गलातियों 5:9 - Garhwali

⁹ अर जन थुडु सा खमीर तैं आटा मा मिल्ये जौ, त उ पूरा गुन्द्‍यां आटा तैं खमीर बणै देन्दु, ठिक उन्‍नि गळत शिक्षा भि च।

गढवली नयो नियम

⁹ झूठी शिक्षा इन फैलणी च, जन की य कहावत बुल्दी, “जरा सी खमीर सब गुन्द्या आटा तैं खमीर कैरी दींद।”

गलातियों 5:9 Referans Kwoze

1 कुरिन्थि 15:33

इलै तुम धोखा मा नि रयां किलैकि, “कुसंगति को संग नि करण अर डुण्डी लखड़ी कन्ध नि धरण।”

मरकुस 8:15

वेन ऊंतैं चितै के बोलि, “सुणा, फरीसी दल का लोगु अर हेरोदेस अन्तिपास का खमीर से बचि के रा।”

लूका 13:21

यू त खमीर का जन च जैतैं एक जनानि न तीन पाथा आटा मा खमीर मिलै, अर इन करद-करद उ पूरु आटु खमीर बणि गै।”

लूका 12:1

अर जब यीशु शास्‍त्री का इख बटि ऐ गै, त यीशु तैं मिलणु खुणि बिजांम लोगु की भीड़ इकट्‍ठा ह्‍वे गै, अर लोगु की संख्या इथगा छै, कि वु एक-दुसरा पर फरक्योंणा छा। तब यीशु न सबसे पैलि अपणा चेलों कू बोलि कि, “सुणा, फरीसी लोगु का ढोंग रुपी खमीर से चौकस रा।

2 तीमुथियुस 2:17

अर जन ददरो सरील मा भौत जल्दी फैलदी, ठिक उन्‍नि झूठ्‍ठी शिक्षा भि लोगु का बीच मा भौत जल्दी फैलदी च। अर वा झूठ्‍ठी शिक्षा देण वळा हुमिनयुस अर फिलेतुस छिन।

मत्ती 23:33

हे खतरनाक बिस से भोर्यां गुरौ अर ऊंका बच्‍चों, तुम लोग नरकलोक का दण्ड पौड़ से कनकै बचि सकिल्या?

मत्ती 13:33

अर यीशु न ऊंतैं एक और उदारण देके बोलि, “परमेस्वर को राज खमीर का जन च जैतैं एक जनानि न तीन पाथा आटा मा खमीर मिलै, अर उ पूरु आटु खमीर बणि गै।”