इब्रानी 10:36 - Garhwali

³⁶ मगर तुमतै सबर रखण की भौत जरुरत च, ताकि तुम परमेस्वर की मनसा तैं पूरु कैरिके करार का इनाम तैं पै सैका।

गढवली नयो नियम

³⁶ अभि तुम तैं धीरज का दगड़ी सौण की जरूरत च; तब तुम पिता परमेश्वर की इच्छा तैं पूरी करला अर तुम तैं उ सभि चीज मिललि जैको पिता परमेश्वर ल वादा कैरी।

इब्रानी 10:36 Referans Kwoze

इब्रानी 12:1

हे मेरा भै-बैंणो, हम इन्द्रया ही भौत सा लोगु का बारा मा जणदा छां, जु कि बिस्वास का बारा मा हमतै हौसला देन्दा छिन। इलै अब हम पक्‍कु बिस्वास बणै के रखा, ठिक उन्‍नि जन एक खिलाड़ी अपणा बाटा मा औण वळी रुकावट तैं दूर करदु, ठिक इन्‍नि हम भि सब पापों तैं छोड़ि द्‍या अर सबर रखी के हरेक किसम की परेसानी तैं झेली के परमेस्वर का पिछनै चलण वळा बणा।

1 कुरिन्थि 13:7

अर प्यार लोगु तैं मतलबी ना, बल्किन मा सब कुछ सौण वळु बणै देन्दु इन्द्रयो मनखि दुसरो खुणि अच्छा विचार रखदु, अर हर बात मा सबर रखदु।

लूका 21:19

अर तुमरो सबर रखण की ताकत ही तुमरा जीवन तैं बचालि।

इब्रानी 6:15

अर भौत इंतजार करण का बाद पितर अब्राहम तैं वु मिली जैको करार वेका दगड़ा मा परमेस्वर न कैरी छौ।

रोमियों 2:7

जु लोग लगातार भलै का काम करण मा, पिता परमेस्वर की बडै करण मा, अर सदनि का जीवन की खोज मा लग्यां रौनदिन, पिता परमेस्वर ऊंतैं सदनि को जीवन द्‍यालु।

दिब्य दरस 14:12

अर जु लोग यीशु पर बिस्वास रखदिन अर परमेस्वर की आज्ञा को पालन करदिन, इन्द्रया बगत मा परमेस्वर का ऊं पवित्र लोगु तैं सबर रखण की जरुरत च।

1 यूहन्ना 2:17

दुनियां अर वेकी बुरी इच्छा को नास ह्‍वे जाण, पर जु कुई परमेस्वर की इच्छा का मुताबिक चलदु वेको नास कभि नि होण।

गलातियों 6:9

इलै हमतै भलै का काम करण मा पिछनै नि हटण चयेणु, किलैकि अगर जु हम सभ्यों का दगड़ा मा भलै कना रौला, त ठिक बगत पर लवै करुला।

मत्ती 10:22

अर वु तुम से इलै नफरत करला, किलैकि तुम मेरा नौ पर बिस्वास करद्‍यां, पर जु मनखि आखिरी तक सबर रखलु वेतैं ही बचयै जालु।

कुलुसी 1:11

अर तुम पिता परमेस्वर की महान ताकत से अपणा आत्मिक जीवन मा और भि जादा मजबूत होन्दी जा, ताकि मुसीबत का बगत पर खुशी से अर हर बात मा सबर रखी के तुम सब मुसीबतों तैं सै सैका।

रोमियों 8:25

मगर हम वे पर अपणी आस बणै के रखद्‍यां, जु हमुन देखि ही नि छिन। इलै हम सबर रखी के ऊं चीजों तैं पौण को इंतजार करद्‍यां।

इब्रानी 9:15

अर लोगु तैं पाप से छुड़ौण का खातिर यीशु मसीह मरे गै। अर ईं मौत का द्‍वारा वेन पुरणा करार तैं रद्‍द कैरी दिनी, ताकि उ अपणा चुण्यां लोगु तैं पिता परमेस्वर का द्‍वारा मिलण वळी सदनि की आसिसों तैं द्‍यो, अर वेका दगड़ा-दगड़ि एक नयू करार भि द्‍यो जु की सदनि को जीवन च।

कुलुसी 3:24

किलैकि तुमतै पता च, कि येका बदला मा प्रभु तुमतै अपणी विरासत मा से द्‍यालु जैको करार वेन कैरी। अर तुम लोग हमरा प्रभु यीशु मसीह की सेवा करद्‍यां,

इब्रानी 6:12

इलै अळकसि नि बणा, बल्किन मा ऊं लोगु की तरौं बणा जु कि बिस्वास अर सबर रखण मा मजबूत छिन। अर इन्द्रया लोग ऊं चीजों तैं पौनदिन, जौं को करार पिता परमेस्वर न कैरी।

इफिसुस 6:6

अर यू सब कुछ तुम मनखियों तैं खुश करणु या दिखौणु खुणि ना, पर यीशु मसीह का सेवकों की तरौं तन-मन से परमेस्वर की मनसा का मुताबिक कैरा।

रोमियों 12:2

अर सुणा, तुमतै ईं दुनियां का मुताबिक अपणु जीवन नि जीण चयेणु, पर पिता परमेस्वर का द्‍वारा तुम अपणा मन तैं नयू बणै के अपणा चाल-चलन तैं बदला। तब जैके तुम पिता परमेस्वर की मनसा तैं जाणि सकिल्या, कि कु जि बात वेतैं अच्छी लगदिन, अर कु जि बात छिन जु कि स्वीकार करण लैख छिन जौं मा कुछ भि गळत नि हो।

मत्ती 24:13

पर जु कुई आखिरी तक बिस्वास मा टिक्यूं रालु, वेतैं ही बचयै जालु।

दिब्य दरस 13:10

जैतैं कैदी होणु खुणि ठैरैये गै वेतैं जेलखाना मा डळै जालु, जैतैं तलवार से मरे जाण खुणि ठैरैये गै उ तलवार से मरे जालु, इलै ईं बात तैं जाणि ल्या कि बिस्वासी लोगु तैं सबर अर बिस्वास मा बणयूं रौण की जरुरत च।

इब्रानी 6:17

अर वंश का लोगु खुणि जु-जु करार कियां छिन क्या पिता परमेस्वर ऊं लोगु का खातिर अपणी इच्छा तैं बदलि द्‍यालु, नऽ रे ना इन कभि नि ह्‍वे सकदु। पिता परमेस्वर अपणी मनसा तैं ऊं पर परगट करणु खुणि जरुर पूरि करलु, इलै वेन अपणा करार का बगत मा अपणी ही कसम खै दिनी।

कुलुसी 4:12

अर तुमरा इखो इपफ्रास भै भि जु कि यीशु मसीह को सेवक च, उ भि तुमकु सलाम बोन्‍नु च। अर उ मन लगै के तुम खुणि हमेसा प्रार्थना कनु रौन्दु, ताकि तुम हरेक बात मा सिद्ध ह्‍वे सैका अर यीशु मसीह पर पूरु बिस्वास कैरिके परमेस्वर की मनसा तैं पूरि कैरी सैका।

खास चेलों 13:22

फिर परमेस्वर न शाऊल तैं वेका पद बटि हटै के दाऊद तैं राजा बणै दिनी। अर दाऊद का बारा मा परमेस्वर न इन बोलि कि, ‘मितैं मेरा मन का मुताबिक एक मनखि मिली गै, जु कि मेरी मनसा तैं पूरि करलु अर उ यिशै को नौनु दाऊद च।’

यूहन्ना 7:17

अर अगर कुई परमेस्वर की मनसा पर चलण चान्दु, त उ यू जाणि जालु, कि यू उपदेस परमेस्वर की तरफा बटि च, या फिर मि अपणी तरफा बटि बोन्‍नु छौं।

लूका 8:15

अर अच्छी जमीन मा पोड़यां बीज वु लोग छिन जु परमेस्वर का वचन तैं सुणी के वेतैं अपणा अच्छा अर आज्ञा मनण वळा मन मा समाळि के रखदिन, अर सबर रखी के अच्छा फल लेके औन्दिन।”

मत्ती 21:31

यों दुईयों मा बटि कैन अपणा बुबा की इच्छा तैं पूरि कैरी?” ऊं लोगु न बोलि, “गुरुजी, बड़ा नौन न।” यीशु न ऊंकू बोलि, “मि तुम बटि सच्‍च बोन्‍नु छौं, कि चुंगी लेण वळा लोग अर वेश्याओं का जन दुसरा पापि लोग तुम से पैलि परमेस्वर का राज मा जाणा छिन।

मत्ती 12:50

किलैकि जु कुई स्वर्ग मा रौण वळा मेरा पिता परमेस्वर की मनसा का मुताबिक चलदु, वा ही मेरी माँ अर ऊ ही मेरा भै-बैंणा छिन।”

मत्ती 7:21

“अर जु लोग मिकू, ‘हे प्रभु, हे प्रभु’ बोन्‍ना रौनदिन, ऊंमा बटि हरेक मनखि परमेस्वर का राज मा नि जै सकदु, बस उई जै सकदु जु स्वर्ग मा रौण वळा मेरा पिता परमेस्वर की मनसा पर चलदु।

1 थिस्सलुनीकी 1:3

किलैकि पिता परमेस्वर पर बिस्वास रखी के जु-जु काम तुमुन करिनी, वु सब हम अपणी प्रार्थनाओं मा याद रखद्‍यां। अर जै प्यार का दगड़ा मा तुमुन मेनत कैरी, अर सबर रखी के तुमुन प्रभु यीशु मसीह पर अपणी ज्वा आस रखी च, वु सब भि हम याद करद्‍यां।

खास चेलों 13:36

“अर राजा दाऊद न अपणा बगत का दौरान परमेस्वर की मनसा तैं लोगु का बीच मा पूरु कैरी। अर वेका बाद उ मोरि गै, अर वेतैं वेका पितरों का दगड़ा मा दफनै गै अर कुछ दिनों मा वेको सरील सैड़ भि गै।

मरकुस 3:35

किलैकि जु लोग परमेस्वर का वचन तैं सुणदिन अर वेका मुताबिक चलदिन, वा ही मेरी माँ अर ऊ ही मेरा भै-बैंणा छिन।”

रोमियों 12:12

अर खुश रा, किलैकि तुमरा पास आस च। अर दुख-तकलीफ औण का बगत मा मजबूत बणयां रा, अर प्रार्थना कना रा।

इब्रानी 11:39

अर यू सब लोग बिस्वास रखण की वजै से ही परमेस्वर का द्‍वारा स्वीकार किये गैनी, मगर तभि भि ऊंतैं वु सब कुछ नि मिली, ज्यां को करार परमेस्वर न कैरी छौ।