इब्रानी 11:17 - Garhwali

^17-18 अर बिस्वास का द्‍वारा ही पितर अब्राहम की अजमैस का बगत मा उ अपणा नौना इसहाक तैं परमेस्वर खुणि बलि चड़ौणु खुणि तयार छौ। अर भले ही पिता परमेस्वर न पितर अब्राहम बटि करार कैरी छौ कि, “मि इसहाक का द्‍वारा ही तेरु वंश अगनै बढौलु।”

गढवली नयो नियम

¹⁷ विश्वास ही बट्टी अब्राहम ल इसहाक तैं एक बलिदान का रूप मा चढ़ै, जब पिता परमेश्वर वेकी अजमैश लींणु छो, चाहे अब्राहम तैं पिता परमेश्वर का तरपां बट्टी या करार मिली छै, फिर भि उ अपड़ा एकलौता नौंना तैं बलिदान चढ़ौणु कु तैयार छो, जु पिता परमेश्वर का करार तैं पूरो कैरी सकद छो।

इब्रानी 11:17 Referans Kwoze

दिब्य दरस 3:10

किलैकि तुमुन सबर रखी के मेरी बात तैं माणी, इलै अजमैस का वे बगत मा मि भि तुमरि हिफाजत करलु, ज्वा कि धरती का सब लोगु तैं अजमौणु खुणि औण वळी च।

याकूब 5:11

देखा, जु लोग दुख का बगत मा भि सबर रखदिन, ऊंकू हम धन्य बुल्द्‍यां। अर तुमुन अय्यूब का सबर रखण का बारा मा त सुणी ही च, अर आखिरी मा प्रभु न वेतैं क्या कुछ देई वेका बारा मा भि तुम जणदा ही छाँ। अर येसे तुमतै पता चलदु, कि प्रभु कथगा दया करण वळु अर कथगा मयळु च।

1 पतरस 4:12

हे मेरा प्यारा भै-बैंणो, तुमरि अजमैस आग का द्‍वारा तुमतै परखणु खुणि किये जाणि च, पर मि तुमतै बतै देन्दु कि तुम ईं बात पर ताजुब नि कैरा,

2 कुरिन्थि 8:12

अर ईं बात तैं याद रखा, कि अगर जु तुम सच्‍चि मा मदद करण चाणा छाँ, त अपणी-अपणी हैसियत का मुताबिक दे सकद्‍यां, ताकि या बात देखि के पिता परमेस्वर खुश हो। किलैकि पिता परमेस्वर इन इच्छा नि रखदु कि कु मितैं कथगा द्‍यालु, यू त तुमरि गुंजैस का मुताबिक च कि कु कथगा देण चाणु च।

यूहन्ना 3:16

किलैकि परमेस्वर न दुनियां बटि इथगा प्यार कैरी, कि वेन अपणु इकलौतु पुत्र दे दिनी ताकि जु कुई वे पर बिस्वास कैरो, उ नास ना हो बल्किन मा सदनि को जीवन पौ।

इब्रानी 11:13

अर पिता परमेस्वर न जु करार ऊंका दगड़ा मा कैरी वु ऊंका जीवन मा पूरु नि ह्‍वे, मगर एक बगत औण पर वु मोरि गैनी। फिर भि ऊंन बड़ी खुशी से इन स्वीकार कैरी कि, एक दिन वु करार जरुर पूरु होलु। अर ऊंन इन माणी कि हम लोग ईं दुनियां मा मुसाफिर छां, अर हमरु ठिकणा इख कुछ दिनों तक ही च।