इब्रानी 12:2 - Garhwali

² अर जन एक खिलाड़ी दौड़ मा अपणी नजर जीत की आखिरी रेखा पर टिकै के रखदु, ठिक उन्‍नि हम भि यीशु मसीह पर अपणी नजर रखा, अर वेका पिछनै चला, अर वे बटि सीखा कि हमतै परमेस्वर पर कनकै पूरु बिस्वास बणै के रखण चयेणु। हाँ, किलैकि यीशु न वीं खुशी तैं ज्वा कि वेतैं मिलण वळी छै, वींका समणि क्रूस को दुख अर होण वळी बेजती तैं कुछ भि नि समझि, अर अब वु परमेस्वर की राजगद्‍दी की दैंणी तरफा बड़ा आदर-सम्मान का साथ बैठयूं च।

गढवली नयो नियम

² अर विश्वास का बनांण वला पिता परमेश्वर अर सिद्ध कन वला प्रभु यीशु की तरपां दिखदी रा; जैल उ आनन्द जु वेका भविष्य कु रख्युं छो, बेजती की कुछ चिन्ता नि कैरी, अर सूली को दुःख सै; अर उ इलै मोरि कि स्वर्ग मा महिमामय पिता परमेश्वर का दैंणा विराजमान हवे जु।

इब्रानी 12:2 Referans Kwoze

1 पतरस 3:18

हे मेरा भै-बैंणो, यीशु मसीह जु कि एक धरमी मनखि छौ, वेन सब अधरमी लोगु का पापों का खातिर एक बार ही दुख उठे। अर यू सब वेन इलै कैरी, ताकि उ तुम लोगु तैं पिता परमेस्वर का नजदीक लेके ऐ सैको। हालांकि, यीशु का सरील तैं नास किये गै, मगर वे बगत मा वेन कैद होईं आत्माओं का बीच मा भि जैके परचार कैरी। अर पिता परमेस्वर न अपणी आत्मा की ताकत से यीशु तैं मुरदो मा बटि ज्यून्द कैरी।

इब्रानी 1:3

अर परमेस्वर को पुत्र अपणा पिता की अदभुत महानता तैं परगट करदु, अर उ हमतै ठिक उन्‍नि दिखेन्दु जन कि परमेस्वर खुद च। अर परमेस्वर को पुत्र सब चीजों तैं अपणा वचन की ताकत से समळ्दु। अर लोगु तैं ऊंका पापों से शुद्ध करण की बात तैं परमेस्वर का पुत्र न पूरु कैरी, अर वेका बाद उ बड़ा आदर-सम्मान से सबसे महान परमेस्वर का दैंणा हाथ की तरफा जैके बैठि गै।

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

फिलिप्पी 1:6

अर मितैं ईं बात पर पूरु यकीन च कि जै परमेस्वर न तुमरा भितर अच्छा काम की शुरुवात कैरी, उई तब तक तुमरा भितर काम कनु रालु जब तक यीशु मसीह को वापस औण को दिन ऐ नि जौ।

इब्रानी 9:28

ठिक उन्‍नि यीशु मसीह भि भौत सा लोगु का पापों तैं उठौणु खुणि एक ही बार बलिदान ह्‍वे। पर जब उ फिर से वापस आलु त उ मनखि का पापों तैं माफ करणु खुणि ना, बल्किन मा ऊंतैं छुटकारा देणु खुणि आलु जु कि वेको इंतजार कना छिन।

यूहन्ना 6:40

किलैकि मेरा पिता की मनसा या च, कि जु पुत्र तैं दिखदु अर वे पर बिस्वास करदु, उ सदनि को जीवन पौ अर मि वेतैं आखिरी का दिन मा ज्यून्दु कैरी द्‍यूं।”

1 पतरस 3:22

अर अब वु स्वर्ग मा जैके परमेस्वर की दैंणी तरफा बैठयूं च, अर सब स्वर्गदूत अर अधिकार अर ताकत वेका अधीन मा ही छिन।

खास चेलों 5:31

अर वेतैं ही परमेस्वर न प्रभु अर छुटकारु देण वळु ठैरै, अर अपणा दैंणा हाथ की तरफा बैठे के सबसे ऊँची जगा दिनी, ताकि वेका द्‍वारा इस्राएली अर सब लोगु तैं अपणा-अपणा जीवनों तैं बदळणों को, अर पापों से माफी पौण को अवसर मिली सैको।

लूका 24:26

क्या यू जरुरी नि छौ कि मसीह ये दुख तैं उठौ अर अपणा आदर-सम्मान तैं पौ?”

यहूदा 1:21

खुद तैं पिता परमेस्वर का प्यार मा और भि जादा मजबूत बणै के रखा। अर सदनि का जीवन तैं पौणु खुणि हमरा प्रभु यीशु मसीह की दया को इंतजार कैरा।

इब्रानी 8:1

हे मेरा दगड़्यों, हमरि यों सब बातों को मतलब यू च कि हमरु यीशु मसीह एक इन्द्रयो महा पुरोहित च, जु कि स्वर्ग मा सबसे महान परमेस्वर की राजगद्‍दी की दैंणी तरफा बैठयूं च।

2 तीमुथियुस 4:8

अर अब जीत को इनाम मि खुणि रख्युं च, अर वु इनाम परमेस्वर की नजर मा धरमी जीवन जीण वळो तैं मिलदु, जु कि स्वर्ग मा च। अर जब हमरु धरमी प्रभु न्याय करणु खुणि आलु, त उ मितैं इनाम का तौर पर जीत को मुकुट द्‍यालु अर सिरफ मितैं ही ना, बल्किन मा ऊं लोगु तैं भि द्‍यालु जु वेका इंतजार बड़ी आस लगै के कना छिन।

फिलिप्पी 3:20

मगर हम त स्वर्ग का नागरिक छां, जख बटि हम लोगु तैं छुटकारा देण वळा प्रभु यीशु मसीह को वापिस औण को इंतजार बड़ी खुशी से कना छां।

मरकुस 14:36

अर वेन इन भि बोलि, “अब्बा, मेरा पिता, तुम बटि त सब कुछ ह्‍वे सकदु, इलै दुख का ये बगत तैं मेरा समणि बटि हटै द्‍या, तभि भि जन मि चान्दु उन ना, पर जन तुमरि मनसा च ठिक उन्‍नि हो।”

दिब्य दरस 2:8

अर येका बाद यीशु न मिकू इन बोलि कि, “स्मुरना नगर मा रौण वळा बिस्वासी समुदाय का दूत खुणि इन लिख कि: “यीशु जु कि पैलु अर आखिरी च, जु मोरि गै छौ मगर अब ज्यून्दु च उ इन बुल्दु कि:

इब्रानी 13:13

इलै आ, हम पुरणि बातों तैं छोड़ि के यीशु मसीह का पास ऐ जां, अब चै हमरि बेजती ही किलै नि हो।

इब्रानी 5:9

अर दुख-तकलीफो तैं झिलण पर भि उ खरु निकळि। अर जथगा भि लोग यीशु मसीह की आज्ञा को पालन करदिन वु ऊं सब लोगु खुणि सदनि तक बचयै जाण की वजा बणि गै।

यूहन्ना 13:3

अर यीशु न यू जाण्यालि छौ, कि पिता न सब कुछ मेरा हाथ मा सौंप्याली, अर मि परमेस्वर की तरफा बटि अयूं छौं, अर अब फिर से परमेस्वर का पास जाण वळु छौं।

लूका 17:5

तब खास चेलों न प्रभु कू बोलि, “गुरुजी, हमरु बिस्वास कनकै बढी सकदु?”

मरकुस 9:24

अर नौना का बुबा न तुरन्त ऊँची आवाज मा बोलि, “गुरुजी, मि बिस्वास करदु, अर मेरु बिस्वास और जादा मजबूत हो या खुणि मेरी मदद कैरा।”

इब्रानी 12:3

हाँ, वे ही यीशु मसीह पर अपणी नजर रखा जैन पापि लोगु की बुरी-बुरी बातों तैं सै, इलै तुम ईं बात पर विचार कैरा, ज्यां से तुम परमेस्वर पर बिस्वास करण मा कभि भि निरास नि ह्‍वा।

इफिसुस 2:16

अर एक सरील का रुप मा, यीशु मसीह न क्रूस पर अपणी जान दे दिनी, अर वेका द्‍वारा दुई दल का लोगु का बीच की दुसमनी खतम ह्‍वे गै। अर इन कैरिके वेन दुई दल का लोगु को मेल-जोल परमेस्वर का दगड़ा मा करै दिनी।

खास चेलों 5:41

अर यीशु मसीह का खातिर दुख सौणु का लैख परमेस्वर न ऊंतैं समझि, इलै खास चेला न्याय समिति का लोगु का समणि बटि आनन्द मणौन्द-मणौन्द चलि गैनी।

यूहन्ना 12:32

अर जब मि ईं धरती मा बटि ऊँचा पर चड़ये जौलु, तब मि सभि लोगु तैं अफ जनै खैंचुलु।”

1 पतरस 1:11

अर परमेस्वर का ऊं रैबर्यों मा मसीह को आत्मा छौ, जु कि यीशु मसीह का दुख-तकलीफो का बार मा पैलि बटि ऊंतैं बतौणु छौ। अर परमेस्वर का ऊं रैबर्यों न इन जनण की पूरि कोसिस कैरी, कि मसीह को आत्मा ऊंतैं क्या-क्या दिखौणु च, अर ऊंन सब बातों तैं जनण कि कोसिस कैरी, कि ऊ सब दुनियां मा कब अर कनकै होलि।

इब्रानी 10:14

किलैकि वेन एक ही बलिदान चड़ै के ऊं लोग तैं पवित्र कैरी जु कि वेकी सेवा खुणि अलग कैरिके रख्यां छा।

यूहन्ना 12:24

अर मि तुम बटि सच्‍चि ही बोन्‍नु, जबरि तक ग्यूँ को बीज माटा मा पोड़ि के मोरि नि जान्दु, तबरि तक उ इखुली ही रौन्दु पर जब उ मोरि जान्दु त भौत सरा फल लान्दु च।

यूहन्ना 8:56

तुमरो बुबा अब्राहम मेरु दिन दिखणे की आस मा भौत खुश छौ। अर वेन देखि अर खुशी मणै।”

यूहन्ना 1:29

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

लूका 23:11

तब हेरोदेस अन्तिपास न भि अपणा सिपयों का दगड़ा मा यीशु को अपमान कैरिके वेको मजाक उड़ै, अर चटकिलु कपड़ा पैरै के वेतैं पिलातुस का पास वापिस भेजि दिनी।

मत्ती 20:28

तुमतै मनखि का पुत्र जन होण चयेणु, किलैकि उ अपणी खातिरदारि करौणु खुणि नि ऐ, बल्किन मा इलै ऐ कि खुद दुसरा लोगु की सेवा कैरो, अर भौत सा लोगु तैं ऊंका पापों से आजादी दिलौणु खुणि अपणी जान दे द्‍यो।”

मत्ती 16:21

अर वे बगत बटि यीशु अपणा चेलों तैं बतौण लगि गै कि, “मेरु यरूशलेम नगर कू जाण जरुरी च, अर उख मि अध्यक्षों, मुख्य पुरोहितों अर शास्‍त्री लोगु का द्‍वारा भौत दुख उठौलु अर ऊ मितैं मरवै द्‍याला, अर मि तिसरा दिन मुरदो मा बटि ज्यून्दु ह्‍वे जौलु।”

दिब्य दरस 1:17

अर जब मिन यीशु तैं देखि, त मि वेका खुटों मा मुरदो की तरौं पोड़ि ग्यों। तब वेन अपणु दैंणु हाथ मि पर रखी अर बोलि कि, “डौऽर ना, पैलु अर आखिरी मि ही छौं,

दिब्य दरस 1:11

“जु कुछ त्वेतै दिख्यौणु च, वेतैं किताब मा लिखी के सात नगरों का बिस्वासी समुदाय का लोगु का पास भेज दे, याने कि इफिसुस, स्मुरना, पिरगमुन, थुआतीरा, सरदीस, फिलदिलफिया, अर लौदीकिया नगरों का बिस्वासी समुदाय का लोगु का पास।”

इब्रानी 1:13

अर परमेस्वर न कभि कै स्वर्गदूत कू नि बोलि कि, “मेरी दैंणी तरफा बैठ, जबरि तक कि मि तेरा दुसमनों तैं हरै के तेरा अधीन मा नि कैरी द्‍यूं।”

खास चेलों 2:36

“इलै हे इस्राएल का सब लोगु, तुम हर हाल मा ईं बात तैं जाणि ल्या, कि जै यीशु तैं तुमुन क्रूस पर चड़ै, परमेस्वर न वेतैं ही प्रभु अर मसीह ठैरै।”

मरकुस 9:12

वेन ऊंतैं जबाब दिनी, “एलिय्याह सच्‍चि मा पैलि ऐके सब कुछ फिर से ठिक करलु, मगर मनखि का पुत्र का बारा मा इन किलै लिख्यूं च कि, वेतैं भौत दुख झिलण पोड़लु, अर वेको तिरिस्कार किये जालु?

दिब्य दरस 1:8

सर्वसक्‍तिमान प्रभु परमेस्वर इन बुल्दु कि, “मि ही पैलु अर आखिरी छौं।” सभ्यों को मालिक मि ही छौं मि पैलि बटि छौ, आज भि छौं अर मि ही जल्द औण वळु छौं।

इब्रानी 11:36

अर बिस्वास करण वळा कुछ लोगु को मजाक उड़ये गै, अर कुछ लोगु तैं कोड़ा मरे गैनी, इख तक कि कुछो तैं संगुळों मा बान्धि के जेलखाना मा भि बन्द किये गै।

इब्रानी 10:33

अर कभि-कभि त तुमतै सतौ सौण पोड़ि अर सभ्यों का समणि तुमरो अपमान किये गै, अर कभि-कभि त तुमुन ऊं लोगु खुणि बड़ी चिन्ता दिखै जौं का दगड़ा मा तुम जन ही बरतौ किये गै।

मरकुस 16:19

अर जब प्रभु यीशु ऊंका दगड़ा बात कैरी दिनी वेका बाद उ स्वर्ग मा उठये गै, अर परमेस्वर की दैंणी तरफा आदर-सम्मान वळी जगा मा बैठि गै।

खास चेलों 3:15

अर तुमुन जीवन का दाता तैं मारी दिनी, मगर परमेस्वर न वेतैं मुरदो मा बटि ज्यून्दु कैरी, अर ईं बात का गवा हम छां,

1 कुरिन्थि 1:18

अर या सच्‍चि बात च कि जु लोग नास होण वळा बाटा पर चलणा छिन, ऊ इन सोचदिन कि यीशु मसीह को क्रूस पर मुरण की घटना बेकार च। मगर बचयै जाण वळा लोगु खुणि या परमेस्वर की ताकत च।

1 कुरिन्थि 1:23

मगर हम त क्रूस पर चड़यां यीशु मसीह को परचार करद्‍यां। अर यहूदी लोगु खुणि यू परचार उतेडु़ लगण की वजा च, अर जु लोग यहूदी जाति का नि छिन ऊं खुणि यू बेकार को काम च।

याकूब 2:1

हे मेरा भै-बैंणो, तुम महान प्रभु यीशु मसीह पर बिस्वास करद्‍यां, इलै तुम एक-दुसरा का दगड़ा मा भेदभाव नि कैरा।

मरकुस 15:28

अर तब पवित्रशास्‍त्र को वु वचन पूरु ह्‍वे जु कि इन च कि, “उ अपराधियों का दगड़ा मा गिणै गै।”]