इब्रानी 12:15 - Garhwali

¹⁵ अर बिस्वासी समुदाय मा तुम एक-दुसरा पर ध्यान द्‍या, ताकि तुम लोगु मा बटि कुई भि परमेस्वर कि किरपा पौण से दूर नि ह्‍वे जौ, अर ईं बात पर भि ध्यान द्‍या कि तुम लोगु मा कुई फूट पैदा नि हो, किलैकि इन्दरि बात दिक्‍कत करदी, अर भौत सा लोगु तैं बिगाड़ि देन्दी।

गढवली नयो नियम

¹⁵ अर चौकस रावा, इन नि हो, कि कुई पिता परमेश्वर की दया का बगैर ही रै जौं, इन आदिम जु तुम मा बट्टी भौतों तैं बर्बाद कैरी सकद अर तुम्हरा बीच झगड़ा की जौड़ बंणि सकद, किलैकि उ लुखुं तैं भटकै दयालो अर उ भि बुरा बंणि जाला।

इब्रानी 12:15 Referans Kwoze

इब्रानी 3:12

इलै हे मेरा प्यारा भै-बैंणो, चौकस रा कखि तुमरो मन बुरु अर बिस्वास करण मा कमजोर नि ह्‍वे जौ, किलैकि इन होण पर लोग ज्यून्दा परमेस्वर का पिछनै चलण छोड़ि देन्दिन।

गलातियों 5:4

अर तुम मा बटि जथगा भि लोग नियम-कानूनों को पालन करण का द्‍वारा परमेस्वर की नजर मा धरमी होण की कोसिस कना छिन, अर यीशु मसीह पर बिस्वास नि करदिन त मि तुमतै बतै देन्दु कि तुम सब वेसे अर परमेस्वर की किरपा से भि दूर ह्‍वे ग्यां।

2 कुरिन्थि 6:1

इलै हे मेरा दगड़्यों, हम लोग परमेस्वर का दगड़ा मा मिली के काम करद्‍यां। अर मि तुमतै समझै देन्दु कि परमेस्वर की महान किरपा तैं पौण का बाद अब वेकी किरपा तैं बेकार नि जाण द्‍या,

2 यूहन्ना 1:8

अर जै काम खुणि हमुन मेनत कैरी, कखि तुम वेतैं हरचै नि द्‍या, इलै अपणा जीवनों खुणि चेतन रा, ताकि तुमतै वेको इनाम मिली सैको।

1 कुरिन्थि 15:33

इलै तुम धोखा मा नि रयां किलैकि, “कुसंगति को संग नि करण अर डुण्डी लखड़ी कन्ध नि धरण।”

2 पतरस 3:14

इलै हे मेरा प्यारा भै-बैंणो, जब तुम यों सब बातों को इंतजार करणा छाँ, त इन कोसिस भि कैरा कि तुम शान्त सभौ रखी के प्रभु का समणि निरदोष अर बेदाग निकळा।

इब्रानी 4:1

हे मेरा भै-बैंणो सुणा, पिता परमेस्वर न अपणा लोगु तैं आराम की जगा मा दाखिल होण को जु करार कैरी वु अभि तक बणयूं च। इलै हमतै ईं बात तैं ध्यान मा रखण चयेणु, कि हम मा बटि कुई भि ये करार से दूर नि ह्‍वे जौ।

1 कुरिन्थि 5:6

अर तुमतै क्या लगदु, कि बड़ु मोन कन ठिक बात च? अर क्या तुम नि जणद्‍यां कि, “अगर थुडु सा खमीर तैं आटा मा मिल्ये जौ, त उ पूरा गुन्द्‍यां आटा तैं खमीर बणै देन्दु।”

इब्रानी 4:11

इलै आ, अब हम भि वे आराम की जगा मा दाखिल होण की पूरि कोसिस कैरा, कखि इन नि हो कि हम भि ऊं लोगु कि तरौं आज्ञा नि मनण की वजै से वेसे भैर ह्‍वे जां।

2 कुरिन्थि 13:5

इलै हे मेरा दगड़्यों, अपणी-अपणी जाँच-पड़ताल कैरा कि तुम बिस्वास मा छैं भि छाँ कि ना, अर आज तुम क्या छाँ वांको सबूत द्‍या। क्या तुमतै इन पता नि च कि यीशु मसीह तुमरा दगड़ा मा एक ह्‍वेके रौन्दु? अर अगर वु तुम मा नि च, त येको मतलब यू च कि तुम मा खोट च।

1 कुरिन्थि 10:12

अर जु मनखि इन सुचदु कि मि अपणा बिस्वास मा मजबूत छौं, त वेतैं बड़ी साबधानी से अपणा बिस्वास मा और भि जादा मजबूत होण चयेणु, ताकि उ बिस्वास मा डगमगै नि जौ।

इब्रानी 6:11

पर हमरि या ही मनसा च कि तुम मा बटि हरेक मनखि आखिरी तक पूरि कोसिस कनु रौ, ताकि जौं बातों की तुमुन आस रखी ऊ पूरि ह्‍वे जौ।

2 पतरस 2:18

अर झूठ्‍ठा लोग बेकार कि बात करदिन, अर अपणा गन्दा कामों का द्‍वारा दुसरा लोगु तैं सरील की बुरी इच्छा मा फंसै देन्दिन। अर अभि-अभि जु लोग सच्‍चै का बाटा पर चलण लगि गै छा, यू ऊंतैं फिर से भटके देन्दिन।

कुलुसी 3:5

इलै तुम दुनियां कि ऊं बातों खुणि अपणा पापि सभौ तैं खतम कैरी द्‍या जु कि पाप करौन्दिन, जन कि सरील का गळत सम्बन्ध रखण, अशुद्धता, हवस, बुरी इच्छा, अर लालच करण जु कि मूरत पूजा का बराबर च।

इफिसुस 5:3

अर तुम लोगु का बीच मा गळत सम्बन्ध रखण, कै भि किसम का गन्दा काम करण या लालच करण बिल्कुल भि नि होण चयेणी, किलैकि पिता परमेस्वर न तुमतै पवित्र होण खुणि बुलयूं च, इलै तुमरो सभौ पवित्र हो।

गलातियों 2:13

अर कैफा भै का देखा-देखि और यहूदी लोगु न भि इन दिखौण शुरु कैर दिनी, इख तक की बरनबास भै भि उन्‍नि करण लगि गै छौ।

1 कुरिन्थि 13:8

प्यार कभि खतम नि होन्दु, मगर भविष्यबाणी करण को बरदान चलि जालु। अर उन्‍नि अलग-अलग भाषा बोन्‍न को बरदान भि चलि जालु। अर चै कै मनखि का पास भौत ज्ञान च, त वु चलि जालु, मगर प्यार कभि भि खतम नि होलु।

2 पतरस 3:11

अर जब यू सब कुछ इन कैरिके नास होण वळु च, त तुम सोचा तुमरो चाल चलण कन होण चयेणु? अरे तुमतै त पवित्र चाल-चलन रखण चयेणु, अर परमेस्वर की भक्‍ति का काम करण वळु मनखि बणण चयेणु।

2 पतरस 1:10

इलै हे मेरा भै-बैंणो, इन साबित करणु खुणि तुम लोग कड़ी मेनत कैरा, कि तुम सच्‍चि मा वीं इच्छा मदि छाँ, जौं तैं पिता परमेस्वर न बुलै के चुण्यालि। अर वु काम कैरा ज्यां से वु खुश होन्दु, अर अगर जु तुम इन करिल्या त तुम कै पाप अर इळजाम मा नि फसिल्यां।

लूका 22:32

पर मिन त्वे खुणि बिन्ती कैरियाली कि तेरु बिस्वास खतम नि हो, अर जब त्वेतै चेत आली, तब तू अपणा भैयों का बिस्वास तैं मजबूत करली।”

तीतुस 1:15

अर जौं को मन शुद्ध च इन्द्रया लोगु खुणि सब कुछ शुद्ध च, पर जौं लोगु का मन मा बुरै भुरीं च अर जु बिस्वास नि करदिन ऊं खुणि कुछ भि शुद्ध नि च। अर ऊं लोगु की अकल अर मन इन बिगाड़ि गै, अर ऊंतैं इन पता नि च कि क्या जि सही च अर क्या जि गळत।