इब्रानी 10:11 - Garhwali

¹¹ हरेक पुरोहित हरेक दिन अपणु-अपणु काम पूरु करदिन, अर इन बलि चडौन्दिन जु कि मनखियों का पापों तैं कभि ऊं से दूर नि कैरी सकदिन।

गढवली नयो नियम

¹¹ हर एक यहूदी याजक हर-रोज वेदी का संमणी खड़ो हूंद अर लुखुं का पापों तैं दूर कनु कु रीतियों तैं पूरो करदो। उ लगातार एक ही जन बलिदानों तैं चढ़ौणु रौंदो जु कभी भि वे आदिम का पापों तैं दूर नि कैरी सकद, जु वेल कैरी।

इब्रानी 10:11 Referans Kwoze

इब्रानी 5:1

अर हम जणदा ही छां, कि यहूदी लोगु मा एक महा पुरोहित तैं मनखियों का बीच मा बटि ही चुणै जान्दु, ताकि उ मनखियों का खातिर पिता परमेस्वर की सेवा कैरो, अर लोगु का कियां पाप खुणि अरपण मा चड़ईं भेंट अर बलिदान तैं पिता परमेस्वर का समणि चड़ै सैको।

इब्रानी 7:27

अर जन दुसरा महा पुरोहित पैलि अपणा पापों खुणि, अर फिर परजा का लोगु खुणि हरेक दिन परमेस्वर का समणि बलिदान चडौन्दिन, यीशु मसीह तैं इन करण की जरुरत नि च किलैकि वेन एक बार मा ही सब मनखियों का खातिर पिता परमेस्वर का समणि एक बलिदान का रुप मा खुद तैं दे दिनी।

इब्रानी 10:1

दगड़्यों, जु नियम-कानून परमेस्वर का रैबर्या मूसा का द्‍वारा दिये गैनी वु त औण वळा बगत मा भली चीजों को एक नमूना छौ। अर छैल वळी चीज खुद भली नि ह्‍वे सकदिन, किलैकि यहूदी लोगु द्‍वारा हरेक साल बलिदान चड़ये जनदिन, त फिर जु लोग पिता परमेस्वर का पास औन्दिन ऊ कनकै शुद्ध ह्‍वे सकदिन।

इब्रानी 8:2

अर वीं पवित्र जगा मा उ महा पुरोहित बणि के पिता परमेस्वर की सच्‍चि सेवा कनु च। अर यू वे तम्बू का जन नि च जख पुरोहित लोग पैलि सेवा करदा छा, किलैकि वेतैं लोगु का द्‍वारा बणयै गै मगर जख यीशु मसीह च वीं जगा तैं स्वर्ग मा खुद पिता परमेस्वर न बणै।

इब्रानी 8:4

अगर जु यीशु मसीह ईं धरती पर होन्दु, त उ पुरोहित का पद पर कभि भि काम नि कैरी सकदु छौ, किलैकि इख त पैलि ही दुसरा पुरोहित मौजूद छा जु की मूसा का दियां नियम-कानून का मुताबिक पिता परमेस्वर खुणि भेंट चडौन्दिन।