इब्रानी 10:23 - Garhwali

²³ अर वीं आस तैं अपणा-अपणा जीवन मा बणै के रखा जिं पर हमतै पूरु यकीन च, किलैकि जु करार पिता परमेस्वर न हमरा दगड़ा मा कर्युं च वु जरुर पूरु होलु।

गढवली नयो नियम

²³ अर अपड़ी आस का अंगीकार तैं मजबूती ल थामि के रखा; किलैकि पिता परमेश्वर विश्वासयोग्यता ल उ सब कुछ करलो जै तैं कनु कु वादा वेल हम दगड़ी कैरी।

इब्रानी 10:23 Referans Kwoze

1 थिस्सलुनीकी 5:24

अर उ इन जरुर करलु किलैकि जै परमेस्वर न तुमतै बुलै, उ भरोसा का लैख च।

1 कुरिन्थि 1:9

अर पिता परमेस्वर जरुर इन करलु, किलैकि उ भरोसा का लैख च। अर वेन ही तुमतै अपणा पुत्र प्रभु यीशु मसीह का दगड़ा मा रौणु खुणि बुलै।

2 थिस्सलुनीकी 3:3

पर परमेस्वर बिस्वास का काबिल च, इलै उ तुमतै बिस्वास मा मजबूत बणै के रखलु, अर दुष्‍ट शैतान बटि बचै के रखलु।

इब्रानी 6:18

अर करार अर कसम की दुई बातों तैं कभि बदलै नि जै सकदु, किलैकि पिता परमेस्वर कभि भि झूठ्‍ठ नि बुल्दु। इलै हम बिस्वासी लोग जु कि वेकी हिफाजत मा रौणा छां, हम सभ्यों तैं बड़ी हिम्मत रखी के अपणी-अपणी आस वे पर बणै के रखण चयेणी।

तीतुस 1:2

अर यू सब मि इलै कनु छौ, ताकि परमेस्वर का लोग ईं आस मा रा, कि ऊंतैं सदनि को जीवन मिली सैको। अर परमेस्वर कभि झूठ्‍ठ नि बुल्दु, दुनियां की शुरुवात से पैलि वेन ही हम खुणि सदनि को जीवन देणो को करार कर्युं च।

इब्रानी 3:6

मगर यीशु मसीह पिता परमेस्वर को पुत्र होण का नाता भरोसा का लैख च। अर हम लोग जु कि यीशु मसीह पर बिस्वास करद्‍यां, अगर जु हम अपणी आस अर भरोसा वे पर बणै के रखद्‍यां, त हम पिता परमेस्वर का घौर का छां।

1 कुरिन्थि 10:13

अर तुम अभि तक शैतान की बातों का द्‍वारा भकलै नि ग्यां, जु कि तुमतै कुई परेसानी हो। अर अगर जु तुम भकलै जैल्या, त वा तुमरा सौण की ताकत से जादा नि होलि। किलैकि पिता परमेस्वर जु कि सच्‍चु च उई तुमतै हरेक बात सौण की ताकत द्‍यालु, बल्किन मा उ तुमतै शैतान का भकलौण वळी बातों से भि भैर निकळण को बाटु दिखालु।

दिब्य दरस 3:11

“मि भौत जल्द औण वळु छौं। जु कुछ तुमरा पास च वेतैं थामि के रखा, ताकि कुई भि तुम बटि तुमरो मुकुट नि छिनी सैको।

याकूब 1:6

पर उ सक नि कैरो, बल्किन मा बिस्वास से मांगु। किलैकि जु कुई सक करदु, उ समुन्दर की लैर का जन च जु कि हवा का दगड़ि इनै-उनै जान्दी अर उठणी-बैठणी रौन्दी।

इब्रानी 11:11

अब्राहम अर वेकी जनानि सारा दुईया का दुई बुढ्या ह्‍वे गै छा, अर सारा बाँझ जनानि छै, मगर तभि भि बिस्वास का द्‍वारा ऊंको नौनु ह्‍वे। अर यू सब इलै ह्‍वे किलैकि जु करार परमेस्वर न कैरी छौ, वेन सारा तैं बिस्वास का लैख पै।

इब्रानी 4:14

हे मेरा प्यारा भै-बैंणो, हम जणदा छां कि हमरा पास एक महा पुरोहित च जु की सबसे महान च। अर उ पिता परमेस्वर को पुत्र यीशु मसीह च, जु कि वेका पास आसमान मा मथि उठये गै।

इब्रानी 3:14

हे मेरा दगड़्यों, हम सभ्या का सभि यीशु मसीह का दगड़ा मा हिस्सेदार छां, इलै हमतै आखिरी तक अपणा बिस्वास तैं मजबूत बणै के रखण चयेणु, ठिक उन्‍नि जन हमुन शुरुवात मा रखी छौ।

2 कुरिन्थि 9:13

अर दुसरा लोगु की मदद खुणि जु दान तुम देणा छाँ वेकी वजै से बिस्वासी लोग पिता परमेस्वर की बडै करदिन, किलैकि इन कैरिके तुमुन यीशु मसीह का शुभ समाचार की बात तैं पूरु कैरी। अर ऊ ईं बात खुणि पिता परमेस्वर को धन्यवाद करला कि तुमुन दिल खोली के दिनी अर वां से दुसरा लोगु को भलु ही ह्‍वे।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।