इब्रानी 13:10 - Garhwali

¹⁰ सुणा, जब यहूदी धरम का पुरोहित पवित्र तम्बू मा बलिदान चड़ौन्दा छा, त वु वेमा बटि कुछ खै सकदा छा, मगर यीशु मसीह एक बलिदान का रुप मा ऐ अर वेन अपणी दया हम पर कैरी। अर या दया ऊं पुरोहितों खुणि ना, बल्किन मा हम बिस्वासी लोगु खुणि च।

गढवली नयो नियम

¹⁰ जु याजक यहूदी रीति-रिवाजों का अनुसार पिता परमेश्वर की सेवा करदींनि, ऊं तैं यीशु द्वारा करयां बलिदान बट्टी कुई फैदा नि मिल्द जु मिलाप वला तम्बू की सेवा करदींनि; पर हम तैं फैदा मिल्दो च।

इब्रानी 13:10 Referans Kwoze

1 कुरिन्थि 10:20

मेरु बोन्‍न को मतलब यू च कि जु कुछ भि मूरतों का अगनै चड़ये जान्दु उ ज्यून्दा पिता परमेस्वर खुणि ना, बल्किन मा उ सब कुछ ऊं दूतों खुणि चड़ये जान्दु जु शैतान का छिन। अर मि इन चान्दु कि तुम लोग बुरी आत्माओं का दगड़ा मा सामिल नि ह्‍वा।

1 कुरिन्थि 9:13

अर क्या तुम नि जणद्‍यां, कि जु लोग मन्दिर मा सेवा करदिन, ऊ मन्दिर का खाणुक तैं भि खनदिन, अर जु वेदी का पास सेवा करदिन वु वेदी मा चड़ईं भेंट मा बटि खनदिन?

इब्रानी 8:5

अर असली पवित्र जगा स्वर्ग मा च अर ईं धरती का पुरोहित जख सेवा करदिन वु सिरफ वेको एक नमूना च। इलै जब मूसा रैबर्या ईं धरती पर पवित्र तम्बू तैं बणौण वळु छौ, त तम्बू बणौण से पैलि ही पिता परमेस्वर न वेतैं चितै दिनी कि, “ईं बात को ध्यान रखी कि जु नमूना त्वेतै सीनै पाड़ पर दिखये गै तू तम्बू तैं वेका मुताबिक ही बणै।”