इब्रानी 2:14 - Garhwali

¹⁴ अर लोग अभि भि बच्‍चों का जन छिन, इलै यीशु मसीह ईं दुनियां मा सरील को रुप लेके ऐ। अर इन इलै ह्‍वे, ताकि वेकी मौत का द्‍वारा यीशु मसीह शैतान को नास कैरी सैको जैका पास मौत तैं लेके औण की ताकत च।

गढवली नयो नियम

¹⁴ किलैकि जौं तैं पिता परमेश्वर ल बच्चों कैरी के बुलै, मतलब की जु मास अर ल्वे का बणयां छिनी, यीशु हर ढंग से हम जन बंणि गै अर ऐ कि प्रभु यीशु का मृत्यु का द्वारा शैतान, जै तैं मृत्यु पर अधिकार च नाश हवे जौं।

इब्रानी 2:14 Referans Kwoze

2 तीमुथियुस 1:10

पर जब हमरु बचौण वळु यीशु मसीह ईं दुनियां मा ऐ, तब वेन परमेस्वर की किरपा हम पर परगट कैरी अर वेन ही मौत की ताकत को नास कैरी। अर जथगा भि लोगु न वेका शुभ समाचार तैं अपणा जीवन मा स्वीकार कैरी, वेन ऊं लोगु तैं परमेस्वर का दगड़ा मा सदनि को जीवन जीण को मौका दियाली।

रोमियों 8:3

किलैकि पिता परमेस्वर न वु काम कैरिके दिखै दिनी, जु काम नियम-कानूनों न नि कैरी सैकी, अर सरील की इच्छा मा ऊंतैं पूरु करण बड़ु कठिन छौ। इलै वेन ये काम तैं पूरु करणु खुणि अपणा पुत्र तैं ईं दुनियां मा एक मनखि का रुप मा भेजि, ताकि एक पापि सरील तैं लेके उ पाप का दण्ड तैं अपणा मथि ले ल्यो, अर हमतै माफी मिली जौ।

कुलुसी 2:15

अर यीशु मसीह न सासन करण वळी, अर अधिकार रखण वळी सब बुरी ताकतों पर क्रूस का द्‍वारा जीत हासिल कैरिके ऊंको खुलाआम तमसो बणै दिनी।

यूहन्ना 1:14

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

इब्रानी 9:15

अर लोगु तैं पाप से छुड़ौण का खातिर यीशु मसीह मरे गै। अर ईं मौत का द्‍वारा वेन पुरणा करार तैं रद्‍द कैरी दिनी, ताकि उ अपणा चुण्यां लोगु तैं पिता परमेस्वर का द्‍वारा मिलण वळी सदनि की आसिसों तैं द्‍यो, अर वेका दगड़ा-दगड़ि एक नयू करार भि द्‍यो जु की सदनि को जीवन च।

1 कुरिन्थि 15:50

हे मेरा भै-बैंणो, यू हड़गा, मांस अर ल्वे का ये सरील तैं लेके हम परमेस्वर का राज मा इन नि जै सकद्‍यां। अर इन मि इलै बोन्‍नु छौं, किलैकि हमरु यू सरील ईं दुनियां को च जैन नास ह्‍वे जाण, पर स्वर्गीय सरील को नास नि होण वेन हमेसा तक रौण।

दिब्य दरस 1:18

अर मि ज्यून्द छौं। मि मोरि गै छौ मगर देख, अब मि हमेसा-हमेसा खुणि ज्यून्दु छौं, अर मि मा मौत अर अधलोक की चाबी छिन।

रोमियों 14:9

किलैकि यीशु मसीह इलै ही मोरि अर ज्यून्द ह्‍वे, ताकि उ मुरयां अर ज्यून्दा लोगु को प्रभु ह्‍वे जौ।

दिब्य दरस 2:10

अर सुणा, जु दुख-तकलीफ तुम पर औणिन ऊं बातों से नि डौऽरा, किलैकि शैतान तुम मा बटि कुछ लोगु तैं जेलखाना मा डलवै द्‍यालु, ताकि तुम पूरि तरौं से परखै जा। अर दस दिनों तक तुमतै भौत पीड़ा दिये जालि, मगर अपणी आखिरी सांस तक तुम भरोसेमन्द बणयां रयां, अर मि तुमतै जीवन को मुकुट द्‍यूलु।

इब्रानी 4:15

किलैकि हमरु महा पुरोहित इन्द्रयो नि च जु कि हमरि कमजोरियों का हमरा दगड़ा मा दुखी नि होन्दु हो, मगर उ त इन्द्रयो च जैतैं हमरि ही तरौं कई बार शैतान का द्‍वारा भकलयै गै, मगर फिर भि वेन कुई पाप नि कैरी।

गलातियों 4:4

पर जब परमेस्वर को ठैर्युं बगत ऐ, त वेन अपणा पुत्र यीशु मसीह तैं ईं दुनियां मा भेजि, अर वेको जनम एक मनखि का रुप मा एक जनानि बटि ह्‍वे। अर वेको ईं दुनियां मा औण यहूदी नियम-कानूनों का अधीन मा ह्‍वे।

यूहन्ना 12:24

अर मि तुम बटि सच्‍चि ही बोन्‍नु, जबरि तक ग्यूँ को बीज माटा मा पोड़ि के मोरि नि जान्दु, तबरि तक उ इखुली ही रौन्दु पर जब उ मोरि जान्दु त भौत सरा फल लान्दु च।

दिब्य दरस 20:2

अर वेन खुंखार रागस तैं एक हजार साल तक संगुळों मा बान्धि के रखी। अर यू खुंखार रागस उ च जैकू पुरणु गुरौ, दुसरो पर दोष लगौण वळु, जैकू शैतान बुले जान्दु।

दिब्य दरस 12:9

अर खुंखार रागस अर वेका दूतों तैं धक्‍का मारी के धरती पर ढुळै गै। अर यू वु च जु दुनियां का लोगु का दगड़ा मा छल-कपट करदु, भौत पुरणु गुरौ, दुसरो पर दोष लगौण वळु, जैकू शैतान बुले जान्दु।

1 तीमुथियुस 3:16

हम जु बिस्वास करद्‍यां वेकी सच्‍चै भौत गम्भीर च अर ईं बात मा कुई भि सक नि च। किलैकि या बात सच्‍च च कि, यीशु मसीह न मनखि का रुप मा जनम ले, अर उ पवित्र आत्मा का द्‍वारा धरमी ठैरै गै, अर स्वर्गदूतों तैं दिखै, अर हर जगा वेको परचार किये गै। तब ईं दुनियां का लोगु न वे पर बिस्वास कैरी, अर बड़ा आदर-सम्मान का दगड़ा मा उ स्वर्ग मा उठये गै।

मत्ती 25:41

“तब राजा अपणा बैं तरफा वळो कू बोललु, ‘हे असगार लग्यां लोगु, मेरा समणि बटि दूर ह्‍वे जा, अर सदनि की वीं आग मा नास होणु कू चलि जा, ज्वा शैतान अर वेका दूतों खुणि तयार कैरिके रखी च।

मत्ती 16:17

तब यीशु न वेतैं जबाब देई, “हे योना का नौना शमौन, तू धन्य छैई, किलैकि त्वे पर या बात कै मनखि न ना, बल्किन मा स्वर्ग मा रौण वळा मेरा पिता परमेस्वर न परगट कैरी।

इब्रानी 2:17

इलै या बात भि भौत जरुरी छै, कि यीशु मसीह सब बातों मा अपणा भै-बैंणो का जन बणि जौ। अर वेन खुद दुख उठे, अर शैतान का द्‍वारा भकलै भि गै मगर फिर भि उ खरु निकळि अर इन इलै ह्‍वे, ताकि उ लोगु पर दया करण वळु हो अर ऊं खुणि एक वफादार महा पुरोहित बणि जौ। अर एक बगत औण पर वेन खुद तैं बलिदान का रुप मा चड़ै दिनी, ताकि वेका द्‍वारा पिता परमेस्वर लोगु का पापों तैं माफ कैरी सैको। इलै हे मेरा दगड़्यों, ईं बात तैं याद रखा कि यीशु ऊं लोगु की मदद जरुर करलु, जौं तैं शैतान का द्‍वारा भकलयै जान्दु।

इब्रानी 10:5

इलै जब यीशु मसीह ईं दुनियां मा औण वळु छौ, त वेन अपणा बारा मा इन बोलि जन कि पवित्रशास्‍त्र मा भि लिख्यूं च कि, “हे मेरा परमेस्वर, तुमुन बलिदान अर भेंट नि चै, पर तुमुन मि खुणि एक सरील तयार कैरी।

इब्रानी 10:10

अर परमेस्वर की मनसा का मुताबिक यीशु मसीह का सरील तैं एक ही बार हमेसा खुणि बलि चड़ये गै अर इन होण से वेन हमतै पवित्र कैरियाली।

1 पतरस 1:20

अर दुनियां का बणण से पैलि ही पिता परमेस्वर न यीशु मसीह तैं चुण्यालि छौ, ताकि उ दुनियां का लोगु तैं ऊंका पापों से माफी द्‍यो। अर पिता परमेस्वर न यीशु मसीह तैं ये जमना का आखिरी का दिनों मा ईं धरती पर परगट कैरी।