इब्रानी 10:19 - Garhwali

^19-21 इलै हे मेरा भै-बैंणो, अब हमरा पास पिता परमेस्वर का घौर मा एक बड़ु महा पुरोहित याने की यीशु मसीह च। हाँ, यीशु जैन हमरा खातिर अपणु जीवन देई अर अपणा ल्वे की ताकत से वेन मन्दिर का वे परदा तैं हटै दिनी जख आम लोगु नि जै सकदा छा। अर इनकै यीशु मसीह न एक नयू बाटु दिखै जु कि हमतै नया जीवन की तरफा लेके जान्दु। इलै अब एक यीशु मसीह ही च जु कि हमतै हिम्मत देन्दु की हम महा पवित्र जगा मा दाखिल ह्‍वे सैका।

गढवली नयो नियम

¹⁹ इलै, प्रिय विश्वासी भयों, किलैकि यीशु ल अपड़ा ल्वे का द्वारा हम कु अपड़ो जीवन बलिदान कैरेले, हम हिम्मत का दगड़ी स्वर्गीय मन्दिर मा परम पवित्र जगह मा प्रवेश कैरी सकदा।

इब्रानी 10:19 Referans Kwoze

इफिसुस 2:18

अर यीशु मसीह का द्‍वारा ही हम दुई दल का लोग, एक ही पवित्र आत्मा का द्‍वारा पिता का समणि जै सकद्‍यां।

इब्रानी 9:12

अर ईं दुनियां वळा तम्बू मा जब महा पुरोहित सालभर मा एक बार भितर जान्दु छौ, त उ बलिदान मा चड़यां बखरों अर बोड़ो का ल्वे तैं दगड़ा मा लि जान्दु छौ, ताकि लोगु तैं ऊं पर लग्यां पापों का इळजाम से माफी मिली जौ। अर मूसा का दियां नियम-कानूनों का मुताबिक जब लोग परमेस्वर की नजर मा अशुद्ध ह्‍वे जान्दा छा, त वु वेकी भक्‍ति का काबिल नि रौन्दा छा। अर जब तक ऊं लोगु पर बलिदान मा चड़यां बखरों अर सांड़ो को ल्वे, अर बछरों की राख छिड़के नि जौ तब तक ऊ लोग शुद्ध नि मणै जान्दा छा। मगर हमरा यीशु मसीह न इन नि कैरी, बल्किन मा वु खुद अपणु ल्वे देके वीं पवित्र जगा मा एक ही बार गै, अर इन कैरिके वेन सदनि खुणि हमतै पापों से छुटकारु दे दिनी।

इब्रानी 4:16

इलै आ, हम भि अपणा दया करण वळा पिता परमेस्वर की राजगद्‍दी का समणि निस फिकर ह्‍वेके जा, ताकि हम सभ्या का सभि वेसे मदद पौण खुणि वेकी दया अर किरपा तैं हासिल कैरी सैका।

इफिसुस 3:12

अर यीशु मसीह पर बिस्वास करण की वजै से ही हम लोग यकीन कैरिके, अर बिन डऽरयां पिता परमेस्वर का समणि ऐ-जै सकद्‍यां।

रोमियों 5:2

अर वेका द्‍वारा बिस्वास से हम परमेस्वर की बड़ी किरपा पौण खुणि पिता परमेस्वर कि छतरछाया मा रै सैका। अर ईं बड़ी किरपा मा हम अब बणयां रा, अर पिता परमेस्वर को आदर-सम्मान मा हिस्सा पौणु की आस पर गर्व कैरा।

इब्रानी 12:28

इलै अब जब हम इन्द्रया राज तैं पौण वळा छां, जु कभि भि हिली नि सकदु, त आ, हम परमेस्वर को धन्यवाद कैरा अर वेकी बातों तैं माणा अर वेको आदर-सम्मान कैरा, अर परमेस्वर की इन सेवा कैरा ज्यां से वु खुश ह्‍वे जौ।

1 यूहन्ना 4:17

अर यां से ही प्यार हम मा सिद्ध ह्‍वे ताकि न्याय का दिन पर हमतै हिम्मत मिलु, किलैकि जन यीशु च ठिक उन्‍नि हम भि ईं दुनियां मा छाँ।

रोमियों 8:15

अर जु पवित्र आत्मा तुमतै दिये गै, वु तुमतै गुलाम नि बणौन्दु कि तुम फिर से डौऽरी-डौऽरी के अपणा जीवन को गुजर-बसर कैरा। अरे, जु पवित्र आत्मा पिता परमेस्वर न तुमतै देई वां से इन साबित होन्दु, कि हम वेकी औलाद छां। तभि त हम पिता परमेस्वर कू, “हे अब्बा, मेरा पिता” बोलि सकद्‍यां।

2 तीमुथियुस 1:7

किलैकि परमेस्वर न हमतै डौऽर की आत्मा नि दिनी, मगर सामर्थ अर एक-दुसरा बटि प्यार करण वळी अर अपणा जीवन तैं वश मा रखण वळी आत्मा दिईं च।

इब्रानी 9:3

अर वेका बाद तम्बू का दुसरा हिस्सा मा एक परदा लग्यूं छौ, अर जैकी वजै से उ एक कमरा लगदु छौ। वीं जगा मा धुप जगौणु खुणि सोना की एक वेदी बणि छै, अर उख सोनो को एक बक्सा छौ जैकू करार को बक्सा बुले जान्दु, अर वेमा सोनो को एक कटोरा छौ जैमा “मन्‍ना” नौ को खाणुक रखै गै छौ। वे बक्सा मा पितर हारुन को वु जांठु भि छौ जै पर मौळयार ऐ गै छै। अर जौं पठौलो पर परमेस्वर की आज्ञा लिखीं छै, वु दुई पठाळ भि उखि छै अर वीं जगा कू महा पवित्र जगा बुले जान्दु।

इब्रानी 7:25

अर जु लोग वे पर बिस्वास करदिन वु ऊंतैं पिता परमेस्वर का पास लेके जान्दु अर ऊंतैं बचौण की ताकत रखदु, किलैकि वु ऊं सभ्यों खुणि हमेसा पिता परमेस्वर से बिन्ती करण वळु एक बिचलु च।

इब्रानी 3:1

इलै हे मेरा पवित्र भै-बैंणो, पिता परमेस्वर न तुमतै बुलै के अफ खुणि अलग कैरियाली। इलै मि तुमतै बतै देन्दु, कि तुमतै अपणु ध्यान यीशु पर लगौण चयेणु जैतैं पिता परमेस्वर न अपणी तरफा बटि मनखियों खुणि ठैरै के भेजि। अर उ एक इन्द्रयो महा पुरोहित च, जैका बारा मा हम इन बुल्द्‍यां कि हम वे पर बिस्वास करद्‍यां।

इब्रानी 3:6

मगर यीशु मसीह पिता परमेस्वर को पुत्र होण का नाता भरोसा का लैख च। अर हम लोग जु कि यीशु मसीह पर बिस्वास करद्‍यां, अगर जु हम अपणी आस अर भरोसा वे पर बणै के रखद्‍यां, त हम पिता परमेस्वर का घौर का छां।

इब्रानी 10:18

अर जब परमेस्वर कै का पापों तैं माफ कैरी देन्दु, त फिर वेतैं बलिदान चड़ौण की क्या जरुरत?

इब्रानी 10:35

इलै प्रभु यीशु पर अपणु बिस्वास बणै के रखा किलैकि वेका बदला मा तुमतै एक बड़ु इनाम मिलण वळु च।