इब्रानी 10:10 - Garhwali

¹⁰ अर परमेस्वर की मनसा का मुताबिक यीशु मसीह का सरील तैं एक ही बार हमेसा खुणि बलि चड़ये गै अर इन होण से वेन हमतै पवित्र कैरियाली।

इब्रानी 10:10 Referans Kwoze

इब्रानी 10:14

किलैकि वेन एक ही बलिदान चड़ै के ऊं लोग तैं पवित्र कैरी जु कि वेकी सेवा खुणि अलग कैरिके रख्यां छा।

इब्रानी 10:12

मगर यीशु मसीह न खुद तैं एक बलि का रुप मा दे दिनी, एक इन्दरि बलि जु कि सदनि तक रौण वळी च। अर वेका बाद उ परमेस्वर का दैंणा हाथ की तरफा आदर-सम्मान वळी जगा मा जैके बैठि गै।

1 कुरिन्थि 6:11

अर तुम मा बटि कुछ लोग इन्द्रया ही छा, मगर पिता परमेस्वर न हमरा प्रभु यीशु मसीह का नौ से अर अपणी पवित्र आत्मा से तुमतै ध्वेके शुद्ध कैरी अर धरमी ठैरै।

इब्रानी 7:27

अर जन दुसरा महा पुरोहित पैलि अपणा पापों खुणि, अर फिर परजा का लोगु खुणि हरेक दिन परमेस्वर का समणि बलिदान चडौन्दिन, यीशु मसीह तैं इन करण की जरुरत नि च किलैकि वेन एक बार मा ही सब मनखियों का खातिर पिता परमेस्वर का समणि एक बलिदान का रुप मा खुद तैं दे दिनी।

यूहन्ना 17:19

अर ऊंका खातिर मि अफ तैं दे देन्दु, ताकि ऊ भि सच्‍चै का द्‍वारा अफ तैं तुम खुणि दे द्‍या।”

इब्रानी 13:12

इलै ही यीशु की मौत भि वे नगर कि सीमा से भैर ह्‍वे, ताकि उ अपणा ल्वे का द्‍वारा लोगु तैं पवित्र कैरो।

1 कुरिन्थि 1:30

हे मेरा भै-बैंणो, अब तुमरा पास बड़ु मोन करण को कुई मौका नि च, किलैकि पिता परमेस्वर न ही तुमतै यीशु मसीह का पास बुलै अर तुमतै बचै भि च। अर वेन ही यीशु मसीह तैं हमरु ज्ञान बणै, अर यीशु मसीह ही च जु कि हमतै पिता परमेस्वर का समणि पवित्र बणौन्दु। अर यीशु मसीह न ही अपणु ल्वे देके हमतै पाप से छुटकारु देई।

इब्रानी 9:28

ठिक उन्‍नि यीशु मसीह भि भौत सा लोगु का पापों तैं उठौणु खुणि एक ही बार बलिदान ह्‍वे। पर जब उ फिर से वापस आलु त उ मनखि का पापों तैं माफ करणु खुणि ना, बल्किन मा ऊंतैं छुटकारा देणु खुणि आलु जु कि वेको इंतजार कना छिन।

इब्रानी 9:12

अर ईं दुनियां वळा तम्बू मा जब महा पुरोहित सालभर मा एक बार भितर जान्दु छौ, त उ बलिदान मा चड़यां बखरों अर बोड़ो का ल्वे तैं दगड़ा मा लि जान्दु छौ, ताकि लोगु तैं ऊं पर लग्यां पापों का इळजाम से माफी मिली जौ। अर मूसा का दियां नियम-कानूनों का मुताबिक जब लोग परमेस्वर की नजर मा अशुद्ध ह्‍वे जान्दा छा, त वु वेकी भक्‍ति का काबिल नि रौन्दा छा। अर जब तक ऊं लोगु पर बलिदान मा चड़यां बखरों अर सांड़ो को ल्वे, अर बछरों की राख छिड़के नि जौ तब तक ऊ लोग शुद्ध नि मणै जान्दा छा। मगर हमरा यीशु मसीह न इन नि कैरी, बल्किन मा वु खुद अपणु ल्वे देके वीं पवित्र जगा मा एक ही बार गै, अर इन कैरिके वेन सदनि खुणि हमतै पापों से छुटकारु दे दिनी।

1 पतरस 2:24

अर यीशु न हमरा सब पापों तैं अपणा सरील मा ले अर क्रूस कि मौत तैं सै, ताकि हम अपणा पापों खुणि मोरि जां, अर परमेस्वर की नजर मा अच्छा कामों खुणि जीवन ज्या। अर वेका मार खाण से ही तुम खूब होयां।

इब्रानी 9:26

अर अगर ज्वा इन बात ही रौन्दी, त यीशु तैं दुनियां की शुरुवात से अभि तक बार-बार दुख उठौण पोड़दु, मगर वेन खुद तैं आखिरी का दिनों मा एक ही बार सदनि खुणि परगट कैरियाली, ताकि अपणा बलिदान का द्‍वारा उ पाप तैं मिटै सैको।

इब्रानी 2:14

अर लोग अभि भि बच्‍चों का जन छिन, इलै यीशु मसीह ईं दुनियां मा सरील को रुप लेके ऐ। अर इन इलै ह्‍वे, ताकि वेकी मौत का द्‍वारा यीशु मसीह शैतान को नास कैरी सैको जैका पास मौत तैं लेके औण की ताकत च।

1 यूहन्ना 5:6

अर यीशु मसीह ही च जु कि ईं दुनियां मा पाणि अर खून का द्‍वारा ऐ। अर पाणि ही पाणि का द्‍वारा ना बल्किन मा पाणि अर ल्वे का द्‍वारा भि। अर पवित्र आत्मा वु च जु कि वेका बारा मा गवै देन्दु, अर जु कुछ वु बतौन्दु उ सब सच्‍च च,

यूहन्ना 19:34

तब एक सिपै न वेकी पंणकोखि पर भाले की मारी, अर तुरन्त उख बटि ल्वे अर पाणि निकळण लगि गै।

इब्रानी 2:11

इलै यीशु जौं लोगु तैं पवित्र करदु अर जु लोग वेका द्‍वारा पवित्र किये जाण छिन, दुईयों को एक ही पिता च। अर ईं बात की वजै से ही यीशु ईं दुनियां का लोगु तैं अपणु भै-बैंण बोन्‍न मा झिझक मैसूस नि करदु।

इब्रानी 10:5

इलै जब यीशु मसीह ईं दुनियां मा औण वळु छौ, त वेन अपणा बारा मा इन बोलि जन कि पवित्रशास्‍त्र मा भि लिख्यूं च कि, “हे मेरा परमेस्वर, तुमुन बलिदान अर भेंट नि चै, पर तुमुन मि खुणि एक सरील तयार कैरी।

यूहन्ना 6:51

अर जीवन की रुट्‍टी ज्वा स्वर्ग बटि अईं च, वा मि छौं। अर जु कुई ईं रुट्‍टी मा बटि खालु, उ सदनि खुणि ज्यून्दु रालु। अर ज्वा रुट्‍टी मि दुनियां का लोगु तैं जीवन देणु खुणि देन्दु छौं, उ मेरु बदन च।”

इफिसुस 5:2

अर प्यार का बाटा पर चलि के एक-दुसरे से प्यार कैरा, ठिक उन्‍नि जन यीशु मसीह न तुम बटि प्यार कैरी। अर वेन हम मनखियों का खातिर खुद तैं पिता परमेस्वर का समणि एक पसन्द औण वळी खुशबुदार भेंट का रुप मा चड़ै दिनी।

इफिसुस 5:26

अर जन पाणि का द्‍वारा साफ किये जान्दु, ठिक उन्‍नि वु हमतै अपणा वचन का द्‍वारा शुद्ध करदु।

इब्रानी 5:7

अर जब यीशु मसीह ईं धरती पर छौ त वे बगत वेन ऊँची आवाज मा परमेस्वर तैं बुलै अर रुवे-रुवे के वेसे बिन्ती कैरी जु की वेतैं मौत से बचै सकदु छौ। अर पिता परमेस्वर न वेकी प्रार्थना तैं सुणी, किलैकि यीशु न वे पर अपणी पूरि सरदा रखी के खुद तैं वेका सुपुर्द कैरी दिनी।

इब्रानी 9:14

किलैकि यीशु मसीह मा पाप ही नि छौ, अर वेन खुद तैं एक बलिदान का रुप मा पिता परमेस्वर का समणि दे दिनी, अर यू बलिदान आत्मिक अर सदनि तक रौण वळु च। इलै वेको ल्वे भौत जादा महान च, जु कि हमरा जमीर तैं शुद्ध करदु, ताकि हम ज्यून्दा परमेस्वर की पवित्र सेवा कैरी सैका। अर हम इन्द्रयो कुई भि काम नि कैरा, जु की हमतै सदनि की मौत की तरफा लेके जौ।

इब्रानी 10:29

त फिर सोचा ऊं लोगु कि सजा कथगा खतरनाक होलि जौन परमेस्वर का पुत्र को अपमान कैरी, अर करार का वे ल्वे तैं सुद्‍दी समझि जैका द्‍वारा ऊंतैं पवित्र किये गै छौ। अर ऊंन पवित्र आत्मा से मिलण वळी किरपा को आदर नि कैरी, बल्किन मा बेजती कैरी।

1 पतरस 3:18

हे मेरा भै-बैंणो, यीशु मसीह जु कि एक धरमी मनखि छौ, वेन सब अधरमी लोगु का पापों का खातिर एक बार ही दुख उठे। अर यू सब वेन इलै कैरी, ताकि उ तुम लोगु तैं पिता परमेस्वर का नजदीक लेके ऐ सैको। हालांकि, यीशु का सरील तैं नास किये गै, मगर वे बगत मा वेन कैद होईं आत्माओं का बीच मा भि जैके परचार कैरी। अर पिता परमेस्वर न अपणी आत्मा की ताकत से यीशु तैं मुरदो मा बटि ज्यून्द कैरी।