इब्रानी 11:40 - Garhwali

⁴⁰ किलैकि परमेस्वर न ऊं खुणि यीशु मसीह तैं भेजण की योजना पैलि बटि बणै के रखी छै, ताकि हम सब लोग ऊंका दगड़ा मा एक ह्‍वेके रा अर वेका लैख बणि जां।

गढवली नयो नियम

⁴⁰ किलैकि पिता परमेश्वर मा भस ऊंकु, बल्कि हम कु भि एक बढ़िया योजना च; पिता परमेश्वर ऊं तैं भस हम दगड़ी मिल के ही सिद्ध बनांण चांद।

इब्रानी 11:40 Referans Kwoze

दिब्य दरस 6:11

अर ऊंमा बटि हरेक तैं एक सफेद चोळा दिये गै। अर ऊंतैं कुछ देर तक रुकणु कू बुलै गै, जब तक कि ऊंका ही जन दुसरा बिस्वासी भैयों अर सेवकों की गिनती पूरि नि ह्‍वे जौ, जौं की हत्या ऊंकी ही तरौं किये गै।

इब्रानी 8:6

पर हमरा महा पुरोहित यीशु तैं सेवा को जु काम दिये गै वु दुनियां का दुसरा पुरोहितों से जादा बढी के च, किलैकि यीशु वु च जु कि पुरणा करार का मुताबिक परमेस्वर का दगड़ा मा मनखियों खुणि एक अच्छा बिचलु होण को काम करदु। अर यां से इन पता चलदु कि नयू करार पुरणा से जादा अच्छु च।

इब्रानी 9:23

हे मेरा दगड़्यों, इख जु चीज छिन वु स्वर्ग की चीजों को एक नमूना च। अर यों चीजों तैं जानबरों का ल्वे से शुद्ध करण पोड़ि, मगर यू ल्वे स्वर्ग की चीजों तैं पवित्र नि बणै सकदु किलैकि यां खुणि और भि अच्छा बलिदान की जरुरत छै।

इब्रानी 5:9

अर दुख-तकलीफो तैं झिलण पर भि उ खरु निकळि। अर जथगा भि लोग यीशु मसीह की आज्ञा को पालन करदिन वु ऊं सब लोगु खुणि सदनि तक बचयै जाण की वजा बणि गै।

इब्रानी 7:22

अर पिता परमेस्वर न कसम खै के एक नयू करार कैरी अर ये करार को जमानती यीशु मसीह च, इलै यू मूसा रैबर्या का दगड़ा मा कियां करार से जादा अच्छु च।

इब्रानी 11:16

मगर अब वु एक इन जगा पौण की आस रखदिन, जैको नातु स्वर्ग से च इलै परमेस्वर भि ऊंको परमेस्वर होण मा सरम मैसूस नि करदु, किलैकि वेन ऊं खुणि एक नगर तयार कैरिके रख्युं च, अर उ नगर स्वर्ग मा च।