गलातियों 6:13 - Garhwali

¹³ अर खतना का रिवाज तैं पूरु करौण वळा वु लोग खुद त मूसा का दियां नियम-कानून को पालन नि करदिन, मगर तुमरो खतना करौणु खुणि वु बेताब होयां छिन, ताकि वु दावा कैरी सैका कि तुम ऊंका चेला छाँ।

गढवली नयो नियम

¹³ इख तक की यहूदी विश्वासी भि मूसा की सैरी व्यवस्था तैं नि मणदींनि, पर उ चदींनि कि तुम्हरो खतना किये जौ कि उ दुसरा यहूदियों का जन बड़ो मोन कैरी के यु बतै सका कि तुम्हरा खतना ऊंका कारण हवे।

गलातियों 6:13 Referans Kwoze

फिलिप्पी 3:3

अर सच्‍चि बात त या च कि आत्मिक रुप से जौं लोगु न खतना का रिवाज तैं पूरु कैरी, वु तुम ही छाँ। अर हम परमेस्वर की भक्‍ति तैं पवित्र आत्मा का द्‍वारा करद्‍यां, अर हम अपणा सरिलों पर कुई भरोसा नि करद्‍यां, बल्किन मा अपणा प्रभु यीशु मसीह तैं देखि के हमरु मोन त और भि जादा बड़ु होन्दु।

1 कुरिन्थि 5:6

अर तुमतै क्या लगदु, कि बड़ु मोन कन ठिक बात च? अर क्या तुम नि जणद्‍यां कि, “अगर थुडु सा खमीर तैं आटा मा मिल्ये जौ, त उ पूरा गुन्द्‍यां आटा तैं खमीर बणै देन्दु।”

2 पतरस 2:19

अरे, यू झूठ्‍ठा लोग खुद त बुगणा छिन, अर दुसरो तैं बचौण की बात कना छिन। किलैकि इन्द्रया लोग त आजादी दिलौण को करार करदिन, जब कि यू खुद बुरै का गुलाम छिन।

2 कुरिन्थि 11:18

अर भौत सा लोग त इन छिन जु कि अपणी बातों पर बड़ु मोन करदिन, त मि भि अपणी बातों पर बड़ु मोन करलु।

मत्ती 23:15

“हे शास्‍त्री अर फरीसी दल का लोगु, तुम पर हाय च, अर तुम बड़ा ढोंगि छाँ, किलैकि तुम एक मनखि तैं यहूदी बणौणु खुणि दिन-रात एक कैरी देन्द्‍यां। अर जब तुम वे मनखि तैं यहूदी बणै देन्द्‍यां त इन कैरिके तुम वेतैं अफ से भि जादा नरकलोक का लैख बणै देन्द्‍यां।

मत्ती 23:3

इलै ऊ जु कुछ भि तुम बटि बुलला तुम ऊंकी माणा अर उन्‍नि कैरा, पर ऊंका जन काम नि कर्यां, किलैकि जु कुछ भि ऊ बुल्दिन, वेका मुताबिक वु खुद नि करदिन।

1 कुरिन्थि 3:21

इलै कुई भि मनखि इन दावा नि कैरो, कि उ कै खास मनखि को चेला च, किलैकि तुमरि भलै खुणि ही पिता परमेस्वर न तुमतै सब कुछ दियूं च।

मत्ती 23:23

“हे शास्‍त्री अर फरीसी दल का लोगु, तुम पर हाय च अर तुम भौत बड़ा ढोंगि छाँ, किलैकि तुम पुदीना, सौंफ अर जीरा की तरौं छुटी-छुटी चीजों को भि दसुं हिस्सा देन्द्‍यां, पर परमेस्वर का नियम-कानूनों मा जु खास-खास बात छिन ऊंतैं तुम छोड़ि देन्द्‍यां, जु कि जादा जरुरी छौ, जन कि न्याय करण, खरु मनखि बणण, दुसरा लोगु पर दया करण, अर भरोसा का लैख बणण। अर हरेक चीज को दसुं हिस्सा देण अच्छी बात च, मगर येका दगड़ा-दगड़ि तुमतै परमेस्वर का नियम-कानूनों की खास बातों पर भि ध्यान देण चयेणु छौ।

लूका 5:38

इलै नयू अंगूरों को रस नया चमड़ा का थैलों मा भोरण चयेणु।