इब्रानी 11:6 - Garhwali

⁶ अर बिस्वास का बगैर परमेस्वर तैं खुश करण नामुमकिन च, किलैकि जु परमेस्वर का पास औन्दु, वेतैं इन बिस्वास करण जरुरी च कि परमेस्वर सच्‍चि मा च अर वु ऊं लोगु तैं इनाम देन्दु जु पूरि तरौं से वेतैं खुज्यौदिन।

गढवली नयो नियम

⁶ अर पिता परमेश्वर पर विश्वास कैरी के ही हम वे तैं खुश कैरी सकदा, किलैकि पिता परमेश्वर का संमणी आंण वला तैं वे पर विश्वास कन चयणु च, कि उ छै च; अर उ जु वे तैं सचै का दगड़ी खुजदींनि, उ, ऊं तैं ऊंको प्रतिफल दयालो।

इब्रानी 11:6 Referans Kwoze

मत्ती 6:33

इलै पैलि तुम परमेस्वर का राज की खोज कैरा, अर धरमी जीवन जीणु खुणि पूरि कोसिस कैरा, त यू सब चीज तुमतै मिली जालि।

लूका 12:31

पर पैलि परमेस्वर का राज की खोज कैरा, तब यू सब चीज भि तुमतै मिली जालि।”

इब्रानी 7:25

अर जु लोग वे पर बिस्वास करदिन वु ऊंतैं पिता परमेस्वर का पास लेके जान्दु अर ऊंतैं बचौण की ताकत रखदु, किलैकि वु ऊं सभ्यों खुणि हमेसा पिता परमेस्वर से बिन्ती करण वळु एक बिचलु च।

रोमियों 10:14

पर यों सब बातों खुणि लोग पिता परमेस्वर से मदद मांगा, त ऊंतैं यीशु मसीह पर बिस्वास करण पोड़लु। अर लोग यीशु पर बिस्वास तभि कैरी सकदिन जब ऊ वेका बारा मा सुणला। अर यीशु मसीह का बारा मा लोग तभि सुणी सकदिन, जब कुई मनखि ऊंतैं वेका बारा मा बतालु।

इब्रानी 3:12

इलै हे मेरा प्यारा भै-बैंणो, चौकस रा कखि तुमरो मन बुरु अर बिस्वास करण मा कमजोर नि ह्‍वे जौ, किलैकि इन होण पर लोग ज्यून्दा परमेस्वर का पिछनै चलण छोड़ि देन्दिन।

यूहन्ना 14:6

तब यीशु न वेकू बोलि, “मि ही बाटु, सच्‍चै अर जीवन छौं। अर मेरा बगैर कुई भि पिता का पास नि पौंछी सकदु।

2 पतरस 1:5

इलै सुणा, कि तुम यों सब बातों मा बढण की पूरि कोसिस कैरा। याने कि तुम अपणा बिस्वास मा मजबूत, अर अपणा चाल-चलन मा अच्छा होन्दी जा, अर वेका दगड़ा-दगड़ि ज्ञान भि रखा,

इब्रानी 4:6

अर यां को मतलब त यू च कि जौं लोगु तैं शुभ समाचार सुणये गै ऊंन वेतैं नि माणी इलै वु लोग आराम की जगा मा दाखिल नि ह्‍वे सकिनी।

गलातियों 5:6

अर जब हम यीशु मसीह पर बिस्वास करद्‍यां, त वेका बाद खतना का रिवाज तैं पूरु करण या नि करण से कुई फैदा नि च, पर केवल बिस्वास ही च जु कि दुसरा लोगु पर हमरा प्यार की छाप तैं लगौन्दु।

2 पतरस 3:14

इलै हे मेरा प्यारा भै-बैंणो, जब तुम यों सब बातों को इंतजार करणा छाँ, त इन कोसिस भि कैरा कि तुम शान्त सभौ रखी के प्रभु का समणि निरदोष अर बेदाग निकळा।

यूहन्ना 8:24

इलै मिन तुमकु बोलि, कि तुम अपणा पापों की बिना माफी पयां मोरि जैल्या। किलैकि अगर तुम बिस्वास नि करद्‍यां, की मि उई छौं, त फिर तुम अपणा पापों मा मोरि जैल्या।”

2 पतरस 1:10

इलै हे मेरा भै-बैंणो, इन साबित करणु खुणि तुम लोग कड़ी मेनत कैरा, कि तुम सच्‍चि मा वीं इच्छा मदि छाँ, जौं तैं पिता परमेस्वर न बुलै के चुण्यालि। अर वु काम कैरा ज्यां से वु खुश होन्दु, अर अगर जु तुम इन करिल्या त तुम कै पाप अर इळजाम मा नि फसिल्यां।

इब्रानी 4:2

किलैकि हमुन भि ये शुभ समाचार तैं ठिक उन्‍नि सुणी जन हमरा पितरों न सुणी छौ, मगर जु रैबार ऊंन सुणी वामा बटि भौत सा लोगु तैं कुई फैदा नि ह्‍वे, किलैकि ऊंन बिस्वास नि कैरी।

दिब्य दरस 21:8

मगर डऽरपोक अर जु बिस्वास नि करदिन, अर अशुद्ध अर जु घिण वळा काम करदिन, अर कत्ल करण वळा, अर गळत सम्बन्ध बणौण वळा छिन, अर जु लोग जादु-टोंणा अर मूरत पूजा करदिन, अर सब झूठ्‍ठ बोन्‍न वळा लोगु को हिस्सा वीं आग मा होलु, ज्वा की गंधक से जगणी रौन्दी। अर या ही दुसरि मौत च।”

इब्रानी 11:26

किलैकि पितर मूसा न ईं बात तैं स्वीकार कैरियाली छौ, कि अगर जु मसीह का खातिर वेकी बेजती भि ह्‍वे जालि तभि भि वा बेजती मिस्र देस की धन-दौलत से भौत जादा बढी के च। अर इन किलैकि मूसा को ध्यान वे इनाम की तरफा छौ, जु कि आखिरी मा परमेस्वर वेतैं देण वळु छौ।

मरकुस 16:17

अर बिस्वास करण वळा लोगु मा यू चिन्‍न होला, वु मेरा नौ से खबेसों तैं निकळळा, अर नई-नई भाषा बुलला,

लूका 6:35

“पर मि तुम बटि बोन्‍नु छौं, कि अपणा दुसमनों बटि प्यार कैरा, अर ऊंका दगड़ा मा भलै कैरा। अर फिर वापिस मिलणे की आस नि रखी के करज द्‍या। तब तुमतै बड़ु इनाम मिललु, अर तुम सबसे महान परमेस्वर की औलाद बणि जैल्या। किलैकि उ ऐसान नि मनण वळो अर बुरा लोगु पर भि अपणी किरपा करदु।

मत्ती 6:16

अर यीशु न भीड़ का लोगु कू इन भि बोलि कि, “जब तुम उपवास रखिल्या, त ढोंगि लोगु की तरौं तुमरा मुख पर उदासी नि हो, किलैकि ऊ अपणु मुख इन्द्रयो इलै बणै के रखदिन, ताकि लोग समझि जा कि ऊंको उपवास रख्युं च। पर मि तुम बटि सच्‍चि बोन्‍नु छौ, कि लोगु बटि त ऊंतैं आदर-सम्मान मिली गै, मगर पिता परमेस्वर बटि ऊंतैं कुछ इनाम नि मिलण।

मत्ती 6:5

“अर जब तुम प्रार्थना करद्‍यां, त ढोंगि लोगु की तरौं नि कर्यां, किलैकि यू लोग दुसरा लोगु तैं दिखाण का बाना प्रार्थना भवनों मा, अर बजारों का कुणों-काणों पर खड़ु ह्‍वेके प्रार्थना करदिन, अर इन करण ऊंतैं अच्छु लगदु। पर मि तुम बटि सच्‍चि बोन्‍नु छौं, कि ऊंतैं यां को इनाम मिली गै।

मत्ती 5:12

तब तुम आनन्द मणया अर मगन ह्‍वे जयां, किलैकि तुम खुणि स्वर्ग मा बड़ु इनाम रख्युं च। अर जन वु तुमतै सतौणा छिन, ठिक इन्‍नि ऊंन तुम से पैलि परमेस्वर का भौत सा रैबर्यों तैं भि सतै।”

मत्ती 11:26

हाँ पिता किलैकि तुमतै यू ही अच्छु लगि।”