्न लगि गै, “हे मेरा भै-बैंणो, या बात यहूदा इस्करियोती का बारा मा च, जु की यीशु तैं पकड़वौण वळो तैं बाटु दिखौण वळु बणि के ऐ छौ। हाँ, वेकी गिनती हमरा दगड़ा मा किये जान्दी छै, अर उ भि हमरि तरौं सेवा मा सामिल ह्वे गै छौ। मगर पवित्र आत्मा न येका बारा मा पैलि ही राजा दाऊद का द्वारा भविष्यबाणी करवै छै, अर यू जरुरी छौ कि पवित्रशास्त्र की या बात पूरि हो।
इलै हे मेरा भै-बैंणो, अब हमरा पास पिता परमेस्वर का घौर मा एक बड़ु महा पुरोहित याने की यीशु मसीह च। हाँ, यीशु जैन हमरा खातिर अपणु जीवन देई अर अपणा ल्वे की ताकत से वेन मन्दिर का वे परदा तैं हटै दिनी जख आम लोगु नि जै सकदा छा। अर इनकै यीशु मसीह न एक नयू बाटु दिखै जु कि हमतै नया जीवन की तरफा लेके जान्दु। इलै अब एक यीशु मसीह ही च जु कि हमतै हिम्मत देन्दु की हम महा पवित्र जगा मा दाखिल ह्वे सैका।
Piblisite