गलातियों 6:3 - Garhwali

³ अर अगर कुई मनखि अफ तैं दुसरो से जादा ठिक समझदु पर हो ना, त सुणी ल्या की इन्द्रयो मनखि खुद तैं ही धोखा देणु च।

गढवली नयो नियम

³ जु कुई सुचद कि उ एक महान आदिम च, जबकि हक्कीकत मा उ छैं नि च, त उ अपड़ा आप तैं धोखा दींणु च।

गलातियों 6:3 Referans Kwoze

1 कुरिन्थि 3:18

हे मेरा दगड़्यों, धोखा मा नि रयां, अगर तुम मा बटि कुई इन सोचदु कि उ ये जमना मा ज्ञानी च, त सबसे पैलि उ परमेस्वर की बात माणी के सच्‍चि मा ज्ञानी बणि जौ, तब चै लोग वेतैं मूरख ही किलै नि समझा।

1 कुरिन्थि 8:2

अर जु लोग अपणा ज्ञान पर बड़ु मोन करदिन ऊ सच्‍चा वचन तैं नि जणदिन।

रोमियों 12:3

अर ज्वा किरपा पिता परमेस्वर न मि पर कैरी, वेका मुताबिक मि तुमतै बतै देन्दु, कि तुम भि भौत कुछ छाँ इन दिखौणु खुणि तुम लोगु का समणि खुद तैं परगट नि कैरा, बल्किन मा जु बिस्वास पिता परमेस्वर न तुमतै सौंपी, वेका बारा मा ध्यान से सोच-विचार कैरा।

2 कुरिन्थि 3:5

अर मि इन नि बोन्‍नु छौं कि यू सब कुछ हम अपणी ताकत से करद्‍यां, बल्किन मा यू त पिता परमेस्वर ही च जु की हमतै ताकत देन्दु कि हम यू काम कैरी सैका।

1 कुरिन्थि 13:2

अर अगर मितैं भविष्यबाणी करण को बरदान मिल्यूं हो अर मि मा सब पवित्र राज की जानकारी या ज्ञान हो, अर अगर मितैं इथगा बिस्वास हो कि मि वेकी ताकत से पाड़ो तैं इख बटि उख कैरी द्‍यूं, पर दुसरा लोगु से मि प्यार नि कैरुं, त फिर मि कुछ भि नि छौं।

1 यूहन्ना 1:8

अर अगर हम इन बुल्द्‍यां कि, “हमरा भितर पाप नि च,” त हम खुद तैं धोखा दिणा छा अर हम मा सच्‍चै छैई नि च।

रोमियों 12:16

अर अपणा आपस मा मेल-जोल से रा अर बड़ु मोन नि कैरा, बल्किन मा ऊं लोगु का दगड़ा मा मेल-जोल कैरा, जौं तैं लोग अकसर कुछ नि समझदिन। अर खुद तैं जादा होसियार समझि के बड़ु मोन नि कैरा।

लूका 18:11

अर फरीसी खड़ु ह्‍वेके अपणा मन मा इन प्रार्थना करण लगि गै कि, ‘परमेस्वर, मि तुमरो धन्यवाद करदु कि मि दुसरा लोगु का जन ठग, अधरमी, अर ना ही गळत सम्बन्ध रखण वळा का जन छौं, अर ना ही ये चुंगी लेण वळा का जन छौं।

याकूब 1:22

अर तुम परमेस्वर का वचन तैं केवल सुनण वळा ही ना, बल्किन मा वेतैं सुणी के वेको पालन करण वळा भि बणा। किलैकि जु वचन तैं सुणी के वेको पालन नि करदु, उ खुद तैं धोखा देणु च।

याकूब 1:26

अगर कुई भि खुद तैं धरमी समझदु, अर अपणी जीब तैं अपणा वश मा नि रखदु, त उ खुद तैं धोखा देन्दु, अर वेको परमेस्वर की नजर मा धरमी बणण बेकार च।

2 तीमुथियुस 3:13

पर दुष्‍ट अर धोखा देण वळा बिगड़दी जाला, अर वु दुसरो तैं धोखा द्‍याला अर खुद भि धोखा खाला।

2 कुरिन्थि 12:11

मि तुमरि खातिर नासमझ बणि ग्यों, मगर वां खुणि भि तुमुन ही मितैं मजबूर कैरी, जब तुमतै मेरी तरफा बटि बुलण चयेणु, तब तुम इन नि करद्‍यां। अर भले ही मि लोगु कि नजर मा कुछ नि छौं, मगर फिर मि यीशु मसीह का खास चेलों मा बटि कम भि नि छौं।

गलातियों 2:6

अर मेरा दगड़्यों, शुभ समाचार को जु परचार मिन ऊं लोगु का बीच मा कैरी, जु कि यहूदी जाति का नि छिन। जब मिन ईं बात का बारा अध्यक्ष लोगु तैं बतै, त ऊंन मेरी बातों मा कुई फेर बदल नि कैरी, बल्किन उई बात मितैं वापस बतैनि। जब कि ऊ लोग त खास मणै जनदिन। (अर मितैं ईं बात से कुई फर्क नि पोड़दु, कि ऊंको पद क्या च, किलैकि पिता परमेस्वर कै भि मनखि का दगड़ा मा भेदभाव नि करदु)।

खास चेलों 5:36

किलैकि कुछ दिन पैलि थियुदास नौ को मनखि मुखिया बणि के ऐ छौ, अर बुल्दु छौ की मि भि कुछ छौं, अर करीब चार सौ लोग वेका दल मा सामिल ह्‍वे गै छा। पर जब वेतैं मरवयै गै, त जथगा भि लोग वेकी शिक्षा तैं मनण वळा छा, वु सब तितर-बितर ह्‍वे गैनी, अर अब ऊंका दल को कुई अता-पता ही नि च।

गलातियों 2:9

अर जब भै याकूब, कैफा अर यूहन्‍ना जु कि बिस्वासी समुदाय का खम्बा मणै जनदिन, जब वु वीं किरपा का बारा मा जाणि गैनी ज्वा कि मि पर होईं च, तब ऊंन मितैं अर बरनबास भै तैं परमेस्वर की सेवा मा ऊंकी मदद करण वळो का रुप मा स्वीकार कैरी। अर ऊंन हमतै ऊं लोगु का बीच मा सेवा करणु कू भेजि जु यहूदी जाति का नि छिन, अर खुद वु यहूदी लोगु का बीच मा सेवा कना रैनी।