इब्रानी 12:10 - Garhwali

¹⁰ किलैकि ईं दुनियां का ब्वे-बाब कुछ बगत खुणि ही अपणी समझ का मुताबिक अनुसासन सिखौन्दिन, मगर परमेस्वर हमरि भलै खुणि ही हमतै अनुसासन मा रौण सिखौन्दु, ताकि हम वेका जन पवित्र ह्‍वे जां।

गढवली नयो नियम

¹⁰ हमारो दुनयावी बुबा त अच्छो कै जंणद कि कन के थोड़ा दिनों कु ही हम तैं डंटण, पर पिता परमेश्वर हमारी भलै कु ही हम तैं अनुशासित करद, कि हम वे जन पवित्र बंणि जां।

इब्रानी 12:10 Referans Kwoze

2 पतरस 1:4

अर वे आदर-सम्मान अर वीं अच्छी भावना का मुताबिक ही वेन हमतै कीमती अर अच्छा दान-बरदान दियां छिन, ताकि ये बरदान का द्‍वारा हम दुनियां मा होण वळा गळत सम्बन्ध रखण से, अर गन्दा काम करण से बचि जा, अर पिता परमेस्वर का सभौ का जन चलि सैका।

तीतुस 2:14

अर हम त धरमी लोग नि छा, मगर वेन हमरा खातिर अफ तैं बलिदान होणु खुणि दे दिनी, अर वेन ही हमतै बुरा कामों बटि छुटकारु देके शुद्ध कैरी, ताकि हम वेका खास लोग बणि जां, अर भला काम करणु खुणि हमेसा तयार रा।

कुलुसी 1:22

मगर यीशु मसीह न अपणा सरील मा जिं मौत तैं सै, वेका द्‍वारा पिता परमेस्वर न तुमरो मेल-जोल अफ दगड़ा मा कैरियाली। अर अब वु तुमतै अपणा समणि पवित्र अर बेदाग, अर बिना गळती को खड़ु होयुं दिखण चाणु च।

इफिसुस 4:24

अर अपणा ये नया सभौ का मुताबिक परमेस्वर की नजर मा एक सच्‍चु धरमी अर पवित्र जीवन जीण वळु बणा।

1 पतरस 2:9

पर तुम लोग परमेस्वर का द्‍वारा चुण्यां वंशज छाँ, अर राजा खुणि खास पवित्र पुरोहितों को समाज, जौं पर पिता परमेस्वर को अधिकार च। अर पिता परमेस्वर न ही तुमतै अन्धेरा मा बटि निकळि के अपणा महान उज्याळा मा बुलै, इलै अब तुम वेका कामों का बारा मा वेकी तारीफ कैरा।

1 पतरस 2:5

त तुम भि वे ज्यून्दा ढुंगा का जन आत्मिक घौर बणि जन्द्‍यां। अर यू काम इलै किये जान्दु, ताकि तुम पवित्र पुरोहितों को एक दल बणि जा, अर यीशु मसीह का द्‍वारा पिता परमेस्वर खुणि इन आत्मिक बलिदान चड़ा जु कि वेतैं स्वीकार हो।

इब्रानी 12:14

अब तुम सब लोगु का दगड़ा मा मेल-जोल बणै के रखा अर पवित्र ह्‍वे जा, किलैकि वु लोग ही प्रभु तैं देख सकदिन जु पवित्र छिन।