इब्रानी 2:15 - Garhwali

¹⁵ अर हरेक मनखि का मन मा मौत की डौऽर छै, जैकी वजै से वु गुलामी को जीवन जीणा छा, मगर यीशु मसीह की मौत न ऊंतैं वीं डौऽर से आजाद कैरियाली।

गढवली नयो नियम

¹⁵ अर इन कै प्रभु यीशु ल ऊं सभियूं तैं आजाद कैरी दींनि जु अपड़ो पूरो जीवन मौत का डर मा हवे के गुलामों का जन जींणा छा।

इब्रानी 2:15 Referans Kwoze

रोमियों 8:15

अर जु पवित्र आत्मा तुमतै दिये गै, वु तुमतै गुलाम नि बणौन्दु कि तुम फिर से डौऽरी-डौऽरी के अपणा जीवन को गुजर-बसर कैरा। अरे, जु पवित्र आत्मा पिता परमेस्वर न तुमतै देई वां से इन साबित होन्दु, कि हम वेकी औलाद छां। तभि त हम पिता परमेस्वर कू, “हे अब्बा, मेरा पिता” बोलि सकद्‍यां।

2 तीमुथियुस 1:7

किलैकि परमेस्वर न हमतै डौऽर की आत्मा नि दिनी, मगर सामर्थ अर एक-दुसरा बटि प्यार करण वळी अर अपणा जीवन तैं वश मा रखण वळी आत्मा दिईं च।

2 कुरिन्थि 1:10

अर पिता परमेस्वर ही च जु कि हमतै मौत का बड़ा संकट से बचौन्दु, अर अगनै भि बचालु, किलैकि हम वे पर बिस्वास करद्‍यां अर उ हमतै औण वळा बगत मा भि बचालु।

रोमियों 8:21

कि अब वा भि विणास कि गुलामी से आजाद ह्‍वेके छुटकारु पालि, अर पिता परमेस्वर की तरफा बटि वेकी औलादों तैं मिलण वळा आदर-सम्मान मा धरती भि सामिल ह्‍वेके बदलि जालि।

गलातियों 4:21

हे मेरा भै-बैंणो तुम लोग जु नियम-कानूनों का अधीन रौण चन्द्‍यां, तुम मितैं एक बात बता क्या तुम लोग न नियम-कानूनों तैं ढंगल नि सुणी?

इब्रानी 2:16

किलैकि यीशु मसीह स्वर्गदूतों की मदद करणु खुणि नि ऐ, बल्किन मा उ त इलै ऐ ताकि ऊं लोगु कि मदद कैरी सैको, जु कि परमेस्वर पर बिस्वास रखण की वजै से पितर अब्राहम का वंशज छिन।