इब्रानी 13:4 - Garhwali

⁴ ब्यौ सब लोगु का बीच मा आदर की बात समझै जौ, अर पति अर पत्‍नी एक-दुसरा खुणि वफादार रा, किलैकि परमेस्वर गळत सम्बन्ध रखण वळा लोगु तैं, अर एक बैख या जनानि पर गळत नजर रखण वळो तैं जरुर दण्ड द्‍यालु।

गढवली नयो नियम

⁴ ब्यो सभियूं मा आदर की बात समझी जौं, अर हमेशा आदिम अर वेकी जनन एक दुसरा का प्रति ईमानदार बणयां रावा; किलैकि पिता परमेश्वर व्यभिचारियों, अर परस्त्रीगामियों कु न्याय करलो।

इब्रानी 13:4 Referans Kwoze

गलातियों 5:19

किलैकि जब मनखि अपणा सरील की इच्छा तैं पूरि करदु त वेका काम साफ-साफ पता लगि जनदिन, जन कि दुसरा बैख या जनानि पर गळत नजर रखण, गन्दा काम करण, हवस,

गलातियों 5:21

अर खार खाण, दरोळया होण, गुलछरा उड़ौण, अर इन्‍नि और भि बात छिन। अर अभि भि मि तुमतै यों सब बातों का बारा मा उन्‍नि चितौणु छौं जन मिन तुमतै पैलि चितै छौ, कि जु लोग इन्द्रया काम करदिन वु परमेस्वर का राज का हकदार नि होला।

1 कुरिन्थि 6:9

हे मेरा भै-बैंणो, धोखा मा नि रा। क्या तुम नि जणद्‍यां इन्द्रया लोग परमेस्वर का राज का वारिस नि होला जन कि, अन्यो करण वळा, गळत सम्बन्ध रखण वळा, मूरत पूजा करण वळा, दुसरि जनानि पर गळत नजर रखण वळा, हवस रखण वळा, अर ना ही वु बैख जु कि कै दुसरा बैख का दगड़ा मा गळत सम्बन्ध रखदिन,

इफिसुस 5:5

किलैकि तुम ईं बात का बारा मा भौत अच्छे से जणद्‍यां, कि गळत सम्बन्ध रखण, अर पवित्र जीवन नि जीण, लालच, यू सब मूरत पूजा करण का बराबर च, अर इन्द्रया लोगु की यीशु मसीह अर पिता परमेस्वर का राज मा कुई जगा नि च।

1 तीमुथियुस 3:12

अर वे सेवक की एक ही घरवळी होण चयेणी, अर उ अपणा बाल-बच्‍चों अर घौर को एक अच्छु इंतजाम करण वळु हो।

1 तीमुथियुस 3:4

अर उ अपणा घौर परिवार को पालन-पोसण ढंगल करदु हो, अर अपणा बाल-बच्‍चों तैं अपणा अनुसासन मा रखदु हो। अर वेका बच्‍चा वेको पूरु आदर-सम्मान करदा हो।

1 कुरिन्थि 7:38

अर ठिक उन्‍नि अगर कुई मनखि अपणी नौनि को ब्यौ करदु, त ठिक ही करदु अर अगर नि करदु त भौत अच्छु करदु।

दिब्य दरस 22:15

मगर नीच काम करण वळा, जादु-टोंणा करण वळा अर गळत सम्बन्ध रखण वळा, हत्या अर मूरत की पूजा करण वळा, अर झूठ्‍ठ बुलण वळा सब नगर से भैर ही राला।

तीतुस 1:6

अर वे अध्यक्ष तैं तभि चुणी के ठैरैये जौ, जब उ निरदोष हो अर वेकी एक ही घरवळी हो। अर वेका बाल-बच्‍चा बिस्वासी हो, अर कै बात तैं नि मनण को दोष ऊं पर नि लग्यूं हो अर ना ही ऊंमा कुई जंगळि सभौ हो।

1 तीमुथियुस 5:14

इलै मेरी इच्छा च, कि जु विधवा ज्वान छिन, वु ब्यौ कैरा अर बच्‍चों तैं जनम देके अपणु-अपणु घौर-बार समाळा। ताकि विरोध करण वळा मनखियों तैं इन्द्रयो कुई सवाल नि मिली सैको।

1 तीमुथियुस 4:3

अर यू लोग ब्यौ नि करण की शिक्षा द्‍याला, अर कुछ खाण वळी चीजों खुणि भि मना करला जौं चीजों तैं परमेस्वर न इलै बणै, ताकि बिस्वास करण वळा अर सच्‍चै तैं जनण वळा धन्यवाद कैरिके खै सैका।

2 कुरिन्थि 5:10

किलैकि हम मा बटि हरेक तैं मसीह का न्याय आसन का समणि हाजिरा होण पोड़लु, ताकि हर मनखि जैन ये सरील मा रै के जन-जन काम कैरी होला, ऊंतैं ऊंका कामों का मुताबिक बदला दिये जौ अब चै वु अच्छा हो या बुरा।

1 कुरिन्थि 9:5

क्या हमरु यू हक नि च? कि हम भि कैं बिस्वासी बैंण का दगड़ा मा ब्यौ कैरा अर जख भि जा वींतैं अपणा दगड़ा मा लि जा, जन कि और खास चेलों न, अर प्रभु का भैयों न अर पतरस न भि कैरी।

1 तीमुथियुस 3:2

इलै एक अध्यक्ष इन जीवन ज्यो कि कुई भि वे पर दोष नि लगै सैको, अर वेकी एक ही घरवळी हो अर उ अपणा सरील तैं अपणा काबू मा रखण वळो हो, अर उ लोगु का दगड़ा मा अच्छु बरतौ कैरो। अर लोग वेको आदर-सम्मान कैरा, अर उ एक अच्छु जीवन ज्यो, अर उ मैमानदारी निभौण मा भि खूब हो, अर अच्छी शिक्षा देण वळो भि हो।

इब्रानी 12:16

अर कखि इन नि हो कि तुम लोगु मा बटि कुई भि कै का दगड़ा मा गळत सम्बन्ध रखण वळु ह्‍वे जौ। अर ना ही तुम मा बटि कुई एसाव का जन हो, जैन पवित्र चीजों की कदर नि कैरी, अर एक बगत का खाण का बदला मा वेन अपणु बड़ु नौनु होण को हक अपणा छुटा भै याकूब तैं ही बेचि दिनी।

1 कुरिन्थि 6:18

इलै हे मेरा भै-बैंणो, एक-दुसरा का दगड़ा मा गळत सम्बन्ध रखण से भागा, किलैकि दुसरा पाप मनखि का सरील तैं नुकसान नि पौंछन्दिन, मगर जु लोग गळत सम्बन्ध रखण मा लग्यां रौनदिन, वु अपणा सरील का खिलाप मा पाप करदिन।

1 थिस्सलुनीकी 4:6

इलै तुम मा बटि कुई भि कै बिस्वासी भै या बैंण तैं, अपणी बातों मा फंसै के गळत सम्बन्ध रखण को पाप नि कैरो। किलैकि हमुन तुमतै पैलि ही चितैयाली छौ, कि जु कुई भि इन पाप करदु उ प्रभु बटि दण्ड पालु।