इब्रानी 13:15 - Garhwali

¹⁵ इलै हम यीशु मसीह का द्‍वारा हमेसा पिता परमेस्वर की भक्‍ति कैरा अर वेतैं स्वीकार कैरा।

गढवली नयो नियम

¹⁵ इलै हम यीशु का द्वारा अपड़ा होंठों बट्टी पिता परमेश्वर की स्तुति करदी रां य ही वेको हमारो बलिदान च।

इब्रानी 13:15 Referans Kwoze

रोमियों 12:1

इलै हे मेरा प्यारा भै-बैंणो, जब बटि पिता परमेस्वर न अपणी बड़ी दया तुम पर कैरी, अर मि तुम से बिन्ती करदु, कि तुम सभ्या का सभि भलै का कामों खुणि अपणा-अपणा जीवनों तैं एक बलिदान का रुप मा वे खुणि चड़ै द्‍या, अर वेकी महान सेवा खुणि खुद तैं दे द्‍या। अर या ही बात तुम खुणि सच्‍चि पूजा का जन च ज्वा की तुमतै करण चयेणी।

1 पतरस 2:5

त तुम भि वे ज्यून्दा ढुंगा का जन आत्मिक घौर बणि जन्द्‍यां। अर यू काम इलै किये जान्दु, ताकि तुम पवित्र पुरोहितों को एक दल बणि जा, अर यीशु मसीह का द्‍वारा पिता परमेस्वर खुणि इन आत्मिक बलिदान चड़ा जु कि वेतैं स्वीकार हो।

मत्ती 11:25

अर वे ही बगत यीशु न पिता परमेस्वर बटि प्रार्थना कैरिके बोलि, “हे मेरा पिता, स्वर्ग अर धरती का प्रभु, मि तुमरो धन्यवाद करदु, कि यू सब बात तुमुन समझदारों अर अकलमन्दो बटि छिपै, अर ऊं लोगु पर परगट कैरी जु बच्‍चों का जन छिन।

1 पतरस 4:11

जैतैं उपदेस देण को बरदान मिल्यूं च, उ इन बोलो जन कि पिता परमेस्वर का शब्द हो। अर जैतैं सेवा करण को बरदान मिल्यूं च, वेतैं पिता परमेस्वर की दिईं ताकत से सेवा करण चयेणी, ताकि हरेक बात मा यीशु मसीह का द्‍वारा पिता परमेस्वर की बडै हो। हाँ, सब बातों मा पूरु आदर-सम्मान सदनि तक वेतैं ही मिलु। आमीन।

इफिसुस 2:18

अर यीशु मसीह का द्‍वारा ही हम दुई दल का लोग, एक ही पवित्र आत्मा का द्‍वारा पिता का समणि जै सकद्‍यां।

इब्रानी 7:25

अर जु लोग वे पर बिस्वास करदिन वु ऊंतैं पिता परमेस्वर का पास लेके जान्दु अर ऊंतैं बचौण की ताकत रखदु, किलैकि वु ऊं सभ्यों खुणि हमेसा पिता परमेस्वर से बिन्ती करण वळु एक बिचलु च।

कुलुसी 1:12

अर पिता परमेस्वर को धन्यवाद कना रा, किलैकि वेन तुमतै उज्याळा का राज मा अपणा पवित्र लोगु का दगड़ा मा रौण अर वारिस होण का लैख बणै।

रोमियों 6:19

अर पिता परमेस्वर की बात तुमरा समझ से भैर छिन, इलै मि तुमतै या बात बतौण चान्दु, कि पैलि तुमुन खुद तैं ईं दुनियां का गळत कामों अर वेका विचारों खुणि खुद तैं वेका सुपुर्द कैरिके रख्युं छौ इलै तुम वेका गुलाम बणि गै छा। मगर अब मि तुम से बिन्ती करदु कि तुम परमेस्वर की सच्‍चै खुणि खुद तैं वेका सुपुर्द कैरी द्‍या, ताकि तुम वेका सेवक बणि के पवित्र लोग बणि सैका।

यूहन्ना 10:9

द्‍वार मि ही छौं अर जु कुई मेरा द्‍वारा भितर परवेस करदु, उ बचयै जालु। अर उ भैर-भितर औणु-जाणु रालु अर वेतैं चारो मिललु।

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

लूका 10:21

अर उबरि यीशु पवित्र आत्मा बटि खुश ह्‍वेके बोन्‍न लगि गै, “हे मेरा पिता, स्वर्ग अर धरती का प्रभु, मि तुमरो धन्यवाद करदु, हाँ पिता किलैकि तुमतै यू ही अच्छु लगि, कि यू सब बात समझदारों अर अकलमन्दो बटि छिपै जौ, अर ऊं लोगु पर परगट किये जौ जु बच्‍चों का जन छिन।

इब्रानी 12:28

इलै अब जब हम इन्द्रया राज तैं पौण वळा छां, जु कभि भि हिली नि सकदु, त आ, हम परमेस्वर को धन्यवाद कैरा अर वेकी बातों तैं माणा अर वेको आदर-सम्मान कैरा, अर परमेस्वर की इन सेवा कैरा ज्यां से वु खुश ह्‍वे जौ।