गलातियों 6:14 - Garhwali

¹⁴ अर अब या दुनियां मेरी नजर मा मोरि गै अर मि ईं दुनियां खुणि मोरि ग्यों, किलैकि मि खुणि केवल प्रभु यीशु मसीह की क्रूस ही च जिं का खातिर मि बड़ु मोन करदु।

गढवली नयो नियम

¹⁴ मि सूली पर हमारा प्रभु यीशु मसीह की मौत का अलावा कभी भि कै हैंकी बात पर बड़ो मोन नि कन चांदु। अर ईं दुनिया की कै भि चीज कु मि तैं कुई लालच नि च, अर मि मा अब दुनिया का कामों तैं कने की कुई इच्छा नि च।

गलातियों 6:14 Referans Kwoze

रोमियों 6:6

किलैकि हम जणदा छां, कि हमरु पुरणु सभौ यीशु मसीह का दगड़ा-दगड़ि क्रूस पर चड़ये गै, ताकि हमरु पुरणु सभौ खतम ह्‍वे जौ, अर हम औण वळा बगत मा पाप का गुलाम नि रा।

गलातियों 2:20

अर मि यीशु मसीह का दगड़ा मा क्रूस पर चड़ये ग्यों, इलै अब मि ज्यून्दु नि छौं, पर यीशु मसीह मि मा ज्यून्दु च। अर अब ये सरील मा मि जु जीवन जीणु छौं, वु केवल परमेस्वर का पुत्र पर बिस्वास कैरिके ही जीणु छौं, जैन मि बटि प्यार कैरी अर मि खुणि अफ तैं दे दिनी।

1 कुरिन्थि 2:2

किलैकि जब मि तुमरा दगड़ा मा छौ, त मिन इन ठाणियालि छौ कि यीशु मसीह अर वेको क्रूस पर चड़ये जाण तैं छोड़ि के, और कैं दुसरि बात मा तुमरो ध्यान तैं नि जाण द्‍यूं।

फिलिप्पी 3:3

अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।

रोमियों 1:16

अर मि शुभ समाचार को परचार करण मा नि सरमान्दु, किलैकि ये परचार मा परमेस्वर की ताकत च अर पैलि यू शुभ समाचार केवल यहूदी जाति का लोगु खुणि छौ, मगर अब यू परचार ऊं लोगु खुणि भि ह्‍वे गै जु यहूदी जाति का नि छिन। अर हरेक वु मनखि जु कि बिस्वास करलु वेतैं छुटकारा मिललु।

गलातियों 5:24

अर जौं लोगु न यीशु मसीह पर बिस्वास कैरी ऊंन अपणा सभौ अर अपणा सरील की इच्छाओं तैं यीशु मसीह का दगड़ा मा क्रूस पर चड़ैयालि।

1 कुरिन्थि 3:21

इलै कुई भि मनखि इन दावा नि कैरो, कि उ कै खास मनखि को चेला च, किलैकि तुमरि भलै खुणि ही पिता परमेस्वर न तुमतै सब कुछ दियूं च।

1 कुरिन्थि 15:58

इलै हे मेरा प्यारा भै-बैंणो, तुम मजबूत बणा अर बिस्वास मा अटल बणयां रा। अर खुद तैं प्रभु का सुपुर्द कैरी द्‍या, किलैकि तुम जणदा ही छाँ कि तुमरि कठिन मेनत प्रभु मा बेकार नि जान्दी।

गलातियों 1:4

अर तुम यू जाणि ल्या, कि वे ही यीशु न हमरा पापों का खातिर खुद तैं बलिदान होणु खुणि दे दिनी, ताकि इन कैरिके वु हमरा पिता परमेस्वर की मनसा का मुताबिक हमतै आज ईं दुनियां की बुरी बातों से आजाद कैरो।

1 कुरिन्थि 1:23

मगर हम त क्रूस पर चड़यां यीशु मसीह को परचार करद्‍यां। अर यहूदी लोगु खुणि यू परचार उतेडु़ लगण की वजा च, अर जु लोग यहूदी जाति का नि छिन ऊं खुणि यू बेकार को काम च।

रोमियों 6:2

नऽ रे ना इन नि ह्‍वे सकदु। जब एक बार हम पाप करणु खुणि मुरयां मनखि का जन ह्‍वे ग्यां, त फिर हम पाप का अधीन मा कनकै रै सकद्‍यां?

2 कुरिन्थि 11:12

अर तुमरा बीच मा कुछ लोग इन छिन, जु कि बड़ु मोन कैरिके अफ खुणि इन बुल्दिन कि हम भि यीशु मसीह का खास चेला छां। इलै मिन तुम बटि कै भि किसम को दान नि लिनी, ताकि इन्द्रया लोग तैं मौका नि मिलु कि वु हमरा बराबर छिन।

लूका 20:16

मि तुमतै बतै देन्दु कि, उ ऐके ऊं किसानों को नास कैरी द्‍यालु, अर अंगूरों को बगिचा दुसरो मा सौंपी द्‍यालु।” अर यू सुणी के ऊंन बोलि, “परमेस्वर नि कैरो कि इन हो”

गलातियों 2:17

अर हम जु यीशु मसीह पर बिस्वास कैरिके परमेस्वर की नजर मा धरमी बणणे की कोसिस करण पर लग्यां छां, अर अगर जु हम खुद ही पाप करण लगि जां, त यां को मतलब त इन ह्‍वे गै कि यीशु मसीह खुद पाप को सेवक च अर हमतै पाप करणु खुणि उकसौन्दु, त क्या इन्दरि बात च? नऽ रे ना इन्दरि बात बिल्कुल भि नि च।

गलातियों 2:19

अर नियम-कानूनों को पालन करणु खुणि मि पौलुस नियम-कानून की नजर मा एक मुरयां मनखि का जन ह्‍वे ग्यों, अर अब मि परमेस्वर खुणि जीणु छौं।

गलातियों 3:21

अर तुम क्या सोचद्‍यां कि नियम-कानून परमेस्वर का करारों को विरोध करदिन? ना इन बिल्कुल भि नि च, किलैकि अगर इन्द्रयो नियम-कानून दियूं होन्दु, जु हमतै सदनि को जीवन देन्दु, त नियम-कानून को पालन करण से ही हम लोग धरमी ठैरैये जान्दा।

फिलिप्पी 3:18

किलैकि भौत सा लोगु को चाल-चलन इन्द्रयो च, जौं का बारा मा मिन अकसर तुमतै बतै, अर अब भि मि रुवे-रुवे के तुमतै बतौणु छौं, कि इन्द्रया लोग अपणा चाल-चलन का द्‍वारा इन साबित कैरी देन्दिन कि जु बलिदान यीशु मसीह न क्रूस पर देई वु वेका दुसमन छिन।

कुलुसी 2:20

हे मेरा भै-बैंणो, तुमरा पापि सभौ तैं यीशु मसीह का दगड़ा क्रूस पर मरे गै, इलै अब बुरी ताकतों को तुम पर कुई अधिकार नि च। अर मितैं इन बता कि अब तुमरो सभौ इन्द्रयो किलै होणा छाँ? अरे, तुम त इन जीवन जीण छाँ जन कि ईं दुनियां का नियम तुम खुणि ही बणयां हो,