इब्रानी 1:1 - Garhwali

¹ हे मेरा दगड़्यों, जन कि तुम जणदा ही छाँ, कि पुरणा जमना मा पिता परमेस्वर न हमरा पितरों का दगड़ा मा रैबर्यों का द्‍वारा कई बार अलग-अलग तरीका से बात कैरी।

गढवली नयो नियम

¹ पुरणा बगत मा पिता परमेश्वर ल पुरणों बट्टी अर कई प्रकार ल परमेश्वर का तरपां बट्टी बुल्ण वलो का द्वारा बात कैरी,

इब्रानी 1:1 Referans Kwoze

लूका 24:27

तब यीशु न मूसा का द्‍वारा बुलिं बातों बटि शुरु कैरी, अर सब रैबर्यों का द्‍वारा किताबों मा लिखीं भविष्यबाणियों का बारा मा ऊं दुईयों तैं समझौण लगि गै, जु कि वेका बारा मा लिखीं छै।

खास चेलों 2:30

अर उ एक रैबर्या छौ, अर उ जणदु छौ कि परमेस्वर की एक कसम खईं च कि उ वेका वंश मदि कै एक तैं वेकी राजगद्‍दी पर बैठालु।

खास चेलों 13:32

“अर परमेस्वर न हमरा पितरों का दगड़ा मा जु करार कैरी छौ, वेका बारा मा हम तुमतै शुभ समाचार सुणौन्द्‍यां।

इब्रानी 2:2

अर ज्वा शिक्षा पिता परमेस्वर न स्वर्गदूतों का द्‍वारा दिनी वा सच्‍च छै, अर जैन भि वेको पालन नि कैरी वेतैं दण्ड मिली।

लूका 1:72

अर हमरा पितरों पर दया करणु खुणि, परमेस्वर का द्‍वारा कियां पवित्र करार, याने की ज्वा कसम वेन हमरा पितर अब्राहम का दगड़ा मा कैरी छौ, वे करार तैं याद करणु खुणि वेन यू कैरी।

खास चेलों 28:23

तब ऊंन पौलुस का दगड़ा मा बात-चित करणु खुणि एक दिन ठैरै। अर जब उ दिन ऐ, त भौत सा लोग वे घौर मा जमा ह्‍वेनि, जै घौर मा पौलुस रुक्युं छौ। तब पौलुस ऊंतैं यीशु का बारा मा, मूसा का दियां नियम-कानूनों का बारा मा, अर रैबर्यों की किताबों बटि समझौण लगि गै, अर वेन परमेस्वर का राज का बारा मा भि अपणी गवै दे, अर यू सब बिंगौन्द-बिंगौन्द सुबेर बटि रुमुक ह्‍वे गै।

यूहन्ना 9:29

अर हम जणदा छां कि, परमेस्वर न मूसा का दगड़ा मा बात कैरी, पर हम ये मनखि तैं नि जणद्‍यां, कि यू कख बटि अयूं च।”

यूहन्ना 7:22

मूसा न त तुमतै बच्‍चा पैदा होण का दिन बटि लेके आठवां दिन मा ऊंका खतना का रिवाज तैं पूरु करणु को नियम-कानून देई। इलै तुम अगर उ आठु दिन चै सब्त को दिन भि किलै नि हो, तुम ऊं खुणि खतना का रिवाज तैं पूरु करद्‍यां। [सच्‍च त यू च, कि खतना करण मूसा की तरफा बटि नि च, बल्किन मा रिवाज त पितरों बटि चलदि औणी च।]

लूका 24:44

तब यीशु न ऊंकू बोलि, “यू मेरी वु बात छिन जब मि तुमरा दगड़ा छौ, तब मिन तुमकु बोलि छौ कि यू जरुरी च कि जथगा भि बात मूसा का द्‍वारा लिख्यां नियम-कानूनों मा, अर रैबर्यों की किताबों मा लिखीं छिन, इख तक की जु बात भजनों की किताबों मा भि मेरा बारा मा लिख्यूं छिन, ऊ सभ्यों को पूरु होण जरुरी च।”

यूहन्ना 16:13

पर जब उ सच्‍चै को आत्मा आलु, त उ तुमतै पूरु सच्‍चै को बाटु बतालु। अर उ अपणी तरफा बटि कुछ भि नि बोललु, पर जु कुछ भि उ सुणलु उन्‍नि बतालु। अर होण वळी बातों तैं उ तुम पर परगट करलु।

खास चेलों 3:21

अर या बात जरुरी च कि यीशु स्वर्ग मा तब तक रौ जबरि तक की परमेस्वर सब चीजों तैं फिर से नयू नि कैरी द्‍यो, जौं बातों का बारा मा परमेस्वर न अपणा पवित्र रैबर्यों का द्‍वारा भौत साल पैलि ही बुलवैयालि छौ।

इब्रानी 2:3

त सोचा, अगर जु हम छुटकारा पौण वळा बाटा तैं स्वीकार नि करुला, त हम वेका दण्ड से बचण की उम्मीद कनकै कैरी सकद्‍यां? अर सबसे पैलि पिता परमेस्वर न ही ईं बात का बारा मा बतै, अर जौं लोगु न वेका रैबार तैं सुणी, ऊंन हमतै यू साबित कैरिके दिखै दिनी कि वा बात सच्‍चि छै।

इब्रानी 3:5

हे मेरा दगड़्यों, हम जणदा छां कि परमेस्वर का रैबर्या मूसा न ठिक उन्‍नि कैरी, जन वेकू पिता परमेस्वर न बोलि छौ, अर अपणा जमना मा जब वेन सेवा को काम करण छौ, त वेन पिता परमेस्वर का लोगु की देख-रेख कैरी। अर वे बगत मा ही मूसा रैबर्या न ऊं लोगु तैं बतै छौ कि पिता परमेस्वर न औण वळा बगत खुणि क्‍वा जि योजना बणै के रखी च।

इब्रानी 4:8

किलैकि हम जणदा छां कि पितर यहोशू इस्राएल का लोगु तैं आराम की जगा मा दाखिल करण मा सफल नि ह्‍वे। अर अगर इन ह्‍वे जान्दु, त पिता परमेस्वर भविष्य की बात नि करदु, कि वु मेरी आराम की जगा मा दाखिल होला।

इब्रानी 5:5

अर ठिक इन्‍नि यीशु मसीह न भि महा पुरोहित का पद तैं पौणु खुणि खुद तैं अफि नि चुणी, मगर यू आदर-सम्मान त वेतैं पिता परमेस्वर न दिनी। अर पवित्रशास्‍त्र की एक जगा मा परमेस्वर वेका बारा मा इन बुल्दु कि, “तू मेरु पुत्र छैई, अर आज से मि तेरु पिता छौं।”

इब्रानी 9:19

अर जु कुछ भि परमेस्वर न मूसा रैबर्या तैं बतै वेन वु नियम-कानून लोगु तैं ठिक उन्‍नि बतैनि, कि ऊंतैं माफी पौणु खुणि इन्‍नि ही करण चयेणु। तब वेन बोड़ो अर बखरों का ल्वे का दगड़ा मा पाणि मिलै अर लाल ऊंन अर जुफा की पौद से करार का दस्तावेजों अर सब लोगु पर छिड़की।

इब्रानी 11:2

अर बिस्वास रखण की वजै से ही हमरा पितर परमेस्वर की नजर मा स्वीकार किये गैनी।

इब्रानी 12:25

इलै ईं बात तैं याद रखा कि, जब पितर मूसा न इस्राएली लोगु तैं परमेस्वर को रैबार सुणै त ऊं लोगु न आज्ञा को पालन नि कैरी अर वु लोग नि बचि सकिनी, इलै चौकस ह्‍वे जा किलैकि अब जब परमेस्वर सीदा स्वर्ग बटि हम से बात करदु, अर अगर अब हम भि आज्ञा नि मणद्‍यां त हम कनकै बचि सकुला।