इब्रानी 11:16 - Garhwali

¹⁶ मगर अब वु एक इन जगा पौण की आस रखदिन, जैको नातु स्वर्ग से च इलै परमेस्वर भि ऊंको परमेस्वर होण मा सरम मैसूस नि करदु, किलैकि वेन ऊं खुणि एक नगर तयार कैरिके रख्युं च, अर उ नगर स्वर्ग मा च।

गढवली नयो नियम

¹⁶ पर उ एक बढ़िया मतलब स्वर्ग की जांणै की इच्छा च, इलै पिता परमेश्वर तैं ऊंको परमेश्वर कहलांण मा गर्व छो, किलैकि पिता परमेश्वर ल ऊंकु एक नगर तैयार कैरी।

इब्रानी 11:16 Referans Kwoze

इब्रानी 13:14

किलैकि ईं दुनियां मा इन्द्रयो कुई भि नगर नि च जु सदनि तक रालु, बल्किन मा हम वे नगर को इंतजार कना छां, जु स्वर्ग मा च अर सदनि तक रालु।

इब्रानी 11:10

अर अब्राहम बिस्वास रखी के एक इन नगर को इंतजार कनु छौ, जु स्वर्ग मा च जैतैं कुई नास नि कैर सकदु, किलैकि वेतैं रचण अर बणाण वळु खुद परमेस्वर छौ।

फिलिप्पी 3:20

मगर हम त स्वर्ग का नागरिक छां, जख बटि हम लोगु तैं छुटकारा देण वळा प्रभु यीशु मसीह को वापिस औण को इंतजार बड़ी खुशी से कना छां।

यूहन्ना 14:2

अर मेरा पिता का घौर मा भौत सरी जगा च। अगर जु नि होन्दी त मि तुमतै बतै देन्दु। किलैकि मि तुम खुणि जगा तयार करणु कू जाणु छौं।

इब्रानी 2:11

इलै यीशु जौं लोगु तैं पवित्र करदु अर जु लोग वेका द्‍वारा पवित्र किये जाण छिन, दुईयों को एक ही पिता च। अर ईं बात की वजै से ही यीशु ईं दुनियां का लोगु तैं अपणु भै-बैंण बोन्‍न मा झिझक मैसूस नि करदु।

मत्ती 25:34

तब राजा अपणा दैंणी तरफा वळो कू बोललु, ‘मेरा पिता बटि आसीस पौण वळो, आ, अर वे राज्य का अधिकारी ह्‍वे जा, जु दुनियां की शुरुवात बटि तुम खुणि तयार कैरिके रख्युं च।

इब्रानी 12:22

हे मेरा भै-बैंणो, तुम कै इन्दरि जगा पर नि अयां छाँ, बल्किन मा सिय्योन नौ का ढौंडा का पास, ज्यून्द परमेस्वर का नगर याने की स्वर्गीय यरूशलेम का पास अयां छाँ, अर उख इथगा स्वर्गदूत छिन जौं की कुई गिनती नि च, अर वु सब उख आनन्द मणौन्दिन।

इब्रानी 11:14

अर जु लोग अफ तैं ईं धरती मा मुसाफिर बुल्दिन, त या बात साफ ह्‍वे जान्दी कि ऊंतैं कै दुसरा देस की आस च।

2 तीमुथियुस 4:18

अर अब प्रभु मितैं हर बुरै से दूर करलु, अर अपणा स्वर्ग का राज्य मा हिफाजत से लि जालु वेको आदर-सम्मान सदनि तक होणु रौ। आमीन।

मरकुस 8:38

अर कुई मनखि परमेस्वर तैं छोड़ के चलि जान्दु अर ईं पापि पीढ़ी का लोगु का समणि मि बटि अर मेरा वचनों बटि सरमान्दु, त जब मनखि को पुत्र भि अपणा पवित्र स्वर्गदूतों का दगड़ा, अर अपणा पिता की सामर्थ का दगड़ा मा वापस आलु, त उ भि वे मनखि से सरमालु।”

खास चेलों 7:32

‘मूसा, मि तुमरा पितर अब्राहम को परमेस्वर, इसहाक को परमेस्वर, अर याकूब को परमेस्वर छौं।’ तब मूसा परमेस्वर की डौऽर से कौंपण लगि गै, अर वेकी हिम्मत नि ह्‍वे कि वु वेतैं देखि सैको।

लूका 12:32

अर यीशु न ऊंकू बोलि, “हे मेरा छुटा दल, नि डौऽर किलैकि तुमरा पिता तैं यू ही अच्छु लगि कि वु तुमतै स्वर्ग को राज द्‍यो।

मरकुस 12:26

अर अब मि तुमतै मुरदो मा ज्यून्द होण का बारा बतौन्दु, तुमुन मूसा रैबर्या की किताब मा जगदी झाड़ि का दगड़ा मा जु कुछ ह्‍वे, क्या तुमुन वे हिस्सा तैं नि पैढी? जख मा परमेस्वर वेकू बुल्दु कि, “‘मि अब्राहम को परमेस्वर, इसहाक को परमेस्वर अर याकूब को परमेस्वर छौं।’

लूका 20:37

इख तक कि मूसा न भि साफ-साफ बतै दिनी, कि मुरदो तैं भि ज्यून्दु किये जान्दु। अर वेन जगदी झाड़ि का बारा मा लिखी कि, “प्रभु भि इन बुल्दु कि, ‘मि अब्राहम को परमेस्वर, इसहाक को परमेस्वर अर याकूब को परमेस्वर छौं।’

इब्रानी 10:34

अर जु लोग जेलखाना मा कैद छा ऊं खुणि तुमुन बड़ी दया दिखै। अर जब लोगु न तुमरि चीजों तैं अपणा कब्जा मा कैर दिनी त तुमुन खुशी से अपणु नुकसान उठे, किलैकि तुम जणदा छा कि तुमरा पास वेसे भि जादा कीमती च जु की सदनि तक रौण वळु च।

इब्रानी 11:40

किलैकि परमेस्वर न ऊं खुणि यीशु मसीह तैं भेजण की योजना पैलि बटि बणै के रखी छै, ताकि हम सब लोग ऊंका दगड़ा मा एक ह्‍वेके रा अर वेका लैख बणि जां।

दिब्य दरस 21:2

फिर मिन पवित्र नगर, नया यरूशलेम तैं, परमेस्वर की तरफा बटि स्वर्ग बटि मूड़ी उतरद देखि। अर उ इन सज्युं छौ जन कि ब्यौलि अपणा ब्यौला खुणि सजीं रौन्दी।