इब्रानी 11:13 - Garhwali

¹³ अर पिता परमेस्वर न जु करार ऊंका दगड़ा मा कैरी वु ऊंका जीवन मा पूरु नि ह्‍वे, मगर एक बगत औण पर वु मोरि गैनी। फिर भि ऊंन बड़ी खुशी से इन स्वीकार कैरी कि, एक दिन वु करार जरुर पूरु होलु। अर ऊंन इन माणी कि हम लोग ईं दुनियां मा मुसाफिर छां, अर हमरु ठिकणा इख कुछ दिनों तक ही च।

गढवली नयो नियम

¹³ यु सभि लोग जौ ल पिता परमेश्वर पर विश्वास कैरी, वीं चीज तैं बगैर पयां ही मोरि गैनी, ज्यांको वादा पिता परमेश्वर ल कैरी; पर ऊं तैं दूर बट्टी देखि के खुश हवीनि अर मांणी भि लींनि, अर ईं बात तैं समझी गैनी कि पिता परमेश्वर ल भविष्य मा क्य कन अर ईं बात तैं समझी गैनी कि हम ईं धरती पर अजनबी अर परदेशी छा।

इब्रानी 11:13 Referans Kwoze

इब्रानी 11:27

अर बिस्वास का द्‍वारा ही वेन राजा का गुस्सा तैं कुछ नि समझि, बल्किन मा मिस्र देस छोड़ि दिनी अर मजबूत बणयूं रै, किलैकि वेन नि दिखैण वळा परमेस्वर तैं देखि छौ।

यूहन्ना 8:56

तुमरो बुबा अब्राहम मेरु दिन दिखणे की आस मा भौत खुश छौ। अर वेन देखि अर खुशी मणै।”

इब्रानी 11:39

अर यू सब लोग बिस्वास रखण की वजै से ही परमेस्वर का द्‍वारा स्वीकार किये गैनी, मगर तभि भि ऊंतैं वु सब कुछ नि मिली, ज्यां को करार परमेस्वर न कैरी छौ।

इफिसुस 2:19

इलै अब तुम परदेसी अर मुसाफिर लोग नि छाँ, पर पिता परमेस्वर का चुण्यां पवित्र लोगु का दगड़ा मा हिस्सेदार अर परमेस्वर का घौर का सदस्य छाँ।

रोमियों 8:24

अर ईं आस का द्‍वारा ही हमरु छुटकारा भि होयुं च। अर आस हमेसा वीं बात की किये जान्दी ज्वा कि दिखौण मा नि औन्दी, मगर जब वा आंख्यों का समणि साफ ह्‍वे जान्दी तब आस रखण को कुई फैदा नि च।

1 पतरस 2:11

हे मेरा प्यारा भै-बैंणो, तुम लोग ईं दुनियां मा परदेसी अर मुसाफिर लोगु का जन छाँ, अर मि तुम से बिन्ती करदु कि तुम ईं दुनियां कि बुरी इच्छाओं से बचि के रा, अर यू वु इच्छा छिन जु कि तुमरा आत्मा का दगड़ा मा लड़ै कनि रौनदिन।

1 पतरस 1:17

अर पिता परमेस्वर सब लोगु को न्याय बिना पक्षपात को करदु, इलै अगर जु तुम वेतैं पिता बोलि के प्रार्थना करद्‍यां, त हे मेरा भै-बैंणो, ईं बात तैं जाणि जा, कि जब तक तुम ईं धरती पर परदेसी लोगु की तरौं जीवन जीणा छाँ, तब तक वे परमेस्वर पर अपणी पूरि सरदा रखी के जीवन ज्या।

रोमियों 4:21

किलैकि वेतैं पूरु यकीन छौ कि जु करार परमेस्वर न वेका दगड़ा मा कर्युं च, वे करार तैं उ पूरु करण की ताकत भि रखदु।

1 यूहन्ना 3:19

अर जब हम एक-दुसरा बटि प्यार करद्‍यां, त हमतै इन पता चलदु कि हम पिता परमेस्वर का छा, जु कि सच्‍चु च। इलै हम वेका समणि हिम्मतळ खड़ा होला।

मत्ती 13:17

मि तुम बटि सच्‍च बोन्‍नु छौं, किलैकि परमेस्वर का भौत सा रैबर्या अर धरमी लोग यों सब कामों तैं दिखण चान्दा छा जौं तुम आज दिखणा छाँ, मगर ऊंन नि देखि सैकी। अर जौं बातों तैं तुम सुनणा छाँ ऊं बातों तैं वु सुनण चान्दा छा, मगर ऊंन नि सुणी सैकी।

यूहन्ना 12:41

अर यशायाह न यों बातों तैं इलै बोलि, किलैकि वेन वेकी महानता तैं देखियाली छौ, अर वेका बारा मा बोलि भि छौ।

2 कुरिन्थि 4:18

इलै हमरि नजर दिखैण वळी चीजों पर नि लगि छिन, बल्किन मा हमरि नजर त ऊं चीजों पर लगीं छिन जु कि दिखैणी नि छिन, किलैकि जु चीज दिखेन्दी छिन वु कुछ देर खुणि ही छिन, मगर जु चीज दिखेन्दी नि छिन ऊ सदनि खुणि बणि रौनदिन।

2 कुरिन्थि 5:6

इलै हम परमेस्वर पर अपणु बिस्वास हमेसा बणै के रखद्‍यां, अर जणदा छां कि जबरि तक हम ये सरील मा छां, तबरि तक प्रभु का घौर से दूर छां।

इब्रानी 11:14

अर जु लोग अफ तैं ईं धरती मा मुसाफिर बुल्दिन, त या बात साफ ह्‍वे जान्दी कि ऊंतैं कै दुसरा देस की आस च।

इब्रानी 11:17

अर बिस्वास का द्‍वारा ही पितर अब्राहम की अजमैस का बगत मा उ अपणा नौना इसहाक तैं परमेस्वर खुणि बलि चड़ौणु खुणि तयार छौ। अर भले ही पिता परमेस्वर न पितर अब्राहम बटि करार कैरी छौ कि, “मि इसहाक का द्‍वारा ही तेरु वंश अगनै बढौलु।”

1 पतरस 1:1

हे मेरा भै-बैंणो, मि पतरस जु की यीशु मसीह को खास चेला छौं मि या चिठ्‍ठी, ऊं सभि बिस्वासी लोगु खुणि लिखणु छौं, जु की अपणा घौर से दूर पुन्तुस, गलाति, अर कप्पदूकिया, आसिया अर बितूनिया का मुलकों मा तितर-बितर ह्‍वेके रौणा छिन।